দাগ (চলচ্চিত্ৰ)

দাগ ২০০১ চনত মুক্তি লাভ কৰা এখন ৰোমাণ্টিক ৰহস্যধৰ্মী ছবি। বিশিষ্ট পৰিচালক মুনিন বৰুৱাই চলচ্চিত্ৰখন পৰিচালনা কৰিছিল আৰু প্ৰযোজনা কৰিছিল নীলোৎপল চৌধুৰীয়ে। সংগীত পৰিচালনা আছিল জুবিন গাৰ্গৰ। ছবিখনৰ মুখ্য ভূমিকাত অভিনয় কৰিছিল তপন দাস, যতীন বৰা, অনুৰূপা পাঠক আৰু বিষ্ণু খাৰঘৰীয়াই।^১

কাহিনীৰ সাৰাংশ

দুই ভাতৃয়ে নজনাকৈ একেগৰাকী ছোৱালীৰ প্ৰেমত পৰে আৰু তাৰ পিছতেই বিভিন্ন ঘাত-প্ৰতিঘাত আৰু প্ৰতিশোধৰ মাজেৰে ছবিখনৰ কাহিনীভাগ আগবাঢ়ে। অৱশেষত জ্যেষ্ঠ ভাতৃয়ে কনিষ্ঠ ভাতৃৰ বাবে নিজকে ত্যাগ কৰে।^২

অভিনয়ত

• তপন দাস - ৰোহিত বৰুৱা / ৰাজু
• যতীন বৰা - ৰাহুল বৰুৱা
• অনুৰূপা পাঠক - বাসৱী
• বিষ্ণু খাৰঘৰীয়া - ললিত
• প্ৰাঞ্জল শইকীয়া
• মৃদুলা বৰুৱা
• নিপন গোস্বামী
• পূৰ্ণিমা শইকীয়া
• অৰুণ নাথ
• অৰুণ হাজৰিকা
• চেতনা দাস

সংগীত

জুবিন গাৰ্গে চলচ্চিত্ৰখনৰ সংগীত পৰিচালনা কৰিছিল। গীত লিখিছিল জুবিন গাৰ্গ আৰু দিগন্ত ভাৰতীয়ে। গীতসমূহত কণ্ঠদান কৰিছিল জুবিন গাৰ্গ, শাশ্বতী ফুকন, ৰূপজ্যোতি দেৱী, মহালক্ষ্মী আয়াৰ, জংকী বৰঠাকুৰ আৰু দিগন্ত ভাৰতীয়ে। ছবিখনৰ গীতসমূহ চিৰসেউজ আৰু এতিয়াও যথেষ্ট জনপ্ৰিয়।

জুবিন গাৰ্গ আৰু দিগন্ত ভাৰতীয়ে একেলগে গোৱা প্ৰথমটো গীতক প্ৰতিনিধিত্ব কৰাৰ বাবে "মনলে উভতি আহে ল'ৰালি" ট্ৰেকটো তাৎপৰ্যপূৰ্ণ, য'ত দিগন্তই এই ছবিখনৰ জৰিয়তে নেপথ্য কণ্ঠশিল্পী হিচাপে আত্মপ্ৰকাশ কৰিছিল।

টোকাসমূহ

• ট্ৰেক ৮ আৰু ৯ হৈছে "বোনাচ ট্ৰেক" আৰু বোলছবিখনত প্ৰদৰ্শিত হোৱা নাছিল।

বাহ্যিক সংযোগ

• গীত সংকলন ৱেবচাইটত দাগ ছবিৰ গীত
• দাগ ছবিৰ গীতৰ অডিঅ'