ত্ৰিধা চৌধুৰী

ত্ৰিধা চৌধুৰী (Tridha Choudhury; জন্ম: ২২ নৱেম্বৰ ১৯৯৩) এগৰাকী ভাৰতীয় অভিনেত্ৰী। তেওঁ প্ৰধানকৈ হিন্দী, বাংলা আৰু তেলেগু চলচ্চিত্ৰ আৰু ধাৰাবাহিকত অভিনয় কৰে।^১ তেওঁ টাইমছ অৱ ইণ্ডিয়াৰ ক্লিন এণ্ড ক্লিয়াৰ ফ্ৰেছফেচ, ২০১১ খিতাপ অৰ্জন কৰিছিল।^২ তেওঁৰ অভিনীত প্ৰথমখন চলচ্চিত্ৰ আছিল ২০১৩ চনত সৃজিত মুখোপাধ্যায়ৰ পৰিচালনাত নিৰ্মিত ছবি, মিছৰ ৰহস্য। ২০১৬ চনৰ ১৪ মাৰ্চত, ষ্টাৰপ্লাছ চেনেলত প্ৰিমিয়াৰ হোৱা ধাৰাবাহিক, দেহলীজত অভিনয়েৰে তেওঁ টেলিভিছনতো অভিষেক ঘটায়।^৩

তেওঁ ২০২০ চনত, এমাজন প্ৰাইম ভিডিঅ’ৰ ৱেব ধাৰাবাহিক, বেণ্ডিছ বেণ্ডিটছ আৰু এমএক্স প্লেয়াৰৰ মৌলিক ৱেব ধাৰাবাহিক, আশ্ৰমত অভিনয় কৰে।

প্ৰাৰম্ভিক জীৱন আৰু শিক্ষা

পশ্চিমবংগৰ কলকাতা চহৰত চৌধুৰীৰ জন্ম হৈছিল। এম. পি. বিৰলা ফাউণ্ডেচন উচ্চতৰ মাধ্যমিক বিদ্যালয়ত স্কুলীয়া শিক্ষা সাং কৰি তেওঁ কলকাতাৰ স্কটিছ চাৰ্চ কলেজৰ পৰা উচ্চ শিক্ষা গ্ৰহণ কৰে।^৪ তেওঁ আচলতে এগৰাকী অণুজীৱবিজ্ঞানী (Microbiologist)।^৫

সংবাদ মাধ্যম

চৌধুৰীয়ে ২০২০ চনত, দ্য টাইম্‌ছ অৱ ইণ্ডিয়াৰ "মʼষ্ট ডিজায়াৰেবল উইমেন লিষ্ট" শীৰ্ষক তালিকাত ত্ৰয়োদশ স্থান লাভ কৰিছিল।^৬

চলচ্চিত্ৰপুঞ্জী

চলচ্চিত্ৰ

দূৰদৰ্শন

ৱেব ধাৰাবাহিক

সংগীত ভিডিঅʼ