নিতাংশী গ’য়েল

নিতাংশী গ’য়েল (Nitanshi Goel; জন্ম: ১২ জুন ২০০৭) এগৰাকী ভাৰতীয় কিশোৰী অভিনেত্ৰী। তেওঁ বিভিন্ন ছবি তথা ধাৰাবাহিকত অভিনয় কৰিছে। তাৰ ভিতৰত থাপকি প্যাৰ কি (২০১৭), কৰ্মফল দাতা শনি (২০১৬), এম.এছ. ধোনী: দ্য আনট'ল্ড ষ্ট'ৰী (২০১৬), ইন্দু চৰকাৰ (২০১৭), ইনছাইড এজ (২০১৭), পোছাম পা (২০১৯), আৰু ময়দান (২০২৪) আদি উল্লেখযোগ্য। কমেডী-ড্ৰামা ছবি লাপতা লেডীজ (২০২৪)ত মুখ্য চৰিত্ৰত কৰা অভিনয়েৰে তেওঁ অভিনেত্ৰী ৰূপে নজৰলৈ আহে॥^১

প্ৰাৰম্ভিক জীৱন আৰু পৰিয়াল

২০০৭ চনৰ ১২ জুনত ভাৰতৰ উত্তৰ প্ৰদেশৰ নয়দাত গ’য়েলৰ জন্ম হৈছিল।^২ পিতৃ নীতিন গ’য়েল আৰু মাতৃ ৰাশি গ’য়েলৰ সৈতে তেওঁ এক মধ্যবিত্তীয় হিন্দু পৰিয়ালত ডাঙৰ-দীঘল হৈছিল।^৩ এটি সাক্ষাৎকাৰত তেওঁ কয় যে তেওঁৰ অভিনয়ৰ সপোনক সাকাৰ কৰিবলৈ তেওঁৰ পিতৃ-মাতৃয়ে নিজৰ কেৰিয়াৰ ত্যাগ কৰিছিল।^৪৫

কৰ্মজীৱন

২০১৫ চনত গ’য়েলে মিছ পেণ্টালুনছ জুনিয়ৰ ফেশ্বন আইকনৰ খিতাপ লাভ কৰে।^৬

তেওঁ এম.এছ. ধোনী: দ্য আনট'ল্ড ষ্ট'ৰী, ইন্দু চৰকাৰ, থাপকি প্যাৰ কি, কৰ্মফল দাতা শনি, আৰু পেশ্বৱা বাজিৰাওকে ধৰি অসংখ্য ধাৰাবাহিক তথা চলচ্চিত্ৰত অভিনয় কৰিছে।

২০২৪ চনত আমিৰ খান প্ৰডাকচনছৰ প্ৰযোজনাত নিৰ্মিত ছবি লাপতা লেডীজত মুখ্য চৰিত্ৰত অভিনয়েৰে তেওঁ বলীউডত অভিষেক ঘটায়। ছবিখনৰ আন চৰিত্ৰসমূহত অভিনয় কৰিছে প্ৰতিভা ৰান্তা, স্পৰ্শ শ্ৰীবাস্তৱ, ছায়া কদম আৰু ৰবি কিষাণে।^৭

চলচ্চিত্ৰপুঞ্জী

চলচ্চিত্ৰ

দূৰদৰ্শন

ৱেব ধাৰাবাহিক

বঁটা আৰু মনোনয়ন