মেধা শংকৰ

মেধা শংকৰ (Medha Shankr; জন্ম: ১ আগষ্ট ১৯৯৭) এগৰাকী ভাৰতীয় অভিনেত্ৰী। তেওঁ হিন্দী চলচ্চিত্ৰত তেওঁৰ কামৰ বাবে পৰিচিত। শংকৰে ব্ৰিটিছ মিনিচিৰিজ বীচাম হাউচ (২০১৯)ত অভিনয়েৰে অভিনয় জগতত আত্মপ্ৰকাশ কৰিছিল আৰু তাৰ পিছত বহু কেইখন ছবিত পাৰ্শ্ব চৰিত্ৰত অভিনয় কৰিছিল। জীৱনীমূলক চলচ্চিত্ৰ, টুৱেলভ্থ ফেইল (২০২৩)ত অভিনয়েৰে তেওঁ সফলতা লাভ কৰে। ছবিখনৰ বাবে তেওঁ শ্ৰেষ্ঠ নৱাগতা অভিনেত্ৰীৰ জি চিনে বঁটা লাভ কৰে।^১২

প্ৰাৰম্ভিক জীৱন

উত্তৰ প্ৰদেশৰ নয়ডা চহৰত শংকৰে জন্ম গ্ৰহণ কৰিছিল আৰু তাতেই তেওঁ ডাঙৰ-দীঘল হৈছিল। শংকৰ এগৰাকী প্ৰশিক্ষিত হিন্দুস্তানী শাস্ত্ৰীয় কণ্ঠশিল্পী। তেওঁ দিল্লীৰ নেচনেল ইনষ্টিটিউট অৱ ফেশ্বন টেকন'লজিৰ পৰা ফেশ্বন মেনেজমেণ্ট বিষয়ত স্নাতকোত্তৰ ডিগ্ৰী লাভ কৰে।^৩৪

কৰ্মজীৱন

২০১৯ চনত, ব্ৰিটিছ টেলিভিছন ধাৰাবাহিক বীচাম হাউচত অভিনয়েৰে, শংকৰে অভিনয় জগতত আত্মপ্ৰকাশ কৰে। ধাৰাবাহিকখনত তেওঁ ৰোশনাৰা নামৰ ছোৱালী এজনীৰ চৰিত্ৰত অভিনয় কৰে।^৫ ইয়াৰ পিছত ২০২১ চনত, শ্বাদিস্থান নামৰ হিন্দী ভাষাৰ কিশোৰ-কিশোৰীৰ সংগীতধৰ্মী ছবি এখনত অভিনয়েৰে শংকৰে চলচ্চিত্ৰত অভিষেক ঘটায়।^৬ নিউজ১৮-ৰ সৃষ্টি নেগীয়ে মতামত আগবঢ়ায়, "মেধাই কিশোৰী এগৰাকীৰ দুৰ্বলতা আৰু উতলি থকা হতাশাক সম্পূৰ্ণ সততাৰে উপস্থাপন কৰে" ^৭ একে বছৰতে, তেওঁ ষ্ট্ৰীমিং ধাৰাবাহিক দিল বেকাৰাৰত কনিষ্ঠ ভগ্নী ঈশ্বৰীৰ চৰিত্ৰত অভিনয় কৰিছিল। এই ধাৰাবাহিকখনে সমালোচকৰ পৰা ইতিবাচক সমালোচনা লাভ কৰিছিল।^৩৮

২০২২ চনত, শংকৰে মেক্স, মিন এণ্ড মেউজাকি নামৰ ছবিখনত মিনাৰাৰ চৰিত্ৰত অভিনয় কৰিছিল, যিয়ে বয়সস্থ মানুহ এজনৰ বাবে তাইৰ প্ৰেমিকক এৰি দিয়ে। এই ছবিখনে বিভিন্ন চলচ্চিত্ৰ মহোৎসৱত সমালোচকৰ প্ৰশংসা লাভ কৰিছিল।^৯ ২০২৩ চনত, শংকৰে অভিনেতা বিক্ৰান্ত মেছিৰ বিপৰীতে নাট্যধৰ্মী ছবি টুৱেলভ্থ ফেইলত শ্ৰদ্ধা যোশীৰ চৰিত্ৰত অভিনয় কৰে।^১০ ইণ্ডিয়া টুডেৰ ভাবনা আগৰৱালাই উল্লেখ কৰিছে, "শ্ৰদ্ধাৰ চৰিত্ৰত মেধা শংকৰৰ এটা নিৰ্দিষ্ট অংশও আছে, আৰু তেওঁ হৈছে ছবিখনৰ লঘু মুহূৰ্তত সহায় কৰা ক্ৰাচ।" ^১১ দ্য হিন্দুৰ অনুজ কুমাৰে কয় যে শংকৰে তেওঁৰ "স্থিৰতা আৰু উষ্ণতাৰে" আপ্লুত কৰে।^১২ ছবিখনে শ্লিপাৰ হিট হিচাপে মৰ্যাদা লাভ কৰিছিল।^১৩ এই ছবিখনে তেওঁৰ কৰ্মজীৱনৰ অগ্ৰগতি প্ৰদান কৰিছিল আৰু তেওঁ অভিনেত্ৰীৰূপে সকলোৰে নজৰলৈ আহে।^১৪

চলচ্চিত্ৰপুঞ্জী

চলচ্চিত্ৰ

টেলিভিছন

বঁটা আৰু মনোনয়ন