জগদ্দিপেন্দ্ৰ নাৰায়ণ(১৯১৫ চনৰ ১৫ ডিচেম্বৰ – ১৯৭০ চনৰ ১১ এপ্ৰিল) ভাৰতৰ কোচ বিহাৰ ৰাজ্যৰ মহাৰাজ আছিল। দ্বিতীয় বিশ্বযুদ্ধৰ সময়ত তেওঁ ব্ৰিটিছ বাহিনীত সেৱা আগবঢ়াই ১৯৪৯ চনত ভাৰত চৰকাৰক সম্পূৰ্ণ শাসক ক্ষমতা প্ৰদান কৰে।
প্ৰাৰম্ভিক জীৱন
কোচবিহাৰ প্ৰাসাদত কোচবিহাৰৰ মহাৰাজ মহাৰাজ জিতেন্দ্ৰ নাৰায়ণ ভূপ বাহাদুৰ আৰু পত্নী মহাৰাণী ইন্দিৰা দেৱীৰ জ্যেষ্ঠ পুত্ৰ হিচাপে জন্মগ্ৰহণ কৰিছিল। তেওঁ অনানুষ্ঠানিকভাৱে 'ভাইয়া' নামেৰে জনাজাত আছিল আৰু তেওঁ গায়ত্ৰী দেৱীৰ ভাতৃ আছিল।১
তেওঁ কেম্ব্ৰিজৰ ইষ্টবৰ্ণৰ ছেইণ্ট চাইপ্ৰিয়ান স্কুল, হেৰ’ এণ্ড ট্ৰিনিটি কলেজ আৰু দেৰাডুনৰ প্ৰিন্স অৱ ৱেলছ ৰয়েল ইণ্ডিয়ান মিলিটাৰী কলেজত অধ্যয়ন কৰে। ১৯২২ চনৰ ২০ ডিচেম্বৰত পিতৃৰ মৃত্যুৰ পিছত তেওঁ কুচ বেহাৰৰ সাত বছৰ বয়সত মহাৰাজ হয় আৰু ১৯২২ চনৰ ২৪ ডিচেম্বৰত সিংহাসনত আৰোহণ কৰে। তেওঁৰ ঘনিষ্ঠ আত্মীয়সকলে জয়পুৰ, বৰোদা, দেৱাছ, কোটা, এলাহাবাদ আৰু কলিকতাত থাকিছিল।
ব্যক্তিগত জীৱন
১৯৪৯ চনত কোচবিহাৰত তেওঁৰ প্ৰথম বিবাহ ব্যক্তিগতভাৱে নিউয়ৰ্ক মহানগৰৰ নেন্সি ভেলেণ্টাইনৰ সৈতে হয়, যিগৰাকী পূৰ্বে পৰ্দাৰ অভিনেত্ৰী আছিল।২৩ ১৯৫৬ চনত লণ্ডনত তেওঁৰ দ্বিতীয় বিবাহ ব্যক্তিগতভাৱে কেম্ব্ৰিজ বিশ্ববিদ্যালয়ত অধ্যয়ন কৰা জৰ্জিয়ানা মে ইগানৰ সৈতে হয়। এই বিবাহ ১৯৬০ চনত ৰাজহুৱা হয় আৰু ১৯৬০ চনৰ জানুৱাৰী মাহত তেওঁৰ পত্নীক 'হাৰ হাইনেছ' উপাধি প্ৰদান কৰা হয়। ১৯৮০ চনৰ পিছত স্পেইনত বসতি স্থাপন কৰে মহাৰাণী জিনা নাৰায়ণে।২০১৩ চনত তাতেই তেওঁৰ মৃত্যু হয়।৪৫
সামৰিক কৰ্মজীৱন
তেওঁ দ্বিতীয় বিশ্বযুদ্ধৰ সময়ত উত্তৰ আফ্ৰিকা, অসম, বাৰ্মা, দক্ষিণ-পূব এছিয়াত ব্ৰিটিছ ভাৰতীয় সেনাবাহিনীৰ সৈতে সেৱা আগবঢ়াইছিল। ১৯৪৫ চনত ছিংগাপুৰত জাপানৰ আত্মসমৰ্পণৰ সময়ত তেওঁ উপস্থিত আছিল।১৯৪৩ চনৰ পৰা ১৯৪৯ চনলৈকে কুচবিহাৰ সামৰিক বাহিনীৰ মুখ্য অধিনায়ক, আৰু জয়পুৰ ৰাজ্যিক বাহিনীৰ ১ম কোচবিহাৰ পদাতিক বাহিনী আৰু ৰাজেন্দ্ৰ হাজাৰী গাৰ্ডৰ কৰ্ণেল ইন চিফ আছিল।
ৰাজনৈতিক কৰ্মজীৱন
তেওঁ চেম্বাৰ অৱ প্ৰিন্সেছ (নৰেন্দ্ৰ মণ্ডল)ৰ স্থায়ী সমিতিৰ সদস্য আছিল।
১৯৪৭ চনৰ আগষ্ট মাহত তেওঁ ডমিনিয়ন অৱ ইণ্ডিয়া যোগদানৰ চুক্তিপত্ৰত স্বাক্ষৰ কৰে আৰু ১৯৪৯ চনৰ ১২ ছেপ্টেম্বৰত ভাৰত চৰকাৰক সম্পূৰ্ণ শাসক ক্ষমতা প্ৰদান কৰে, ১৯৫০ চনৰ ১ জানুৱাৰীত তেওঁৰ ৰাজ্য পশ্চিমবংগৰ সৈতে একত্ৰীকৰণৰ তদাৰক কৰে।
কলিকতাত তেওঁৰ মৃত্যু হয় আৰু তেওঁৰ পিছত তেওঁৰ ভতিজা বিজেন্দ্ৰ নাৰায়ণক পুত্ৰ হিচাপে দত্তক লয়।
ক্ৰিকেট
তেওঁ বংগ ক্ৰিকেট দল বা বংগ ক্ৰিকেট একাদশৰ অধিনায়ক আছিল।
সন্মান
(ribbon bar, as it would look today, incomplete)
- কিং জৰ্জ পঞ্চম ৰূপালী জয়ন্তী পদক – ১৯৩৫
- ৰজা জৰ্জ ষষ্ঠ ৰাজ অভিষেক পদক – ১৯৩৭
- ১৯৩৯–১৯৪৫ ষ্টাৰ – ১৯৪৫
- বাৰ্মা ষ্টাৰ– ১৯৪৫ চন
- আফ্ৰিকা ষ্টাৰ – ১৯৪৫ চন
- পেচিফিক ষ্টাৰ – ১৯৪৫ চন
- যুদ্ধ পদক ১৯৩৯–১৯৪৫ – ১৯৪৫
- ভাৰত সেৱা পদক – ১৯৪৫ চন
- নাইট কমাণ্ডাৰ অৱ দ্য অৰ্ডাৰ অৱ দ্য ইণ্ডিয়ান এম্পায়াৰ (কেচিআইই) – ১৯৪৭
- ভাৰতীয় স্বাধীনতা পদক – ১৯৪৭ চন
- দ্বিতীয় ৰাণী এলিজাবেথৰ ৰাজ অভিষেক পদক – ১৯৫৩
বাহ্যিক সংযোগ
তথ্যসূত্ৰ
- ↑ (2020-08-21). New book says British did not want 'non-Aryan' Gayatri Devi to marry Raja of Jaipur. Indian Express
- ↑ Forbidden love. The Week
- ↑ (2020-05-24). Right royal kitsch. Deccan Herald
- ↑ (2013-01-17). End of an era... Bengal Post
- ↑ (2013-04-27). Model became an Indian princess. The Sydney Morning Herald
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “জগদ্দিপেন্দ্ৰ নাৰায়ণ” প্ৰবন্ধৰ সংশোধন ৫৬০৫২৫ (৩ ডিচেম্বৰ ২০২৫)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।