গজ গামিনী

গজ গামিনী হ'ল এম. এফ. হুচেইনৰ দ্বাৰা লিখিত আৰু পৰিচালিত এখন ভাৰতীয় বোলছবি‍। এই বোলছবিখনৰ মুখ্য চৰিত্ৰত অভিনয় কৰিছে মাধুৰী দীক্ষিত-এ।^১২ ২০০০ চনৰ ১ ডিচেম্বৰত মুক্তি পোৱা এই বোলছবিখন বক্স অফিচত বিফল হৈছিল।^৩

কাহিনী

চিনেমাখনৰ কেন্দ্ৰীয় ব্যক্তিত্বক প্ৰতিনিধিত্ব কৰিছে "গজ গামিনী" নামৰ এগৰাকী ৰহস্যময় ব্যক্তিয়ে, যিয়ে সাধাৰণ মানুহক অনুপ্ৰাণিত, উত্তেজিত আৰু বিভ্ৰান্ত কৰে॥ "গজ গামিনী" লিওনাৰ্ডো দা ভিঞ্চিৰ 'মনালিছা', কালিদাসৰ কবিতা "শকুন্তলা" আৰু শ্বাহৰুখ নামৰ এজন ফটো সাংবাদিকৰ আঁৰৰ প্ৰেৰণা। ৰহস্যময় "গজ গামিনী"ত চাৰিটা চৰিত্ৰ হিচাপে দেখা যায়, তাৰ ভিতৰত এটা হৈছে সময়ৰ আৰম্ভণিতে বানাৰসৰ পৰা অহা অন্ধ ছোৱালী সংগীতা, যিয়ে গাঁৱৰ নাৰীক পুৰুষ প্ৰধান ব্যৱস্থাৰ বিৰুদ্ধে বিদ্ৰোহ কৰি চিৰদিনৰ বাবে নাৰীৰ বাবে এটা স্থান খোদিত কৰিবলৈ অনুপ্ৰাণিত কৰে। আন এটা চৰিত্ৰ হৈছে কালিদাসৰ একে নামৰ কবিতাৰ বিষয়বস্তু শকুন্তলা। শকুন্তলাই কেৰালাৰ অৰণ্যত মানুহ আৰু জীৱ-জন্তুক একেদৰেই মোহিত কৰি চৌপাশৰ পুৰুষৰ মাজত ঈৰ্ষা আৰু প্ৰেমৰ সৃষ্টি কৰে। "গজ গামিনী" হৈছে নৱজাগৰণৰ সময়ৰ মনালিছা, যি চিত্ৰশিল্পী লিওনাৰ্দো দা ভিঞ্চিৰ আৱেগৰ লক্ষ্য। অৱশেষত, বোলছবিখনৰ আটাইতকৈ বিভ্ৰান্তিকৰ খণ্ডত মনিকাই নিউ মিলেনিয়ামৰ মহিলাক প্ৰতিনিধিত্ব কৰিছে‍। প্ৰেমৰ দেৱতা কামদেৱে "গজ গামিনী"ৰ প্ৰেম লাভ কৰাৰ চেষ্টা কৰি ইতিহাসৰ মাজেৰে পৃথিৱীখন ভ্ৰমণ কৰিছে‍।

এই মিশ্ৰণটোৰ মাজত নিক্ষেপ কৰা হৈছে এখন বৃহৎ ক’লা দেৱাল, যিয়ে দুটা ভিন্ন যুগক পৃথক কৰি ৰাখিছে আৰু ইতিহাসৰ বিভিন্ন সময়ত বিজ্ঞান আৰু শিল্পৰ মাজত হোৱা সংঘাত দেখুৱাইছে, পৃথিৱীখন নিজেই সলনি হ’ব পাৰে, কিন্তু ইয়াৰ মূল ধাৰণাবোৰ সদায় একেই থাকিব। উদাহৰণস্বৰূপে, পঞ্চদশ শতিকাতে‍ লিখা আৰু অভিনেতাসকলে পৰিৱে‍শন কৰা শ্বেক্সপীয়েৰৰ নাটক এখন একবিংশ শতিকাতো কিন্তু পৃথক অভিনেতাৰ যোগেদি‍ পৰিবেশন কৰা হয়। কলা আৰু বিজ্ঞানৰ মাজত হোৱা সংঘাতেই এই ধাৰণাটোও কঢ়িয়াই আনে যে বিজ্ঞানে‍ যি কেৱল প্ৰমাণিত কৰিব পাৰি তাক বিশ্বাস কৰাত দৃঢ়বিশ্বাসী, কলাৰ আধাৰ হ'ল যি প্ৰমাণিত হ'ব পাৰে আৰু এক স্বজ্ঞাত বোধৰ অনুভৱ দিব পাৰে‍। বিজ্ঞানে মগজু ব্যৱহাৰ কৰে, আনহাতে কলাই মগজু আৰু হৃদয় ব্যৱহাৰ কৰে। বোলছবিখনৰ আন এটা দিশ হ'ল "গাথৰী" এটা সৰু টোপোলা যিটো এগৰাকী মহিলাই মূৰত বোজাৰ দৰে কঢ়িয়াই লৈ ফুৰে, যাৰ সৈতে তেওঁ চিৰদিন খোজ কাঢ়িব লাগিব।

অভিনয় শিল্পী

• গজ গামিনী/সংগীতা/শকুন্তলা/মনিকা/মনালিছা হিচাপে মাধুৰী দীক্ষিত
• প্ৰেমচান্দৰ নিৰ্মলা হিচাপে শাবানা আজমী
• লিওনাৰ্দো দা ভিঞ্চিৰ চৰিত্ৰত নাছিৰুদ্দিন শ্বাহ
• সিন্ধুৰ চৰিত্ৰত শিল্পা শিৰোদকাৰ
• কামদেৱৰ চৰিত্ৰত ইন্দৰ কুমাৰ
• তানসেন হিচাপে তেজ ছাপ্ৰু
• নুৰবিবি হিচাপে ফৰিদা জালাল
• কালিদাস হিচাপে মোহন আগাছে
• বিজ্ঞানী হিচাপে আশিস বিদ্যাৰ্থী
• অভিচাৰিকা হিচাপে কল্পনা পণ্ডিত
• ফুলভানিয়া হিচাপে ৰাইছা হুসেন
• ভোলা হিচাপে আলিহাছান তুৰাবি
• নৱাব বেগম হিচাপে ৰছিদা ছিদ্দিকী
• ৰাজমাতা হিচাপে সুনীতা কুমাৰ
• চিত্ৰশিল্পী হিচাপে এম. এফ. হুছেইন
• শ্বাহৰুখ খান নিজে (কেমিয়ো উপস্থিতি)

সম্বৰ্ধনা

ফিল্মফেয়াৰ ৰ সুমন তৰাফদাৰে বোলছবি‍খনৰ এক ধনাত্মক সমালোচনা কৰি ইয়াক "প্ৰতিদিনে অকলসৰে অহা কিবা নহয়" বুলি অভিহিত কৰিছিল।^৪ তৰণ আদৰ্শই কৈছিল,"বোলছবিখনৰ দৃশ্যবোৰ আকৰ্ষণীয় হোৱাৰ লগতে বোলছবিখনৰ এক অতি ৰঙীন ৰূপ আছে। কিন্তু পৰিচালক হিচাপে, হুচেইনে চেলুলইডত তেওঁৰ চিন্তা প্ৰকাশ কৰাত ব্যৰ্থ হৈছে‍। সামগ্ৰিকভাৱে, গজ গামিনী হৈছে এক কলাত্মক বোলছবি‍। যিকোনো দৰ্শক বা জনসাধাৰণৰ কোনো স্তৰে বোলছবিখন বুজি নাপাব। ব্যৱসায়ৰ ক্ষেত্ৰত চলচ্চিত্ৰখন নিশ্চিতভাৱে দুৰ্যোগৰ সৃষ্টি কৰিব। মূল্যৱান চেলুলইডৰ অপচয়।" ^৫৬

ছাউণ্ডট্ৰেক

বোলছবি‍খনৰ বাবে সংগীত ৰচনাৰ বাবে এম. এফ. হুচেইনৰ এ. আৰ. ৰহমান ওচৰলৈ গৈছিল, কিন্তু ব্যস্ততাৰ বাবে তেওঁ এই প্ৰস্তাৱ নাকচ কৰিছিল। বোলছবিখনৰ সংগীত ৰচনা কৰিছিল ভূপেন হাজৰিকাই।