কুইন হাজৰিকা

কুইন হাজৰিকা (জন্ম: ১৬ অক্টোবৰ ১৯৭৬) এগৰাকী ভাৰতীয় গায়িকা^১ আৰু অভিনেত্ৰী। তেওঁৰ ঘৰ অসমৰ লখিমপুৰ জিলা জিলাত। তেওঁ কণ্ঠ প্ৰদান কৰা কেইখনমান অসমীয়া বোলছবিৰ ভিতৰত গৰম বতাহ, মন, চুৰেণ চোৰৰ পুতেক (চলচ্চিত্ৰ) আৰু স্নেহ বন্ধন অন্যতম। তেওঁ ২০১৩ চনত ৰটাৰী য়ং এশ্বিভাৰ এৱাৰ্ডেৰে সন্মানিত^২ হোৱাৰ লগতে ২০১৩ চনতে প্ৰাগ চিনে এৱাৰ্ডৰ শ্ৰেষ্ঠ মহিলা গায়িকাৰ বাবে মনোনীত হৈছিল।^৩

প্ৰাক জীৱনকাল আৰু কেৰিয়াৰ

কুইন হাজৰিকাৰ জন্ম অসমৰ এখন সৰু চহৰ লখিমপুৰ জিলাত আৰু পিতৃ মাতৃ ক্ৰমে ৰাজ হাজৰিকা আৰু উষা গগৈ হাজৰিকা। স্কুলীয়া শিক্ষা লখিমপুৰৰে ছেইণ্ট মেৰীজ হাইস্কুলৰ পৰা সমাপ্ত কৰাৰ পিছত গুৱাহাটীৰ সন্দিকৈ ছোৱালী মহাবিদ্যালয়ৰ পৰা স্নাতক ডিগ্ৰী লাভ কৰে। সৰুৰে পৰাই সংগীত আৰু নাটকৰ চখ থকা হাজৰিকাই চাৰি বছৰ বয়সতে তেওঁৰ প্ৰথম প্ৰদৰ্শন আগবঢ়াইছিল^৩। ভালেমান অসমীয়া আৰু হিন্দী ছবিত তেওঁ গান গোৱাৰ লগতে অভিনয়ো কৰিছে। দূৰদৰ্শন, অল ইণ্ডিয়া ৰেডিঅ, ইউনিচেফ আদিৰ দ্বাৰা প্ৰযোজিত বহু ডকুমেণ্টৰীতো তেওঁ কণ্ঠ নিগৰাইছে। তদুপৰি ডিৱাই ৩৬৫, ফ’কাছ এন ই, নিউজ লাইভৰ কিছু অনুষ্ঠানো তেওঁ সঞ্চালনা কৰিছে। ২০১২ চনত তেওঁ অসমীয়া বোলছবি সূৰ্যাস্তৰ বাবে অভিনয়ৰ প্ৰস্তাৱ লাভ কৰে।^৪

অনন্ত নন্দী, জিম অংকন ডেকা আৰু ঋত্বিকা ভট্টাচাৰ্যৰ আৰু কুইন হাজৰিকাই মিলি সৃষ্টি কৰা 'আৱাজ- স্পিক আপ এগেইনষ্ট ছেক্সুৱেল ভায়’লেন্স'-এ ইতিমধ্যে বিভিন্ন চিনেমা আৰু সংগীতৰ মহোৎসৱত বঁটা লাভ কৰিবলৈ সক্ষম হৈছে।^৫৬

বঁটা আৰু সন্মান

• ৰ’টাৰী যুৱ প্ৰতিভা বঁটা, ২০১৩
• প্ৰাগ চিনে এৱাৰ্ডৰ শ্ৰেষ্ঠ মহিলা গায়ক বঁটাৰ বাবে মনোনীত, ২০১৩

ফিল্ম'গ্ৰাফী

ডিস্ক’গ্ৰাফী

• ছবি
• স্বৰ্গদেউ
• শক্তি অভিমান

সংগীতৰ ভিডিঅ'

• সাৰে আছোঁ (২০১৫)^৭
• আৱাজ- স্পিক আপ এগেইনষ্ট ছেক্সুৱেল ভায়’লেন্স(২০১৩)^৮
• মোৰ আন্ধাৰ নিশাৰ

গীত

• আৱাজ- স্পিক আপ এগেইনষ্ট ছেক্সুৱেল ভায়’লেন্স (২০১২)^৯
• কি নাম দি মাতিম (২০১২)
• সাৰে আছোঁ (২০১৫)^১০
• মোৰ আন্ধাৰ নিশাৰ(২০০৩)

দূৰদৰ্শনৰ অনুষ্ঠান

• Dil Ka Connection (NE TV)
• Your Request Our Pleasure (NE TV)
• Songs on Demand (NE TV)
• Good Life (News Live)

বাহ্যিক সংযোগ

• ৱেবছাইট
• Queen Hazarika at MTV
• Queen Hazarika at Last.fm