কায়াডু লোহাৰ

কায়াডু লোহাৰ (Kayadu Lohar; জন্ম: ১১ এপ্ৰিল ২০০০^১) এগৰাকী ভাৰতীয় অভিনেত্ৰী আৰু মডেল।^২ তেওঁ কন্নড় ছবি মুগিলপেট (২০২১)ত অভিনয়েৰে ছবিজগতত আত্মপ্ৰকাশ কৰে।^৩৪৫৬

প্ৰাৰম্ভিক জীৱন

কায়াডু লোহাৰে অসমৰ তেজপুৰত জন্মগ্ৰহণ কৰিছিল। তেওঁ বৰ্তমান মহাৰাষ্ট্ৰৰ পুনেত থাকে৷^৭ তেওঁ বাণিজ্য শাখাত স্নাতক ডিগ্ৰী লাভ কৰিছিল।^৮

অভিনয় জীৱন

কায়াডু লোহাৰে এটি গহনা প্ৰতিযোগিতাত অংশগ্ৰহণেৰে কৰ্মজীৱনৰ আৰম্ভণি কৰিছিল আৰু পিছলৈ টাইমছ অৱ ইণ্ডিয়াৰ এভাৰয়ুথ ফ্ৰেছ ফেচ ছিজন ১২ত জয়ী হয়।^৯

টাইমছ ফ্ৰেছ ফেচ কম্পিটিচনত অংশগ্ৰহণ কৰি থকাৰ সময়তে কায়াডুৱে ২০২১ চনৰ কন্নড় ছবি মুগিলপেটত অভিনয়েৰে চলচ্চিত্ৰত আত্মপ্ৰকাশ কৰিছিল।^১০ ২০২২ চনৰ ৮ ছেপ্টেম্বৰত তেওঁৰ প্ৰথম মালয়ালম ছবি পাথনপাথম নুত্তণ্ডু^১১১২ মুক্তি পায়,^১৩ তেওঁৰ প্ৰথম তেলেগু ছবি আল্লুৰি, ২০২২ চনৰ ২৩ ছেপ্টেম্বৰত,^১৪১৫ তেওঁৰ প্ৰথম মাৰাঠী ছবি আই প্ৰেম ইউ^১৬ ২০২৩ চনৰ ১৭ মাৰ্চত আৰু ২০২৫ চনৰ ২১ ফেব্ৰুৱাৰীত তেওঁৰ প্ৰথম তামিল ছবি ড্ৰেগন মুক্তি পায়। তেওঁৰ আগন্তুক মুক্তি পাবলগীয়া ছবিসমূহৰ ভিতৰত আছে থাৰাম আৰু ইধয়াম মুৰালী। ৰামকুমাৰ বালকৃষ্ণণৰ দ্বাৰা পৰিচালিত, তেওঁৰ আগন্তুক ছবি এছটিআৰ৪৯-ত তেওঁ অভিনেতা শিলামবৰ্ষণৰ বিপৰীতে মুখ্য অভিনেত্ৰীৰ চৰিত্ৰত অভিনয় কৰিব বুলি জানিব পৰা গৈছে।^১৭

চলচ্চিত্ৰপুঞ্জী