অসম
অসমৰ ইতিহাস, ভূগোল, সংস্কৃতি, ব্যক্তিত্ব আৰু প্ৰকৃতি বিষয়ক প্ৰবন্ধ। · ৫,২৭৯ প্ৰবন্ধ
-
অসমীয়া পুৰণি সাহিত্য
পণ্ডিত জ্ঞাননাথ বৰাৰ দ্বাৰা প্ৰণিত অসমীয়া পুৰণি সাহিত্য এখন প্ৰবন্ধ সংকলন। নটা প্ৰবন্ধ সন্নিৱিষ্ট এই সংকলনখনি গুৱাহাটী, দীঘলী- পুখুৰীৰ পাৰৰ বৰুৱা এজেন্সীৰ পৰা শ্ৰী অতুলচন্দ্ৰ বৰুৱাই প্ৰকাশ কৰিছিল আৰু শ্ৰী সুধীৰকুমাৰ দাশগুপ্তৰ কমলা প্ৰিণ্টিং ওয়াৰ্কস্, কলিকতাৰ পৰা মুদ্ৰিত হৈছিল।
-
অসমীয়া প্ৰসাধন সামগ্ৰী
পুৰণি অসমত সুগন্ধি দ্ৰব্য আৰু প্ৰসাধন সামগ্ৰীৰ অভাৱ নাছিল। বাণভট্টৰ হৰ্ষচৰিতে প্ৰমাণ দিয়ে যে অসম দেশ অগৰু, চন্দন,কাঠ,কস্তুৰী মৃগ আৰু গো শীৰ্ষৰ কাৰণে খ্যাত আছিল।
-
অসমীয়া বনৰীয়া চিকা
অসমীয়া বনৰীয়া চিকা (Assam mole shrew, Anourosorex assamensis) কেৱল উত্তৰ-পূব ভাৰতত দেখা পোৱা এটা চিকাজাতীয় জন্তু। এই জন্তুবিধৰ বিষয়ে বৈজ্ঞানিক তথ্য তেনেই সীমিত। কিন্তু জন্তুবিধ অসমকে ধৰি উত্তৰ পূৰ্বাঞ্চলত বহুলভাৱে বিস্তৃত বুলি ধাৰণা কৰা হয়।
-
অসমীয়া বৰ্ণ প্ৰকাশ
অসমীয়া বৰ্ণ প্ৰকাশ (ইংৰাজী: Assamese Phonology) হৈছে গোলোকচন্দ্ৰ গোস্বামীৰ দ্বাৰা ৰচিত এখন অসমীয়া ধ্বনিতত্ত্বৰ গ্ৰন্থ। ১৯৬৯ চনৰ এই ধ্বনিতত্ত্বৰ গ্ৰন্থখন বীণা লাইব্ৰেৰী প্ৰকাশনে প্ৰকাশ কৰে। ব্যাকৰণখনত মুঠ ২৫টা অধ্যায় আছে।
-
অসমীয়া ভাষাৰ অন্ধকাৰ যুগ
অসমীয়া ভাষাৰ অন্ধকাৰ যুগ হৈছে ১৮৩৬ চনৰ পৰা ১৮৭৩ চনলৈ ৩৭ বছৰৰ সময়সীমা, যি সময়ত বাংলা ভাষাই অসমীয়া ভাষাক আগুৰি পেলাইছিল। ব্ৰিটিছ ভাৰতৰ দিনত ব্ৰিটিছসকলে অসম দখল কৰাৰ লগে লগে অসমীয়াৰ ওপৰত বাংলা ভাষা জাপি দিয়া হৈছিল। তেওঁলোকে অনা কেৰাণী আৰু কাৰিকৰী কৰ্মচাৰীসকলো বঙালী আছিল।
-
অসমীয়া ভাষাৰ ব্যাকৰণ (হেমচন্দ্ৰ বৰুৱা)
অসমীয়া ভাষাৰ ব্যাকৰণ (Asomiya Bhakhar Byakoron ) হেমচন্দ্ৰ বৰুৱাৰ দ্বাৰা প্ৰণিত অসমীয়া ভাষাত লিখা প্ৰথম ব্যাকৰণ। ১৮৫৯ চনত শিৱসাগৰ মিছনেৰী প্ৰেছৰ পৰা এই ব্যাকৰণখন প্ৰকাশ হয়। ব্যাকৰণখনৰ দ্বিতীয় তাঙৰণ 'অসমীয়া ব্যাকৰণ' নামেৰে ১৮৭৩ চনত পুনৰ সংশোধিত ৰূপত প্ৰকাশ পায়।
-
অসমীয়া ভাষাৰ শব্দসম্ভাৰ
ভাষাৰ প্ৰকাশিকা শক্তি প্ৰধানকৈ শব্দসম্ভাৰৰ ওপৰত নিৰ্ভৰ কৰে। যি ভাষাৰ শব্দসম্ভাৰ চহকী সেই ভাষাৰ প্ৰকাশিকা শক্তিও বেছি। অসমীয়া ভাষা সংস্কৃত ভাষাৰ পৰা উৎপত্তি হোৱা বাবে ইয়াত প্ৰয়োগ হোৱা অধিকাংশ শব্দই সংস্কৃতমূলীয়।
-
অসমীয়া ভাষাৰ ৰোমানীকৰণ
অসমীয়া ভাষাৰ ৰোমানীকৰণ হৈছে অসমীয়া ভাষাক ৰোমান লিপিত উপস্থাপন কৰা। অসমীয়া ভাষাৰ বাবে বহুতো ধৰণৰ ৰোমানীকৰণ ব্যৱহাৰ কৰা হয়।
-
অসমীয়া মাটিৰ জোখ-মাখ
অসমত মাটিৰ জোখ-মাখৰ এক অনন্য পৰম্পৰাগত পদ্ধতি আছে যি বিঘা, কঠা, লেচা আদি এককৰ ওপৰত প্ৰতিষ্ঠিত। এই পদ্ধতিটো ব্ৰিটিছ যুগৰ পৰা প্ৰচলিত হৈ আহিছে আৰু আজিও অসমৰ গ্ৰাম্য অঞ্চলত ব্যাপকভাৱে ব্যৱহাৰ কৰা হয়।
-
অসমীয়া যুৱ উন্নয়ন পৰিষদ
অসমীয়া যুৱ উন্নয়ন পৰিষদ(ইংৰাজীত চমুকৈ AYDC) অসমৰ এক ছাত্ৰ সংগঠন।
-
অসমীয়া লোক কবিতা
লোক কবিতা হৈছে লোক সাহিত্যৰ এটা বিশিষ্ট শাখা৷ ছন্দ-অলংকাৰ আৰু ব্যংগ-ব্যঞ্জনাৰে মাৰ্ধুয্য মণ্ডিত লোক সাহিত্যসমূহকেই লোক কবিতা আখ্যা দিয়া হয়৷ লোক কবিতাবোৰ মৌখিকভাৱে প্ৰচলিত হৈ আহিছে।
-
অসমীয়া লোক-সংস্কৃতিত বাঁহ
অসমত বাঁহ শিল্প প্ৰচলনৰ ইতিহাস বহুদিনীয়া। বাণভট্টৰ হৰ্ষচৰিতত উল্লেখ থকা মতে অতীত অসমৰ বাঁহ শিল্প বৰ উন্নত আছিল। গ্ৰন্থখনৰ মতে, কামৰূপৰ ৰজা ভাস্কৰবৰ্মাই হৰ্ষবৰ্ধনলৈ বহুৰঙী বাঁহৰ চুঙা আৰু বাঁহৰ সঁজাত চৰাই উপহাৰ হিচাপে পঠাইছিল।
-
অসমীয়া লোক-সাহিত্যৰ ৰূপৰেখা
অসমৰ লোক-সাহিত্যৰ ৰূপৰেখা হৈছে অসমীয়া ভাষাত ৰচিত আৰু অসমীয়া সাহিত্যিক-বুৰঞ্জীবিদ ড॰ লীলা গগৈৰ দ্বাৰা লিখিত এখনি গ্ৰন্থ। ১৯৬৮ চনত পোনপ্ৰথমবাৰৰ বাবে প্ৰকাশিত হোৱা গ্ৰন্থখনত প্ৰধানকৈ অসমৰ লোক-সাহিত্যৰ লগত জড়িত নানানটা বৈচিত্ৰ্যময় উপাদানৰ বিস্তৃত বিৱৰণ সন্নিৱিষ্ট হৈছে।
-
অসমীয়া লোকসাহিত্যত হাতী আৰু মাউত
লোকসাহিত্য হ’ল লোকমনৰ পৰা নিগৰা আৱেগ-অনুভূতিৰ কাব্যিক প্ৰকাশ৷ লোকসাহিত্য লোকসংস্কৃতিৰ ভিতৰুৱা৷ শ্ৰমজীৱী মানুহে জীৱন সংগ্ৰামৰ মাজতে মনৰ সুখ-দুখ-হৰ্ষ-বিষাদ প্ৰকাশ কৰাৰ লগতে জীৱনৰ সঞ্চিত অভিজ্ঞতাৰে পৰৱৰ্তী প্ৰজন্মৰ বাবে জীৱন ধাৰণৰ পথ নিৰ্দ্দেশ কৰি গৈছে৷ এইবোৰ মানুহৰ মুখে মুখে যুগ যুগ ধৰি চলি অহা৷…
-
অসমীয়া শিশু নাট
শিশু নাট হ'ল শিশুৰ বাবে, শিশুৰ স'তে আৰু শিশুৰ দ্বাৰা এই তিনিধৰণে শিশুৰ উপযোগীকৈ ৰচনা আৰু মঞ্চত্ব কৰা নাটক। শিশুনাট সমূহত শিশু মনস্তত্ত্ব প্ৰতিফলন কৰি মুখ্যতঃ শিশু দৰ্শক পাঠকৰ বাবেই ৰচনা আৰু মঞ্চস্থ কৰা হয়।
-
অসমীয়া সংখ্যা পদ্ধতি
অসমীয়া-বঙালী সংখ্যা পদ্ধতি হৈছে অসমীয়া, বঙালী, ছিলঠীয়া, মণিপুৰী আৰু বিষ্ণুপ্ৰিয়া মণিপুৰী ভাষাত ব্যৱহাৰ হোৱা সংখ্যা পদ্ধতি। অসমীয়া-বঙালী সংখ্যা পদ্ধতি অসমীয়া আৰু বঙালী ভাষাত বেছিকৈ ব্যৱহাৰ হয়, কিন্তু আন ভাষাত আৰৱী সংখ্যা পদ্ধতি বেছিকৈ ব্যৱহাৰ হয়।
-
অসমীয়া সংস্কৃতি আৰু মুছলমানসকল
অসমৰ সংস্কৃতিৰ পথাৰখনত অনেক সময়ত অনেক জাতি-জনগোষ্ঠীয়ে আৰ্বিভাব হৈ শেহলৈ নিজকে 'এক অসমীয়া' জাতি হিচাপে পৰিচয় দিছে। অসমৰ ধৰ্মৰ ক্ষেত্ৰখনৰ লগতে সাহিত্য, স্থাপত্য, ভাস্কৰ্য, খাদ্যাভাস সকলোতে প্ৰতিটো জনগোষ্ঠীৰে অৱদান পৰিলক্ষিত হৈছে।
-
অসমীয়া সাহিত্য: আধুনিক যুগ (গ্ৰন্থ)
অসমীয়া সাহিত্য: আধুনিক যুগ এখন অসমীয়া গ্ৰন্থ। গ্ৰন্থখনৰ লেখক অধ্যাপক প্ৰফুল্ল চন্দ্ৰ বৰা। গ্ৰন্থখনৰ প্ৰকাশক ষ্টুডেণ্টচ্ ষ্ট’ৰচ আৰু প্ৰথম প্ৰকাশ পাইছিল ফেব্ৰুৱাৰী ১৯৯৫ চনত। এই গ্ৰন্থখনত সাতটা খণ্ডত অসমীয়া সাহিত্যৰ আধুনিক যুগটোৰ বিষয়ে আলোচনা কৰা হৈছে। গ্ৰন্থখনৰ মুঠ পৃষ্ঠা সংখ্যা২৬৬।
-
অসমীয়া সাহিত্যৰ অলংকাৰ
অলংকাৰ হৈছে সাহিত্যৰ সৌন্দৰ্য্য বৃদ্ধি কৰা এক শৈল্পিক কৌশল। অসমীয়া সাহিত্যত বিভিন্ন প্ৰকাৰৰ অলংকাৰৰ ব্যৱহাৰ দেখা যায়। অলংকাৰ শব্দটো সংস্কৃত 'অলং' (অলঙ্কৃত কৰা) আৰু 'কাৰ' (কৰোঁতা) শব্দৰ পৰা উদ্ভৱ হৈছে। সাহিত্যত অলংকাৰৰ প্ৰয়োগে ৰচনাক অধিক আকৰ্ষণীয় আৰু ৰসময় কৰি তোলে।
-
অসমীয়া সাহিত্যৰ বুৰঞ্জীৰ তালিকা
-
অসমীয়া ৰাজ্যপালসকলৰ তালিকা
এই তালিকাত স্বাধীন ভাৰতৰ বিভিন্ন ৰাজ্যত ৰাজ্যপালৰ পদত অধিষ্ঠিত অসমীয়া ব্যক্তিসকলৰ নাম উল্লেখ কৰা হৈছে। বৰ্তমানলৈকে ৬ গৰাকী অসমীয়াই ভাৰতৰ আন ৰাজ্যত ৰাজ্যপাল হৈ কাৰ্যনিৰ্বাহ কৰিছে। তলৰ তালিকাত তেওঁলোকৰ নাম কাৰ্যনিৰ্বাহ কৰা চনৰ ক্ৰমত উল্লেখ কৰা হ'ল।
-
অসমৰ আৰ্দ্ৰভূমি
অসমৰ আৰ্দ্ৰভূমি (Wetland of Assam): বিল, জলাশয়, পিটনি আদি আৰ্দ্ৰভূমিৰে সমগ্ৰ অসম ভৰি আছে। সমীক্ষা অনুসৰি অসমত ৪৩০খন চৰকাৰী পঞ্জীয়নভুক্ত বিল আছে। পঞ্জীয়ন নোহোৱা প্ৰায় ৭০ শতাংশ অঞ্চল খেতি কৰিব পৰা এলেকাৰ ভিতৰত পৰে। অসমত আৰ্দ্ৰভূমিয়ে আগুৰা মুঠ মাটিকালি প্ৰায় ১, ৩৪, ১৩৭ হেক্টৰ।
-
অসমৰ উদ্ভিদ (তালিকা)
অকাজী ফুল অপৰাজিতা অশোক ফুল অসমৰ বনৌষধি অৰ্কিড অৰ্জুন গছ আঁহত আখৈ ফুল আদা আম আমলখি আহোম বগৰী ইচবগুল ইলাচী উড়ল গছ এজাৰ এন’ক্ট’চিলাছ ব্ৰেভিলাব্ৰিছ এৰিডেছ অ'ড'ৰাটা ঔ টেঙা ঔষধি উদ্ভিদ কঠনা ফুল কদম কপৌ ফুল কলমৌ কাজিনেমু কামিনী কাঞ্চন কুঞ্জলতা কৃষ্ণচূড়া কেচেৰু গছ কেঞাবন কেতেকী ফুল কেলান্থে অ'ডোৰা কৌপাত…
-
অসমৰ উৎপত্তি
অসমৰ সঠিক উৎপত্তি অস্পষ্ট যদিও ই ভাৰতৰ এখন ৰাজ্য। আহোম জনগোষ্ঠীৰ সৈতে ইয়াৰ সম্পৰ্ক থকা বুলি সাধাৰণ সহমত আছে। ইংৰাজী নামৰ উৎস যিয়েই নহওক কিয়, অসম নিজেই ইংৰাজীকৃত ৰূপ।
-
অসমৰ ঐতিহ্য (গ্ৰন্থ)
অসমৰ ঐতিহ্য অসমীয়া ভাষাত ৰচিত এখন গ্ৰন্থ। গ্ৰন্থখনৰ সংকলন আৰু সম্পাদনা কৰিছে শান্তনু কৌশিক বৰুৱাই। গ্ৰন্থখনত অসমৰ ২৫০খন ঐতিহ্যপূৰ্ণ স্থান আৰু স্মাৰকৰ পৰিচয়জ্ঞাপক বৰ্ণনা দিয়া হৈছে। লগতে চিত্ৰ আৰু আলোকচিত্ৰ সন্নিৱিষ্ট কৰা হৈছে।
-
অসমৰ কেইগৰাকীমান মহান ব্যক্তি
মূল প্ৰবন্ধ: চুকাফা চাও-লুং চ্যু-কা-ফা (ৰাজত্বকাল: ১২২৮-১২৬৮) অসম ৰাজ্য বা মু'ঙ দুন চুন খামৰ প্ৰথমজন চাওফা তথা চীনৰ দেহ'ঙৰ (মধ্যযুগৰ মু'ঙ মাওৰ ৰাজকোঁৱৰ আছিল, আৰু আহোম সাম্ৰাজ্যৰ প্ৰতিষ্ঠাপক আছিল।
-
অসমৰ চিত্ৰকলাৰ ইতিহাস
অসমৰ চিত্ৰকলাৰ ইতিহাস অতি প্ৰাচীন। সুকুমাৰ কলাসমূহৰ ভিতৰত চিত্ৰকলা এবিধ অন্যতম কলা। মধ্যযুগৰ সময়ছোৱাতে অসমৰ চিত্ৰকলাৰ প্ৰথম নিদৰ্শন দেখা পোৱা গৈছিল। সেই সময়ত ৰজাৰ ঘৰ আৰু সত্ৰসমূহত চিত্ৰকলাৰ সাধনা কৰা হৈছিল। সেই সময়তে পুথিৰ আকাৰত চিত্ৰ সম্পৰ্কীয় গ্ৰন্থও প্ৰকাশ হৈছিল।
-
অসমৰ চূণ
চূণ ( lime) সাধাৰণতে এবিধ খনিজাত দ্ৰব্য৷ ই কেলচিয়ামযুক্ত অজৈৱ পদাৰ্থ৷ কিন্তু অসমত প্ৰাচীন কালত এবিধ বিশেষ প্ৰকাৰৰ চূণ পৰম্পৰাগতভাৱে তৈয়াৰ কৰা হৈছিল যাক গৃহ নিৰ্মাণৰ পৰা তামোল-পাণৰ লগত খোৱালৈ বিভিন্ন কামত ব্যৱহাৰ কৰা হৈছিল৷ অসমত এই চূণ উৎপাদনৰ লগত এক শ্ৰেণীৰ মানুহ জড়িত হৈ থাকি এক সম্প্ৰদায়ৰো…
-
অসমৰ ছপাশাল
আমেৰিকাৰ মিছনেৰী সকলৰ উদ্যোগত অসমীয়া ভাষাত ছপাগ্ৰন্থ প্ৰকাশৰ আৰম্ভণি হয়। ১৮১৩ চনত আত্মাৰাম শৰ্মা অনূদিত অসমীয়া বাইবেল (নতুন নিয়ম: The New Testament) প্ৰথম অসমীয়া ভাষাৰ ছপাগ্ৰন্থ। এই গ্ৰন্থখন শ্ৰীৰামপুৰৰ মিছনেৰী ছপাশালত মুদ্ৰণ কৰা হৈছিল।
-
অসমৰ জনগণ
অসমৰ জনগনই বহুজাতিক, বহুভাষিক আৰু বহুধৰ্মীয় সমাজত বাস কৰে। তেওঁলোকে চাৰিটা মুখ্য ভাষা গোটৰ ভাষা কয়: তিব্বত-বৰ্মীয়, ইন্দো-আৰ্য, টাই-কাদাই, আৰু অষ্ট্ৰোচিয়াটিক। বৃহৎ সংখ্যক জাতিগত আৰু ভাষিক গোট, জনসংখ্যাৰচনা ইয়াক "ক্ষুদ্ৰ ৰূপত ভাৰত" বুলি কোৱা হৈছেে।
