শ্যামকানু মহন্ত

শ্যামকানু মহন্ত (Shyamkanu Mahanta) হৈছে সাংস্কৃতিক আৰু উদ্যোগিক ক্ষেত্ৰত সক্ৰিয় ব্যক্তি। তেওঁ উত্তৰ-পূব মহোৎসৱ আৰু ৰঙালী উৎসৱৰ মুখ্য আয়োজক আৰু প্ৰমোটাৰ হিচাপে জনাজাত। মহন্ত একাধিক প্ৰতিষ্ঠানত পৰামৰ্শদাতা, প্ৰকল্প পৰিচালক আৰু উদ্যোগপতি হিচাপে কাম কৰিছে। শেহতীয়াকৈ জুবিন গাৰ্গৰ মৃত্যুৰ সৈতে জড়িত থকাৰ সন্দেহত তেওঁক কৰায়ত্ব কৰি বাক্সা জিলাৰ কাৰাগাৰত ৰখা হৈছে।^১২

জীৱনৰ আৰম্ভণি

শ্যামকানু মহন্তৰ জন্ম ১৯৭২ চনৰ ১ মাৰ্চ তাৰিখে শিৱসাগৰ জিলাত হৈছিল। তেওঁৰ পিতৃ লীলা মহন্ত অসম সত্ৰ মহাসভাৰ পূৰ্বতন সভাপতি আছিল আৰু মাতৃ নিৰুপমা মহন্ত এজন সত্ৰ সংস্কৃতি বিশেষজ্ঞ আৰু লেখিকা। তেওঁৰ ডাঙৰ ভাতৃ ননী গোপাল মহন্ত আছিল গুৱাহাটী বিশ্ববিদ্যালয় উপাচাৰ্য। তেওঁৰ অন্য দুই ভাতৃ ভাস্কৰ জ্যোতি মহন্ত আৰু ড° সৌমাৰ মহন্ত।^৩

শিক্ষা আৰু পেচাগত জীৱন

মহন্তই ইঞ্জিনিয়াৰিং আৰু এমবিএৰ ডিগ্ৰী অৰ্জন কৰিছিল। তেওঁ ভাৰতৰ বিভিন্ন ঠাইত প্ৰজেক্ট ফাইনেন্স আৰু ইনফ্ৰাষ্ট্ৰাকচাৰ ব্যৱস্থাপনাৰ কামত ১৬ বছৰ কাৰ্যৰত আছিল। তাৰ পাছত তেওঁ নিজৰ প্ৰকল্প ব্যৱস্থাপনা প্ৰতিষ্ঠান MMS Advisory স্থাপন কৰে, য’ত প্ৰায় ২০০ জন প্ৰযুক্তিগত বিষয়া-কৰ্মচাৰী নিযুক্ত হৈ আছে। ইয়াৰ উপৰি তেওঁ হাইড্ৰোপাৱাৰ প্ৰকল্পসমূহত মেনেজিং ডাইৰেক্টৰ, চীফ এক্সিকিউটিভ আৰু চীফ ফাংশনাৰী হিচাপে কাৰ্যনিৰ্বাহ কৰিছে। লগতে, তেওঁ Patkai Energy Company Ltdৰ প্ৰমোটাৰ আৰু IL&FSৰ সহ-উপ-সভাপতি (Assistant Vice President) আছিল।^৪৫

সাংস্কৃতিক উদ্যোক্তা হিচাপে ভূমিকা

শ্যামকানু মহন্তক বহুসময়তে ফেষ্টিভেল মহন্ত বুলি জনা যায়। তেওঁ North East Festival (North East Festival)ৰ মুখ্য সংগঠক। এই উৎসৱ প্ৰথমবাৰ ২০১৩ চনত নতুন দিল্লীত অনুষ্ঠিত হৈছিল। উৎসৱৰ বিভিন্ন বিষয়ত সঙ্গীত, নৃত্য, হস্তশিল্প, শিল্পকলা, ফটোগ্ৰাফি, ফেশ্যন, পৰ্যটন আৰু উদ্যোগ বিকাশৰ প্ৰদৰ্শনী থাকে। তেওঁ Rongali Festivalৰো আয়োজক।^৬৭

জুবিন গাৰ্গৰ মৃত্যু সন্দৰ্ভত গ্ৰেপ্তাৰ

২০২৫ চনৰ ১৯ ছেপ্টেম্বৰ তাৰিখে অসমৰ জনপ্ৰিয় গায়ক জুবিন গাৰ্গে ছিংগাপুৰত থকা সাগৰীয় দ্বীপ এটাত সাঁতুৰি থাকোঁতে ডুবি যোৱাৰ ফলত মৃত্যুক আঁকোৱালি ল'বলগীয়া হয়। শ্যামকানু মহন্তই জুবিনক উত্তৰ-পূব মহোৎসৱৰ ব্ৰেণ্ড এম্বেছেডৰ হিচাপে আমন্ত্ৰণ কৰিছিল আৰু তেওঁ তাত পাৰফৰ্ম কৰিছিল। এই ঘটনাৰ পাছত ৰাইজৰ দাবীত অসম চৰকাৰে মহন্তৰ বিৰুদ্ধে তদন্ত আৰম্ভ কৰে। বিভিন্ন ঠাইত এফআইআৰ দাখিল হয় — অপৰাধজনক অৱহেলা আৰু হোমিচাইড (কিন্তু হত্যা নহয়) অভিযোগত। আৰক্ষীয়ে মহন্তৰ ঘৰ ছিল কৰে আৰু তদন্তৰ বাবে গেজেট, কাগজ-পত্ৰ আদি জব্দ কৰে। চৰকাৰে মহন্ত আৰু তেওঁ যুক্ত সকলো সংস্থাক চৰকাৰী পৃষ্ঠপোষকতা বা সাহায্য প্ৰদানৰপৰা ‘‘ব্লেকলিষ্ট’’ কৰিছে। মহন্তই নিজৰ বিৰুদ্ধে আনা অভিযোগসমূহ ‘‘মিডিয়াৰ অসত্য প্ৰচাৰ’’ বুলি দাবী কৰিছে। তেওঁ কয় যে তেওঁ জুবিনৰ মৃত্যু সংবাদ পায় ১৯ ছেপ্টেম্বৰৰ প্ৰায় ৩:৩০ বজাত, আৰু জুবিন গাৰ্গে ছিংগাপুৰৰ Pan Pacific Hotelত থকা সময়তে এই দুৰ্ভাগ্যজনক ঘটনাটো ঘটে।^৮৯ এই ঘটনা সন্দৰ্ভত জুবিন গাৰ্গৰ মেনেজাৰ সিদ্ধাৰ্থ শৰ্মা, তেওঁৰ সম্পৰ্কীয় ভাতৃ সন্দীপন গাৰ্গ, দুজন দেহৰক্ষী আৰু উৎসৱ আয়োজক শ্যামকানু মহন্তক বাক্সা জিলাৰ কাৰাগাৰত ৰখা হৈছে। লগতে, আন দুজন অভিযুক্ত — জুবিন গাৰ্গৰ বাদ্যযন্ত্ৰ সহায়ক শেখৰজ্যোতি গোস্বামী আৰু সহশিল্পী অমৃতপ্ৰভা মহন্তক হাফলং কাৰাগাৰত ৰখা হৈছে। বৰ্তমান তেওঁলোকৰ বিৰুদ্ধে বিশেষ তদন্ত দলে (SIT) তদন্ত চলাইছে।^১০১১

ব্যক্তিগত সম্পদ

বিভিন্ন ৱেব উৎস অনুসৰি, শ্যামকানু মহন্তৰ অনুমাণিক নিট সম্পত্তি প্ৰায় (৮০ কোটি টকা)। তেওঁৰ আয়ৰ উৎস MMS Advisory, ৰঙালী, উত্তৰ-পূব মহোৎসৱ, আৰু Srimanta Sankardev Movementৰ সৈতে সম্পৰ্কিত।^১২১৩

বাহ্যিক সংযোগ

• শ্যামকানু মহন্তৰ ফেচবুক একাউণ্ট

আৰু চাওক

• হাচটেগ জাষ্টিচ ফ'ৰ জুবিন গাৰ্গ