শোভিতা ধূলিপালা

শোভিতা ধূলিপালা (Sobhita Dhulipala; জন্ম: ৩১ মে' ১৯৯২) এগৰাকী ভাৰতীয় অভিনেত্ৰী আৰু মডেল যিয়ে প্ৰধানকৈ হিন্দী ভাষা, মালয়ালম ভাষা আৰু তেলুগু ভাষা ছবিত কাম কৰে। তেওঁ ফেমিনা মিছ ইণ্ডিয়া ২০১৩ প্ৰতিযোগিতাত ফেমিনা মিছ ইণ্ডিয়া আৰ্থ ২০১৩ৰ খিতাপ জয় কৰে আৰু মিছ আৰ্থ ২০১৩ত ভাৰতক প্ৰতিনিধিত্ব কৰে। ^১

ধূলিপালাই অনুৰাগ কাশ্যপৰ থ্ৰিলাৰ ছবি ৰমন ৰাঘৱ ২.০ (২০১৬)ত আত্মপ্ৰকাশ কৰিছিল আৰু তাৰ পিছত তেওঁ তেলেগু চোৰাংচোৱা ছবি গুডচাৰী (২০১৮) আৰু আমাজন ভিডিঅ’ৰ Series মেড ইন হেভেন (২০১৯)ত অভিনয় কৰে। ^২৩

প্ৰাথমিক জীৱন আৰু শিক্ষা

১৯৯২ চনৰ ৩১ মে'ত ^৪৫ ভাৰতৰ অন্ধ্ৰপ্ৰদেশৰ তেনালিত এটি তেলেগু ব্ৰাহ্মণ পৰিয়ালত শোভিতা ধূলিপালাৰ জন্ম হৈছিল।^৬৭ অৱশ্যে শোভিতা ধূলিপালা বিশাখাপট্টনমতহে ডাঙৰ-দীঘল হৈছিল।^৮ পৰৱৰ্তী সময়ত চলচ্চিত্ৰত কেৰিয়াৰ গঢ়াৰ উদ্দেশ্যে আৰু নিজৰ শিক্ষা জীৱন আগুৱাই নিয়াৰ লক্ষ্যৰে শোভিতাই মুম্বাই বিশ্ববিদ্যালয়ৰ এইচ আৰ কলেজ অৱ কমাৰ্চ এণ্ড ইকনমিক্সত নামভৰ্তি কৰে আৰু মুম্বাইলৈ গুচি আহে।^৯১০শোভিতা ভাৰতনাট্যম আৰু কুচিপুড়িৰো এগৰাকী প্ৰশিক্ষিত শাস্ত্ৰীয় নৃত্যশিল্পী।^১১১২

কেৰিয়াৰ

ফেমিনা মিছ ইণ্ডিয়া

ফেমিনা মিছ ইণ্ডিয়াৰ ক্ষেত্ৰীয় প্ৰতিযোগিতা ফেমিনা মিছ ইণ্ডিয়া চাউথ ২০১৩ৰ খিতাপ জয় কৰাৰ পিছত ধূলিপালাই ফেমিনা মিছ ইণ্ডিয়াৰ ৫০তম বৰ্ষৰ "শীৰ্ষ ২৩"ৰ ভিতৰত অটো-এণ্ট্ৰি লাভ কৰে আৰু প্ৰথম ৰানাৰ্ছ আপ হিচাপে পৰিগণিত হয়। ইয়াৰ উপৰি 'মিছ ষ্টাইলিছ কেশ', 'মিছ এডভেঞ্চাৰছ' আৰু 'মিছ ফেশ্বন আইকন', 'মিছ টেলেণ্ট', 'মিছ ডিজিটেল ডিভা'ৰ সন্মান লাভ কৰে। ইয়াৰ পিছত ২০১৩ চনৰ 'মিছ আৰ্থ'ত ভাৰতক শোভিতাই প্ৰতিনিধিত্ব কৰিছিল যদিও শীৰ্ষ ২০ ৰ ভিতৰত স্থান লাভ কৰিব নোৱাৰিলে। তেওঁ 'কিংফিচাৰ কেলেণ্ডাৰ ২০১৪'তো অভিনয় কৰিছিল।^১৩

অভিনয় জীৱন

২০১৬ চনত অনুৰাগ কাশ্যপৰ ৰমন ৰাঘৱ ২.০ ছবিৰে ধূলিপালাই চলচ্চিত্ৰৰ জগতত আত্মপ্ৰকাশ কৰে।^১৪ ইয়াৰ পিছতে অৰ্থাৎ ২০১৬ চনৰ জুলাই মাহত কাশ্যপৰ প্ৰডাকচন কোম্পানী ফেণ্টম ফিল্মছৰ সৈতে তেওঁ তিনিখন ছবিৰ চুক্তিত স্বাক্ষৰ কৰে।^১৫১৬ 'ৰমন ৰাঘৱ' ছবিখন 'কান চলচ্চিত্ৰ মহোৎসৱ ২০১৬'ত পৰিচালকৰ পষেকত প্ৰিমিয়াৰ কৰা হৈছিল, য’ত সমালোচকসকলে তেওঁক শ্ৰেষ্ঠ সহযোগী অভিনয়ৰ বাবে মনোনীত কৰিছিল। ২০১৬ চনৰ আগষ্টৰ আৰম্ভণিতে অক্ষত ভাৰ্মাৰ পৰিচালনাত 'কালাকান্দি' আৰু ৰাজা মেননৰ পৰিচালনাত 'চেফ' নামৰ দুখন ছবিত চুক্তিবদ্ধ হয়, দুয়োখন ছবিতে ছয়ফ আলী খানৰ বিপৰীতে তেওঁ অভিনয় কৰে। ^১৭১৮

২০১৮ চনত ধূলিপালাই আদিভি ছেশ অভিনীত প্ৰথম তেলেগু ছবি গুডচাৰীত অভিনয় কৰে।^১৯ ইয়াৰ পিছত তেওঁ এমাজন প্ৰাইমৰ ছিৰিজ মেড ইন হেভেনৰ অন্যতম মুখ্য চৰিত্ৰত অভিনয় কৰিছিল।^২০ ২০১৯ চনত তেওঁ চোৰাংচোৱা সংস্থাৰ অপাৰেটিভৰ কাহিনীৰ পটভূমিত (২০১৫ চনৰ চোৰাংচোৱাগিৰি উপন্যাসৰ আধাৰত) নিৰ্মিত ভাৰতীয় কাল্পনিক চোৰাংচোৱা ৱেব থ্ৰিলাৰ বাৰ্ড অৱ ব্লাডত এক গুৰুত্বপূৰ্ণ চৰিত্ৰত অভিনয় কৰে। এই ছিৰিজটো নেটফ্লিক্সযোগে সম্প্ৰচাৰিত হৈছিল।^২১ ধূলিপালাই মালায়ালম চিনেমাত অভিষেক ঘটায় ২০১৯ চনত। ছবিখন আছিল গীতু মোহনদাছৰ পৰিচালনাৰে মুথন। । তেওঁৰ সহযোগী আছিল নিভিন পলি।^২২২৩ দুলকুৰ ছালমান অভিনীত কুৰূপ ছবিখনতো তেওঁ অভিনয় কৰিছে।^২৪

২০২১ চনৰ জানুৱাৰী মাহত ধূলিপালাই ছাশী কিৰণ টিক্কাৰ পৰিচালনাত নিৰ্মিত হিন্দী-তেলেগু জীৱনীমূলক ছবি মেজৰৰ বাবে চিত্ৰগ্ৰহণ আৰম্ভ কৰে, য’ত আদিভি ছেশে শীৰ্ষ চৰিত্ৰত অভিনয় কৰে।^২৫

চলচ্চিত্ৰপুঞ্জী

Films

Web series