শ্ৰেয়া ধনন্তৰি

শ্ৰেয়া ধনন্তৰি ( Shreya Dhanwanthary; জন্ম: ২৯ আগষ্ট ১৯৮৮) এগৰাকী ভাৰতীয় অভিনেত্ৰী যি প্ৰধানকৈ হিন্দী চলচ্চিত্ৰ আৰু টেলিভিছন শ্ব'ত অভিনয় কৰে। ২০০৯ চনত তেলেগু ছবি জোছৰ সৈতে তেওঁ অভিষেক ঘটায়। এমাজন প্ৰাইম ভিডিঅ' থ্ৰিলাৰ ধাৰাবাহিক দ্য ফেমিলি মেন (২০১৯–২০২১)ত তেওঁ এক গুৰুত্বপূৰ্ণ ভূমিকা পালন কৰে আৰু চ'নী এল আই ভিৰ জীৱনীমূলক ড্ৰামা ছিৰিজ স্কেম ১৯৯২ (২০২০)ত সাংবাদিক সুচেতা দালালৰ চৰিত্ৰত অভিনয় কৰি প্ৰশংসা লাভ কৰে।^১

প্ৰাৰম্ভিক জীৱন

১৯৮৮ চনৰ ২৯ আগষ্টত হায়দৰাবাদত তেলেগু ভাষী মাতৃ আৰু পিতৃৰ ঘৰত শ্ৰেয়া ধনন্তৰিয়ে জন্মগ্ৰহণ কৰে।^২৩ দুমাহ বয়সত তেওঁ পিতৃ-মাতৃৰ সৈতে ডুবাইলৈ গুচি যায়।^{৪ ৪} মধ্যপ্ৰাচ্য আৰু দিল্লীত ডাঙৰ-দীঘল হোৱা ধনন্তৰিয়ে এন আই টি ৱাৰংগলৰ পৰা ইলেক্ট্ৰনিক্স আৰু কমিউনিকেচন ইঞ্জিনিয়াৰিঙত স্নাতক ডিগ্ৰী লাভ কৰে।^৩৫

কৰ্মজীৱন

ধনন্তৰিয়ে তৃতীয় বৰ্ষৰ অভিযান্ত্ৰিক ছাত্ৰী হিচাপে ২০০৮ চনৰ ফেমিনা মিছ ইণ্ডিয়া চাউথত অংশগ্ৰহণ কৰিছিল।^৬ ইভেণ্টত তেওঁ ১ম ৰানাৰ্ছ আপ হিচাপে স্থান লাভ কৰে। ইয়াৰ পিছত তেওঁ ২০০৮ চনৰ মিছ ইণ্ডিয়াত চূড়ান্ত প্ৰতিযোগী হিচাপে অংশগ্ৰহণ কৰে।^৭

২০০৮ চনৰ মিছ ইণ্ডিয়াৰ পিছত তেওঁক জোছ আৰু স্নেহা গীতামৰ দৰে তেলেগু ছবিত অভিনয়ৰ প্ৰস্তাৱ দিয়া হয়।^৬ 'ৱাই চিট ইণ্ডিয়া' ছবিৰ জৰিয়তে ইমৰাণ হাছমীৰ বিপৰীতে প্ৰথমটো অভিনয় কৰি তেওঁ বলীউডত অভিষেক ঘটায়।^৮৯ তেখেতে ফেড টু হোৱাইট নামৰ এখন গ্ৰন্থও লিখিছে।^১০

২০১৯ চনত তেওঁ প্ৰথম ছিজনৰ বাবে ৱেব ছিৰিজ দ্য ফেমিলি মেন অৱ এমাজন প্ৰাইম ভিডিঅ'ত জয়াৰ চৰিত্ৰত তেওঁ অভিনয় কৰে আৰু এমাজন প্ৰাইমত ছিজন ২ (২০২১ চনৰ জুন)ত ভূমিকা অব্যাহত ৰাখে।^১১ ২০২০ চনত তেওঁ ৱেবছিৰিজ কেলেংকাৰী ১৯৯২ত সাংবাদিক সুচেতা দলালৰ চৰিত্ৰত অভিনয় কৰে^১২ ২০২১ চনত ধনন্তৰিয়ে এমাজন প্ৰাইম ৱেব ছিৰিজ মুম্বাই ডায়েৰীছ ২৬/১১ত মানসীৰ চৰিত্ৰত অভিনয় কৰা দেখা যায়।^১৩১৪ নিখিল আদৱানীৰ পৰিচালনা আৰু এম্মাই এণ্টাৰটেইনমেণ্টৰ প্ৰযোজক এই ছবিখনত কংকনা সেন শৰ্মা, মোহিত ৰাইনা আৰু টিনা দেশাইয়েও মুখ্য চৰিত্ৰত অভিনয় কৰিছে।^১৫

সামাজিক সক্ৰিয়তা

২০২৫ চনত মুক্তিলাভ কৰা ইংৰাজী ছবি ছুপাৰমেনৰ পৰা ৩৩ ছেকেণ্ডৰ এটা চুম্বনৰ দৃশ্য চেন্সৰ বৰ্ডে কাটি দিয়া সিদ্ধান্তটোৰ শ্ৰেয়াই প্ৰতিবাদ কৰে৷ ^১৬

মুম্বাইৰ কৃত্ৰিম বানপানীৰ সমস্যাটোক লৈ শ্ৰেয়াক সৰৱ হোৱা দেখা গৈছিল৷ ২০২৫ চনত তেওঁ ইয়াৰ বিৰুদ্ধে ইনষ্টাগ্ৰামত প্ৰতিবাদ জনায়৷^১৭

চলচ্চিত্ৰপঞ্জী

চলচ্চিত্ৰসমূহ

টেলিভিছন

চুটি ছবি