নীতি টেইলৰ

নীতি টেইলৰ (Niti Taylor; জন্ম: ৮ নৱেম্বৰ ১৯৯৪)^১ এগৰাকী ভাৰতীয় অভিনেত্ৰী। তেওঁ প্ৰধানকৈ হিন্দী দূৰদৰ্শন অনুষ্ঠানসমূহত অভিনয় কৰে। এমটিভি ইণ্ডিয়াৰ ধাৰাবাহিক কেইছি য়েহ ইয়াৰিয়াঁত নন্দিনী মূৰ্তি,^২৩৪ গুলামত শিৱানী মাথুৰ আৰু ইশ্বকবাজত মন্নত কৌৰ খুৰানাৰ চৰিত্ৰত অভিনয় কৰাৰ বাবে তেওঁ পৰিচিত।

প্ৰাৰম্ভিক জীৱন

১৯৯৪ চনৰ ৮ নৱেম্বৰত দিল্লীত গুজৰাটী পিতৃ^৫ আৰু কলকাতাৰ বঙালী খ্ৰীষ্টান মাতৃৰ গৃহত টেইলৰে জন্মগ্ৰহণ কৰিছিল।^৬৭৮

কৰ্মজীৱন

২০০৯ চনত, ১৫ বছৰ বয়সতেই টেইলৰে প্যাৰ কা বন্ধনৰ ধাৰাবাহিকেৰে টেলিভিছন জগতত আত্মপ্ৰকাশ কৰে।^৮ পাৰ্থ সমথানৰ বিপৰীতে এমটিভি ইণ্ডিয়াৰ ধাৰাবাহিক কেইছি য়ে য়াৰিয়াঁত নন্দিনী মূৰ্তিৰ চৰিত্ৰত অভিনয় কৰি তেওঁ বিৰাট সাফল্য অৰ্জন কৰে।

২০১৬ চনত তেওঁ সিদ্ধাৰ্থ গুপ্তাৰ বিপৰীতে "পৰিন্দে কা পাগলপান" মিউজিক ভিডিঅ'ত অভিনয় কৰিছিল।^৯ ২০১৭ চনত পৰম সিঙৰ বিপৰীতে ক্ৰাইম থ্ৰিলাৰধৰ্মী ধাৰাবাহিক গুলামত শিৱানীৰ চৰিত্ৰত অভিনয় কৰিছিল।^১০ ২০১৯ চনত টেইলৰে ইছকবাজ নামৰ ধাৰাবাহিকখনত মন্নত কৌৰ খুৰানাৰ চৰিত্ৰত অভিনয় কৰিছিল।^১১ একে বছৰতে তেওঁ এটা পঞ্জাবী ভাষাৰ সংগীত ভিডিঅ' "কেপুচিনো"ত দেখা গৈছিল। ২০২২ চনত, তেওঁ ঝলক দিখলা যা ১০-ত অংশগ্ৰহণ কৰিছিল আৰু কোৰিঅ'গ্ৰাফাৰ আকাশ থাপাৰ সৈতে যুটি বান্ধিছিল। ছেমি ফাইনেল সপ্তাহান্তত তেওঁলোক শ্ব'ৰ পৰা বাহিৰ হয়।^১২১৩

২০২৩ চনত, টেইলৰক চনী টিভিৰ বড়ে আচ্ছে লাগতে হে ২ নামৰ ধাৰাবাহিকখনত ৰণদীপ ৰায়ৰ বিপৰীতে প্ৰাচী কাপুৰৰ চৰিত্ৰত দেখা গৈছিল।^১৪

ব্যক্তিগত জীৱন

টেইলৰে ২০১৯ চনৰ ১৩ আগষ্টত, তেওঁৰ প্ৰেমিক পৰীক্ষিত বাৱাৰ সৈতে বাগদান কৰিছিল।^১৫১৬ তেওঁলোকে এবছৰ পিছত, ২০২০ চনৰ ১৩ আগষ্টত বিবাহ পাশত আৱদ্ধ হৈছিল।

সংবাদ মাধ্যম

২০৫ চনৰ ডিচেম্বৰ মাহত, যুক্তৰাজ্য ভিত্তিক বাতৰি কাকত ইষ্টাৰ্ণ আই'ৰ ৫০ গৰাকী চেক্সিয়েষ্ট এছিয়ান মহিলাৰ তালিকাত, তেওঁ সৰ্বাধিক স্থান প্ৰাপ্ত নৱাগতাসকলৰ ভিতৰত ১৫ তম স্থান লাভ কৰে।^১৭ নিতি টেইলৰে ২০১৬ চনত ইষ্টাৰ্ণ আইৰ ৫০ গৰাকী চেক্সিয়েষ্ট এছিয়ান মহিলাৰ তালিকাত দ্বাদশ স্থান লাভ কৰিছিল।^১৮ ইষ্টাৰ্ণ আইৰ শীৰ্ষ ৫০ গৰাকী চেক্সিয়েষ্ট এছিয়ান মহিলাসকলৰ ভিতৰত তেওঁ ২০১৮ চনত দশম স্থান লাভ কৰিছিল।^১৯

চলচ্চিত্ৰপুঞ্জী

চলচ্চিত্ৰ

দূৰদৰ্শন

ৱেব শ্ব'

সংগীত ভিডিঅ'