বিশ্ব কল্যাণ ৰথ

বিশ্ব কল্যাণ ৰথ (Biswa Kalyan Rath) এগৰাকী ভাৰতীয় ষ্টেণ্ড আপ কমেডিয়ান, লেখক আৰু ইউটিউবাৰ। ইউটিউবযোগে মুকলি কৰা কমেডী শৃংখল প্ৰেটেণ্টিয়াছ মুভি ৰিভিউ^১ৰ জৰিয়তে তেওঁ সহযোগী কমেডিয়ান কানান গীলৰ সৈতে পৰিচিতি লাভ কৰে। ২০১৬ চনত নেটফ্লিক্সৰ চেক্স কমেডী ছবি ব্ৰহ্ম নমনত তেওঁ সহযোগী চৰিত্ৰত অভিনয় কৰিছিল। তেওঁ ২০১৭ চনৰ আমাজন প্ৰাইম ভিডিঅ’ৰ ধাৰাবাহিক লাখো মেইন এক ৰ নিৰ্মাণ কৰে। ২০২০ চনৰ ৯ ডিচেম্বৰত ৰথে অভিনেত্ৰী সুলগনা পানীগ্ৰহীৰ সৈতে বিবাহপাশত আবদ্ধ হয়।^২

কেৰিয়াৰ

২০১২ চনত আইআইটি খড়্গপুৰৰ পৰা জৈৱ প্ৰযুক্তিবিদ্যাত স্নাতক হোৱাৰ পিছত^৩৪৫ তেওঁ ম'বাইল ছিকিউৰিটি ষ্টাৰ্টআপ বিটজাৰম’বাইলত কাম কৰিছিল। এই সময়তে তেওঁ ২০১৩ চনত বেংগালুৰুত অনুষ্ঠিত হোৱা মুকলি মাইক অনুষ্ঠানত কানন গীলক লগ পায়।^৬ ২০১৪ চনত তেওঁ অৰেকলৰ চাকৰি এৰি পূৰ্ণকালীন কমেডিয়ান হৈছিল।^৭

বিশ্ব আৰু কাননে প্ৰেটেন্সিয়াছ মুভি ৰিভিউৰ ধাৰণাটো লৈছিল, যিটো ভিডিঅ’ৰ ধাৰাবাহিকতা অতি সোনকালেই ইউটিউবত ভাইৰেল হৈ পৰিছিল। এই ধাৰাবাহিকখনত তেওঁলোকে সমালোচনাত্মকভাৱে লিখা বলিউডৰ ছবিসমূহৰ পৰ্যালোচনা কৰে।^৮ ভাৰতীয় পপ সংস্কৃতিত ইমানেই নিহিত হৈ থকাৰ বাবেই তেওঁলোকে বলিউডৰ চিনেমা বাছি লৈছিল।^৯১০ ২০১৪ চনত তেওঁ কানন গিলৰ সৈতে গুৰগাঁৱত প্ৰথমটো লাইভ শ্ব' পৰিৱেশন কৰে।^১১

২০১৫ চনত তেওঁ ষ্টেণ্ড-আপ কমেডি কৰিবলৈ আৰম্ভ কৰে আৰু ২০১৫ চনৰ ছেপ্টেম্বৰ মাহত তেওঁৰ প্ৰথম একক ৰাষ্ট্ৰীয় ভ্ৰমণ কৰে আৰু বেংগালুৰু,পুনে, মুম্বাই, হায়দৰাবাদ আৰু কলকাতাত শ্ব' কৰে।^১২ ২০১৫ চনত তেওঁ এআইবি আৰু অন্যান্য কমেডিয়ানসকলৰ সৈতে কমেডী হাণ্টৰ আয়োজক আছিল আৰু বিশ্ব মস্ত আদমী নামেৰেও ভ্ৰমণ কৰিছিল।^১৩ তেওঁ "লাখো মেইন এক" নামৰ এখন ৱেব ছিৰিজ নিৰ্মাণ কৰিছে যিখন ২০১৭ চনৰ অক্টোবৰ মাহত আমাজন প্ৰাইম ভিডিঅ'ত মুক্তি পাইছিল।^১৪ আৰু এইচ ডি এফ চি লাইফৰ বিহাইণ্ড দ্য জাৰ্নি ভিডিঅ' ছিৰিজত অভিনয় কৰিছিল^১৫

২০২০ চনৰ ডিচেম্বৰ মাহত বিশ্বই ফ্ৰন্টৰ'ৰ সৈতে উদীয়মান ষ্টেণ্ড আপ কমেডিয়ানসকলৰ বাবে এক এক্সক্লুছিভ মাষ্টাৰক্লাছ^১৬ আৰম্ভ কৰে।