উৰুজ আছফাক

উৰুজ আছফাক (Urooj Ashfaq) মুম্বাইৰ এগৰাকী কমেডিয়ান, লেখক আৰু অভিনয়-শিল্পী। ২০২৩ চনত এডিনবৰা কমেডী এৱাৰ্ডত তেওঁ শ্ৰেষ্ঠ নৱাগত বঁটা লাভ কৰে।

প্ৰাৰম্ভিক জীৱন আৰু শিক্ষা

ডুবাইত জন্মগ্ৰহণ কৰা আছফাক ১২ বছৰ বয়সত মুম্বাইলৈ আহে।^১ মনোবিজ্ঞানত আছফাকে স্নাতক ডিগ্ৰী লাভ কৰিছে।^২ তেওঁ মুম্বাইৰ জয় হিন্দ কলেজত অধ্যয়ন কৰিছিল।^৩

কেৰিয়াৰ

আছফাকে ২০১৬ চনত ২১ বছৰ বয়সত ষ্টেণ্ড আপ কমেডী কৰিবলৈ আৰম্ভ কৰে।^৪৫ সাক্ষাৎকাৰত তেওঁ উল্লেখ কৰিছে যে তেওঁৰ কমেডী নায়ক-নায়িকাসকলৰ ভিতৰত আছে "ছাৰা ছিলভাৰমেন, ব্ৰীজেট ক্ৰীষ্টি, জোছি লং, মিণ্ডী কালিং, বিল বাৰ্, জেমছ একাষ্টাৰ, ষ্টুৱেৰ্ট লি, নৰ্ম মেকড'নাল্ড, আৰু অপৰ্না নানচেৰলা।"^৬

২০১৭ চনত তেওঁ টেলিভিছন চেনেল টিএলচিৰ শ্ব' কুইন্স অৱ কমেডীৰ প্ৰতিযোগী আৰু চূড়ান্ত প্ৰতিযোগী আছিল।^৭৮

২০২৩ চনত লণ্ডনৰ ছ'হো থিয়েটাৰে এডিনবৰা ফেষ্টিভেল ফ্ৰিঞ্জলৈ অনা কমেডিয়ানৰ এটা দলৰ অংশ আছিল।^৯১০ তাত থকাৰ সময়তে আছফাকে তেওঁৰ শ্ব' অ' ন'!,^৫ ৰ বাবে এডিনবৰা কমেডী বঁটাত শ্ৰেষ্ঠ নৱাগত বঁটা লাভ কৰে৷^১১৪ ১৯৯৭ চনত আৰ্জ বাৰ্কাৰৰ পিছত এই বঁটা লাভ কৰা তেওঁ দক্ষিণ এছিয়াৰ ঐতিহ্যবাহী প্ৰথমগৰাকী ব্যক্তি,আৰু এই বঁটা লাভ কৰা প্ৰথমজন ভাৰতীয় শিল্পী।^১২ এই অনুষ্ঠানটো আছিল আছফাকৰ ব্ৰিটেইনত অভিনয় কৰাৰ প্ৰথম অভিজ্ঞতা৷ ২০২৩ চনৰ আৰম্ভণিতে লণ্ডনৰ ছ'হো থিয়েটাৰত এই অনুষ্ঠানটো সম্পন্ন হৈছিল।^১৩১৪

বঁটা

• শ্ৰেষ্ঠ নৱাগত, এডিনবৰা কমেডি বঁটা, ২০২৩^১৫

বাহ্যিক সংযোগ

• Urooj Asfaq biography at IMDB