প্ৰভু দেৱা

প্ৰভু দেৱা (ಪ್ರಭುದೇವ, பிரபுதேவா, ప్రభుదేవా; জন্ম: ৩ এপ্ৰিল ১৯৭৩) হৈছে তামিল ভাষা, তেলুগু ভাষা, বলিউড, মালায়ালাম আৰু কন্নড় ভাষা চলচ্চিত্ৰ জগতৰ এজন প্ৰভাৱশালী কথাছবি পৰিচালক, নৃত্য ব্যৱস্থাপক আৰু অভিনেতা। তেওঁ প্ৰায় ২৫ বছৰ কাল কথাছবিৰ লগত জড়িত আৰু এই সময়ছোৱাত তেখেতে নৃত্যৰ বহু নতুন শৈলী উদ্ভাৱন কৰিছে। তেখেতে বৰ্তমানলৈকে শ্ৰেষ্ট কৰিঅ'গ্ৰাফৰ বাবে দুটাকৈ ৰাষ্ট্ৰীয় চলচ্চিত্ৰ বঁটা লাভ কৰিছে; অনুৰাগীৰ মাজত তেওঁ 'ভাৰতীয় মাইকেল জেকচন' নামেৰে প্ৰসিদ্ধ। ১৯৯০ আৰু ২০০০ চনৰ প্ৰথম ভাগত তেখেতে বহুকেইখন ছবিত অভিনয়েৰে ছবি জগতত প্ৰৱেশ কৰিছিল, পিছত ২০০৫ চনত তেখেতে তেলুগু ভাষা ছবি 'Nuvvostanante Nenoddantana' পৰিচালনা কৰে। তেতিয়াৰ পৰাই তেওঁ তেলুগু, হিন্দী, আৰু তামিল ছবি পৰিচালনা কৰিবলৈ ধৰে। 'শংকৰদাদা জিন্দাবাদ' (২০০৭), 'ৱানটেড' (২০০৯), 'ৰাউড়ি ৰাথোৰ' (২০১২) আৰু 'আৰ... ৰাজকুমাৰ' (২০১৩) আদি হৈছে তেখেতে পৰিচালনা কৰা কিছুমান জনপ্ৰিয় ছবি।