পুনম বাজৱা

পুনম বাজৱা (Poonam Bajwa; জন্ম: ৫ এপ্ৰিল ১৯৮৫) এগৰাকী ভাৰতীয় অভিনেত্ৰী। তেওঁ তামিল, মালয়ালম, তেলেগু আৰু কন্নড় ভাষাৰ চলচ্চিত্ৰত অভিনয় কৰে। তেওঁ ২০০৫ চনত মোদাতী চিনেমা নামৰ তেলেগু চলচ্চিত্ৰ এখনত অভিনয়েৰে ছবিজগতত পদাৰ্পণ কৰে আৰু ২০০৬ চনত বছ নামৰ আন এখন তেলেগু ছবিত অভিনয় কৰে। তেওঁৰ অভিনীত প্ৰথম কন্নড় আৰু তামিল ভাষাৰ চলচ্চিত্ৰ আছিল ক্ৰমে থাংগিগাগী (২০০৬) আৰু চেভাল (২০০৮)।

প্ৰাৰম্ভিক জীৱন আৰু শিক্ষা

মহাৰাষ্ট্ৰৰ বম্বে (বৰ্তমান মুম্বাই)ত, নৌসেনাৰ বিষয়া অমৰজিৎ সিং বাজৱা আৰু জয়লক্ষ্মী বাজৱাৰ গৃহত পুনমে জন্মগ্ৰহণ কৰিছিল। তেওঁ জন্মসূত্ৰে পঞ্জাবী। তেওঁৰ সৰু ভগ্নীগৰাকীৰ নাম দীপিকা বাজৱা।^১ তেওঁ ২০০৫ চনত মিছ পুনেৰ খিতাপ অৰ্জন কৰে।^২ ইয়াৰ পিছতেই তেওঁ পঢ়া-শুনাৰ সমান্তৰালকৈ অংশকালীন মডেলিং কৰিবলৈ আৰম্ভ কৰিছিল।^৩ যেতিয়া তেওঁ হাইদৰাবাদত ৰেম্প শ্বʼৰ বাবে গৈছিল, তেতিয়া মোদাতী চিনেমাৰ পৰিচালকে তেওঁক দেখিছিল আৰু তেওঁক সুধিছিল যে তেওঁ চলচ্চিত্ৰত আগ্ৰহী নেকি। সেই সময়ত, তেওঁ দ্বাদশ শ্ৰেণী সম্পূৰ্ণ কৰিছিলহে মাত্ৰ আৰু কলেজ আৰম্ভ হোৱালৈ পাঁচ মাহ বাকী আছিল, সেয়েহে পঢ়াশুনাত ভাল থকা স্বত্বেও, তেওঁ পৰিচালকৰ ছবিখনত কাম কৰিবলৈ সন্মত হৈছিল।^৪ তেওঁ পুনেৰ চিম্বায়’ছিছ ইণ্টাৰনেশ্যনেল ইউনিভাৰ্চিটিৰ পৰা ইংৰাজী সাহিত্যত স্নাতক ডিগ্ৰী লাভ কৰিছিল।

ব্যক্তিগত জীৱন

২০২০ চনৰ অক্টোবৰ মাহত, বাজৱাই ইনষ্টাগ্ৰামত পৰিচালক সুনীল ৰেড্ডীৰ সৈতে সম্পৰ্কত থকাৰ কথা ঘোষণা কৰে।^৫

অভিনয় জীৱন

২০০৫ চনত মুক্তিপ্ৰাপ্ত তেলেগু ছবি মোদাতী চিনেমাত অভিনয়েৰে তেওঁ অভিনয় জীৱনৰ আৰম্ভণি কৰে আৰু তাৰ পিছত তেওঁ অভিনেতা নাগাৰ্জুনৰ বিপৰীতে বছ আৰু পৰিচালক ভাস্কৰৰ ছবি পাৰুগুকে ধৰি কেইবাখনো তেলেগু ছবিত অভিনয় কৰে। পাৰুগু নামৰ ছবিখনত তেওঁ প্ৰকাশ ৰাজৰ জেষ্ঠ্য কন্যাৰ চৰিত্ৰটিত স্বল্পস্থায়ী অভিনয় কৰে।^৬ তেওঁ ২০০৮ চনৰ তামিল চলচ্চিত্ৰ চেভালৰ জৰিয়তে তামিল ছবিজগতত আত্মপ্ৰকাশ কৰে আৰু পৰৱৰ্তী সময়ত থেনাৱট্টু, কচেৰী আৰামবাম, দ্ৰোহী আৰু থাম্বিকোট্টাইকে ধৰি কেইবাখনো তামিল চলচ্চিত্ৰত অভিনয় কৰে।^৭ তেওঁ চাইনা টাউন মালায়ালম চলচ্চিত্ৰ এখনতো অভিনয় কৰিছিল।

চলচ্চিত্ৰপুঞ্জী