প্ৰতিভা ৰান্তা

প্ৰতিভা ৰান্তা (Pratibha Ranta; জন্ম: ১৭ ডিচেম্বৰ ২০০০) এগৰাকী ভাৰতীয় অভিনেত্ৰী। তেওঁ মূলতঃ হিন্দী চলচ্চিত্ৰ আৰু দূৰদৰ্শনত অভিনয় কৰে। টেলিভিছন ধাৰাবাহিক কুৰবান হুৱা (২০২০-২০২১)ৰ জৰিয়তে ৰান্তাই অভিনয় জগতত আত্মপ্ৰকাশ কৰে। ইয়াৰ পিছত তেওঁ প্ৰথম চলচ্চিত্ৰ লাপতা লেডীজ (২০২৪) আৰু ৱেব ধাৰাবাহিক হীৰামণ্ডী (২০২৪)ত অভিনয় কৰে।^১

প্ৰাৰম্ভিক জীৱন

২০০০ চনৰ ১৭ ডিচেম্বৰত হিমাচল প্ৰদেশৰ চিমলা জিলাৰ টিক্কাৰ গাঁৱৰ এটি পাহাৰী ৰাজপুত পৰিয়ালত ৰান্তাই জন্মগ্ৰহণ কৰিছিল। পিছত তেওঁ পঢ়া-শুনাৰ সুবিধাৰ্থে চিমলালৈ গুচি যায়।^২৩ তেওঁ চিমলাৰ চেলচিয়া কনভেণ্ট অৱ যীছাছ এণ্ড মেৰীত স্কুলীয়া শিক্ষা গ্ৰহণ কৰে আৰু মুম্বাইৰ ঊষা প্ৰবীণ গান্ধী কলেজ অৱ মেনেজমেণ্টৰ পৰা চলচ্চিত্ৰ নিৰ্মাণত স্নাতক ডিগ্ৰী লয়।

কৰ্মজীৱন

ৰান্তাই ২০২০ চনত কুৰবান হুৱা নামৰ ধাৰাবাহিক এখনত অভিনয়েৰে ধাৰাবাহিকত আত্মপ্ৰকাশ কৰিছিল, য’ত তেওঁ কৰণ জোতৱানীৰ বিপৰীতে চাহাত বাইগ ভট্ট ধ্যানীৰ চৰিত্ৰত অভিনয় কৰিছিল। ২০২১ চনত এই ধাৰাবাহিকখনৰ অন্ত পৰে।^৪৫ ইয়াৰ পিছত, তেওঁ আধা ইছক নামৰ এখন ৱেব ধাৰাবাহিকতো অভিনয় কৰে, য’ত তেওঁ দৰ্শিল ছাফাৰী আৰু গৌৰৱ আৰোৰাৰ বিপৰীতে ৰেনে ভৰদ্বাজৰ চৰিত্ৰত অভিনয় কৰিছিল।^৬ টাইমছ অৱ ইণ্ডিয়াৰ বাবে কৰা এক পৰ্যালোচনাত আৰ্কিকা খুৰানাই তেওঁৰ অভিনয়ৰ প্ৰশংসা কৰিছিল যদিও তেওঁৰ চৰিত্ৰটোক “মৌলিকতাৰ অভাৱ থকা” আৰু “বিভ্ৰান্তিকৰ” বুলি বিবেচনা কৰিছিল।^৭

২০২৪ চনত ৰান্তাই লাপতা লেডীজ নামৰ ছবিখনত নিৰুদ্দেশ হোৱা কইনা পুষ্পা ৰাণী/জয়াৰ চৰিত্ৰত অভিনয়েৰে বলিউডত খোজ পেলায়। একে বছৰতে ছবিখনে ভাৰতবৰ্ষত মুক্তি লাভ কৰিছিল।^৮৯ শৈবাল চেটাৰ্জীয়ে তেওঁক "শ্ব'-ষ্টীলাৰ" বুলি অভিহিত কৰাৰ বিপৰীতে দ্য ইণ্ডিয়ান এক্সপ্ৰেছৰ শুভ্ৰা গুপ্তাই উল্লেখ কৰিছিল যে "ৰান্তা, যথেষ্ট অভিজ্ঞ অভিনেত্ৰী অথচ তেওঁৰ অভিনয়ত স্বাধীনতা ফুটি উঠা নাই। আগন্তুক দিনত আৰু কঠিন ভূমিকাত তেওঁ অভিনয় কৰিব আৰু সফল হ'ব।" ^১০১১ একে বছৰতে সঞ্জয় লীলা ভণশালীৰ ৱেব ধাৰাবাহিক হীৰামণ্ডীত শ্বামা (এজনী বেশ্যাৰ কন্যা)ৰ চৰিত্ৰত অভিনয় কৰিছিল।^১২ বলিউড হাংগামাই উল্লেখ কৰিছিল যে "ৰান্তাৰ কৰিবলগীয়া বহুত বেছি কাম নাছিল।" ^১৩

চলচ্চিত্ৰপুঞ্জী

চলচ্চিত্ৰ

দূৰদৰ্শন

সংগীত ভিডিঅ'

বঁটা আৰু মনোনয়ন