দৰ্শীল ছাফাৰী

দৰ্শীল ছাফাৰী (জন্ম ৯ মাৰ্চ ১৯৯৭) এজন ভাৰতীয় অভিনেতা, তেওঁ হিন্দী ভাষা, গুজৰাটী ভাষা ছবি আৰু টেলিভিছনত অভিনয় কৰে। ছাফাৰীয়ে আমিৰ খানৰ পৰিচালনাত মুক্তিলাভৰ কৰা তাৰে জমিন পৰ (২০০৭)ত চলচ্চিত্ৰত ডিছলেক্সিয়া ছাত্ৰৰ মুখ্য চৰিত্ৰত অভিনয় কৰি চলচ্চিত্ৰ জগতত অভিষেক ঘটায়, যাৰ বাবে তেওঁ ফিল্মফেয়াৰ শ্ৰেষ্ঠ অভিনেতাৰ বঁটা লাভ কৰে।

পেচা

ছাফাৰীয়ে এটা গুজৰাটী পৰিয়ালত জন্মগ্ৰহণ কৰে আৰু তাৰে জমিন পৰ (২০০৭) ছবিখনত প্ৰথম আত্মপ্ৰকাশ কৰে। ^১ ছবিখনত তেওঁ ঈশান নন্দকিশোৰ অৱস্থীৰ চৰিত্ৰত অভিনয় কৰি। ২০০৬ চনৰ শেষৰ ফালে চিত্ৰনাট্যকাৰ আৰু সৃষ্টিশীল পৰিচালক অমোল গুপ্তে এ তাৰে জমিন পৰৰ বাবে পুৰুষ নায়ক বিচাৰি থাকোঁতে মুম্বাইৰ এখন নৃত্য একাডেমীত ছাফাৰীক আৱিষ্কাৰ কৰিছিল। ছিবখনৰ নায়কৰ বাবে বহুজনে অডিচন দিছিল যদিও ছাফাৰীক ঈশানৰ চৰিত্ৰ অমোল গুপ্তে নিৰ্বাচন কৰিছিল। ^২ চলচ্চিত্ৰ খনত এটি ডিছলেক্সিক সংগ্ৰামী শিশু হিচাপে অভিনয় কৰি ছাফাৰী চলচ্চিত্ৰ সমালোচকসকলৰ প্ৰশংসা লাভ কৰিছিল। ^৩৪ এই অভিনয়ৰ বাবে তেওঁ কেইবাটাও বঁটা লাভ কৰে। IndiaFM ৰ পৰা তৰণ আদৰ্শই ছাফাৰীক "মাষ্টাৰ" বুলি অভিহিত কৰে আৰু তেওঁৰ অভিনয় বিশেষ বঁটাৰ যোগ্য বুলি উল্লেখ কৰে। ^৫ CNN-IBN ৰ ৰাজীৱ মাছান্দই কৈছিল, “দৰ্শীল ছাফাৰীয়ে ঈশান অৱস্থীৰ ৰূপত আপোনাৰ হৃদয় চুৰি কৰিব পাৰে। দৰ্শীল অভিনেতা হিচাপে প্ৰকাশ, তেওঁ স্বতঃস্ফূৰ্ত আৰু মৰমলগা আৰু এই ছবিখন সম্পূৰ্ণৰূপে কান্ধত কঢ়িয়াই লৈ ফুৰে”। ^৬তেওঁৰ অভিনয়ৰ পাৰদৰ্শীতাৰ বাবে কিছুমান চলচ্চিত্ৰ পৰ্যালোচকে ছাফাৰীক "চলচ্চিত্ৰখনৰ প্ৰকৃত তাৰকা" বুলি অভিহিত কৰে।^৭৮২০০৭ চনত দিয়া এক সাক্ষাৎকাৰত ছাফাৰীয়ে কৈছিল যে তেওঁ ভৱিষ্যতে গায়ন-বায়ন, নৃত্য, ব্যৱসায়ী বা গহনা ডিজাইনাৰ আদি কৰা পৰিকল্পনাত আছে। ^৯

তেওঁৰ দ্বিতীয়খন ছবি বুম বুম বোলে ২০১০ চনত আহিছিল আৰু কিছুমান সূত্ৰৰ মতে তেওঁক ৩ লাখ টকা দিয়া হৈছিল, যিটো সেই সময়ত যিকোনো শিশু অভিনেতাক দিয়া সৰ্বাধিক ধন। .^১০ইয়াৰ উপৰি তেওঁ আৰু দুখন ছবিত অভিনয় কৰিছিল, ডিজনী ইণ্ডিয়াৰ ছুপাৰহিৰো ছবি জোক্কোমন (২০১১) আৰু দীপা মেহতাৰ ''মিডনাইটছ চিলড্ৰেনছ (২০১২)। ^১১১২

২০১২ চনত তেওঁ অৱনীত কৌৰক নৃত্যৰ সহযোগী হিচাপে লৈ ঝলক দিখলা জা নৃত্যৰ ৰিয়েলিটি শ্ব'ত অংশগ্ৰহণ কৰিছিল যদিও সপ্তম স্থানত বাহিৰ হৈ যায়। ^১৩ ইয়াৰ পিছত তেওঁ অভিনয়ৰ পৰা বিৰতি লৈ পঢ়া-শুনাত মনোনিৱেশ কৰিছিল। ^১৪২০১৬ চনত তেওঁ য়্যে হেই আচিক্যি ধাৰাবাহিকত অভয়ৰ চৰিত্ৰত অভিনয় কৰিছিল।^১৫ইয়াৰ পিছত তেওঁ ২০২৩ চনৰ হিন্দী ক্ৰীড়া নাটক ছবি হুকুছ বুকুছত আৰু গুজৰাটী ছবি, কুচ এক্সপ্ৰেছত অভিনয় কৰে।^১৪১৪

অভিনিত চলচ্চিত্ৰ

বঁটা আৰু মনোনীত