তাৰে জমিন পৰ

তাৰে জমিন পৰ (Stars on the Earth; तारे जमीन पर) এখন ২০০৭ চনত মুক্তিপ্ৰাপ্ত বলিউডৰ চলচ্চিত্ৰ। ছবিখনৰ পৰিচালনা আৰু প্ৰযোজক আমিৰ খান। ইয়াত অভিনয় কৰিছে আমিৰ খান, দৰ্শীল ছাফাৰী, তনয় চন্দা, বিপিন শৰ্মা আৰু টিস্কা চোপ্ৰা। ইয়াত ৮ বছৰীয়া কলাত্মকভাৱে মেধাৱী ল’ৰা ঈশান (ছাফাৰী)ৰ জীৱন আৰু কল্পনাৰ সন্ধান কৰা হৈছে, যাৰ শৈক্ষিক প্ৰদৰ্শনৰ দুৰ্বলতাৰ বাবে পিতৃ-মাতৃয়ে তেওঁক বৰ্ডিং স্কুললৈ পঠিয়াই দিয়ে, য’ত এজন নতুন কলা শিক্ষক নিকুম্ভই (খান) তেওঁক ডিছলেক্সিয়া (dyslexic) বুলি সন্দেহ কৰে আৰু তেওঁক পঢ়াৰ বিকাৰ দূৰ কৰাত সহায় কৰে। ছবিখনে শিশুৰ মাজত অটিজিম আৰু মানসিক বিকলাংগতাৰ বিষয়ে সজাগতা বৃদ্ধিৰ ওপৰত গুৰুত্ব আৰোপ কৰিছে।

সৃষ্টিশীল পৰিচালক তথা লেখক অমোল গুপ্তেই ছবিখনৰ সম্পাদক পত্নী দীপা ভাটিয়াৰ সৈতে এই ছবিখনৰ পৰিকল্পনা কৰিছিল। .^{১ ২} শংকৰ-ঈশান-লয়ে সংগীত ৰচনা কৰিছিল আৰু প্ৰসুণ যোশীয়ে গীতৰ কথা লিখিছিল। ছবিখনৰ চিত্ৰগ্ৰহণ কৰিছিল মুম্বাই আৰু পঞ্চগণিৰ নিউ ইৰা হাইস্কুলত, ছবিখনত বিদ্যালয়খনৰ একাংশ ছাত্ৰ-ছাত্ৰীয়ে চিত্ৰগ্ৰহণত অংশগ্ৰহণ কৰিছিল। ২০০৭ চনৰ ২১ ডিচেম্বৰত ভাৰতত ছবিখনে মুক্তিলাভ কৰে আৰু ব্যৱসায়িকভাৱে সফলতা লাভ কৰি, বিশ্বজুৰি ৯৮.৪৮ কোটি টকা উপাৰ্জন কৰে। ছবিখনৰ কাহিনী, চিত্ৰনাট্য, পৰিচালনা, সংলাপ, শব্দৰ ৰেখা, অভিনয়ৰ বাবে ই সমালোচকৰ ব্যাপক প্ৰশংসা লাভ কৰিছিল। ডিছলেক্সিয়াৰ বিষয়ে সজাগতা বৃদ্ধিতো সহায় কৰিছিল।

বঁটা

তাৰে জামিন পৰ ৮১ সংখ্যক একাডেমী বঁটাত শ্ৰেষ্ঠ বিদেশী ভাষাৰ ছবিৰ বাবে ভাৰতৰ আনুষ্ঠানিকভাৱে প্ৰৱেশ কৰিছিল যদিও মনোনীত নহ'ল। ৫৫ সংখ্যক ৰাষ্ট্ৰীয় চলচ্চিত্ৰ বঁটাত এই ছবিখনে ৩টা বঁটা লাভ কৰে,

• পৰিয়াল কল্যাণৰ শ্ৰেষ্ঠ ছবি,
• শ্ৰেষ্ঠ গীতিকাৰ ("মা"ৰ বাবে প্ৰসুণ যোশী) আৰু
• শ্ৰেষ্ঠ পুৰুষ প্লেবেক গায়ক ("মা"ৰ বাবে শংকৰ মহাদেৱান)।

৫৩ সংখ্যক ফিল্মফেয়াৰ বঁটাত ই শ্ৰেষ্ঠ অভিনেতা (দৰ্শীল ছাফাৰী), শ্ৰেষ্ঠ সহযোগী অভিনেতা (আমিৰ খান) আৰু শ্ৰেষ্ঠ সহযোগী অভিনেত্ৰী (টিস্কা চোপ্ৰা)কে ধৰি ১১টা মনোনয়ন লাভ কৰে আৰু

• শ্ৰেষ্ঠ ছবি,
• শ্ৰেষ্ঠ পৰিচালক আমিৰ খান আৰু
• শ্ৰেষ্ঠ গীতিকাৰ ("মা"ৰ বাবে জোশী)কে ধৰি ৫টা বঁটা লাভ কৰে।

কাহিনী

আঠ বছৰীয়া ঈশানে মুম্বাইত বাস কৰে আৰু শৈক্ষিক দিশত তেওঁ পাৰদৰ্শিতা দেখুৱাব নোৱাৰে বাবে তেওঁৰ পৰিয়াল, শিক্ষক আৰু সমাজে তেওঁক ভুল বুজে। তাৰ কল্পনাশক্তি আৰু অংকন প্ৰতিভাক আওকাণ কৰা হয়। তাৰ শিক্ষণ অক্ষমতা ডিছলেক্সিয়াৰ বিষয়ে কোনেও নাজানে।

ঈশানৰ দেউতাক এজন কঠোৰ মানুহ তেওঁ বিচাৰে যে তেওঁৰ পুত্ৰই নিয়ম-নীতিৰ ভিতৰতে সফল হওক। শৈক্ষিক ব্যৰ্থতাৰ বাবে তেওঁক বৰ্ডিং স্কুললৈ পঠিওৱা হয়, য’ত তেওঁ ক্ৰমান্বয়ে ভাঙি যায়, নিসংগতা, হতাশা আৰু ভয়ৰ দ্বাৰা আগুৰি ধৰে। ঠিক তেতিয়াই স্কুলত উপস্থিত হয় এজন নতুন আৰু অভিনৱ শিক্ষক ৰাম শংকৰ নিকুম্ভ, আৰু তেওঁ ঈশানৰ অন্তৰ্নিহিত প্ৰতিভা আৱিষ্কাৰ কৰে আৰু ল’ৰাটো ডিছলেক্সিয়াত ভুগি থকা বুলি উপলব্ধি কৰে।

ধৈৰ্য্য আৰু মৰমেৰে শিক্ষক নিকুম্ভই ঈশানৰ আত্মবিশ্বাস ঘূৰাই আনে আৰু পঢ়া-শুনা উন্নত কৰাৰ বাবে ধাপে ধাপে কাম কৰে। পৰিয়ালৰ ভিতৰতো পৰিৱৰ্তন ঘটে, যিয়ে নিজৰ পুত্ৰৰ ভিতৰৰ সমস্যা আৰু সম্ভাৱনা বুজিবলৈ আৰম্ভ কৰে। বছৰৰ শেষত ঈশানে স্কুলত অনুষ্ঠিত হোৱা কলা প্ৰতিযোগিতাত প্ৰথম স্থান লাভ কৰে, আৰু তেওঁৰ এই জয়ে তেওঁৰ জীৱনটো ঘূৰাই আনে।

অভিনিত শিল্পী

৩" loading="lazy" data-zoom="দৰ্শীল ছাফাৰী ^৩">

গোৱাত ৩৯ সংখ্যক আন্তঃৰাষ্ট্ৰীয় চলচ্চিত্ৰ মহোৎসৱত (IFFI-2008) সংবাদমেল সম্বোধন কৰি থকা অৱস্থাত।]]

• দৰ্শী ছাফাৰী ঈশান নন্দকিশোৰ অৱস্থিৰ চৰিত্ৰত, নন্দকিশোৰ আৰু মায়াৰ দ্বিতীয় পুত্ৰ আৰু যোহানৰ কনিষ্ঠ ভাতৃ।^২
  • সৰুকালৰ ঈশানৰ চৰিত্ৰত বীৰ মোহন।
• আমিৰ খান ৰাম শংকৰ নিকুম্ভ, নিউ ইৰা হাইস্কুলৰ এজন কলা শিক্ষক আৰু ঈশানৰ টিউটৰ, টিউচন শিক্ষক হিচাপে।^৪
• টিস্কা চোপ্ৰা নন্দকিশোৰৰ পত্নী মায়া নন্দকিশোৰ অৱস্থী৷ যোহান আৰু ঈশানৰ মাতৃৰ চৰিত্ৰত।^৫
• বিপিন শৰ্মা মায়াৰ স্বামী, নন্দকিশোৰ অৱস্তী। আৰু যোহান আৰু ঈশানৰ পিতৃ হিচাপে।^৬
• সচিত ইঞ্জিনিয়াৰ, যোহান নন্দকিশোৰ অৱস্থী, নন্দকিশোৰ আৰু মায়াৰ প্ৰথম পুত্ৰ আৰু ঈশানৰ জ্যেষ্ঠ ভাতৃ হিচাপে।
• অংকিত ইঞ্জিনিয়াৰ, শিশু যোহানৰ চৰিত্ৰত।
• তনয় চন্দা নিউ ইৰা হাইস্কুলৰ ঈশানৰ প্ৰিয় বন্ধু আৰু সহপাঠী ৰাজন দামোদৰনৰ চৰিত্ৰত।
• ৰমিত গুপ্তা ৰঞ্জিতৰ চৰিত্ৰত।
• নীলম কোথাৰী ঈশানৰ পূৰ্বৰ বিদ্যালয় ছেইণ্ট এন্থনী স্কুলৰ বিশেষ শিক্ষাৰ শিক্ষক হিচাপে।
• গিৰিজা ওক ৰামৰ সহকৰ্মী জাবীন খানৰ চৰিত্ৰত।
• বাগছ ভাৰ্গৱ আৰু শংকৰ সচদেৱ, মিষ্টাৰ সেন আৰু মিষ্টাৰ তিৱাৰী হিচাপে, নিউ ইৰা হাইস্কুলৰ দুজন শিক্ষক।^৭
• ম. কে. ৰাইনা নিউ ইৰা হাইস্কুলৰ অধ্যক্ষ, প্ৰধান শিক্ষক হিচাপে।
• প্ৰতিমা কুলকাৰ্ণী ছেইণ্ট এন্থনী স্কুলৰ অধ্যক্ষ হিচাপে।
• মেঘনা মালিক ভিক্টোৰিয়া শিক্ষয়িত্ৰী, ঈশানৰ পূৰ্বৰ বিদ্যালয় ছেইণ্ট এণ্টনি স্কুলৰ শ্ৰেণী আৰু গণিতৰ শিক্ষয়িত্ৰী হিচাপে।
• সোনালি সচদেৱ চেণ্ট এন্থনী স্কুলৰ ইংৰাজী শিক্ষয়িত্ৰী আইৰিন টিচাৰ হিচাপে।