ঝিলিক ভট্টাচাৰ্য

জিলীক ভট্টাচাৰ্য এগৰাকী ভাৰতীয় অভিনেত্ৰী, যিয়ে ওড়িয়া ভাষা আৰু বঙালী ভাষা চলচ্চিত্ৰ জগতত অভিনয় কৰে।^১ তেওঁ টাৰ্গেট ছবিৰ জৰিয়তে ওড়িয়া চলচ্চিত্ৰত অভিষেক ঘটায়। ইয়াৰ পূৰ্বে তেওঁ অভিষেক বচ্চন অভিনীত ৰাৱন ছবিত সহকাৰী নৃত্য পৰিচালক হিচাপে কাম কৰিছিল।

প্ৰাৰম্ভিক জীৱন

ভট্টাচাৰ্যৰ জন্ম পশ্চিমবঙ্গত হৈছিল। তেওঁৰ পিতৃ মৃত্যুঞ্জয় ভট্টাচাৰ্য আৰু মাতৃ সুমনা ভট্টাচাৰ্য। তেওঁ ভাৰতনাট্যম আৰু কথক নৃত্যৰ এগৰাকী প্ৰশিক্ষিত নৃত্যশিল্পী। তেওঁ শিয়ামক দাভৰ ডান্স ইনষ্টিটিউটৰপৰা আধুনিক নৃত্যৰ শিক্ষাও গ্ৰহণ কৰিছে। তেওঁ মণি ৰত্নমৰ অধীনত এগৰাকী সহকাৰী পৰিচালক হিচাপেও কাম কৰিছিল।^২

অভিনয় জীৱন

২০১৩ চনত ঝিলিকে ওড়িয়া ছবি টাৰগেট জৰিয়তে ওড়িয়া চলচ্চিত্ৰ জগতত অভিনয় আৰম্ভ কৰে।^৩ এই ছবিখনত মিহিৰ দাসৰ পুত্ৰ অম্লান দাসেও অভিনয় আৰম্ভ কৰিছিল।^৪ সেই বছৰেই ঝিলিকে এখন বাংলা ছবি “ক্লাছমেট”তো অভিনয় কৰিছিল। তাৰ পিছত ২০১৪ চনত ঝিলিকে সাৰ্থক মুভিজৰ ছবি আখিৰে আখিৰেত নায়ক বাবুশান মহান্তিৰ সৈতে অভিনয় কৰিছিল। পাছত তেওঁ বাবুশানৰ সৈতে লেখু লেখু লেখি দেলি, ছুপাৰ মিছুৱা, জবৰদস্ত প্ৰেমিকা আদি ছবিতো অভিনয় কৰে।

জিলীকে অভিনেতা অৰিন্দম ৰায়ৰ সৈতে লাভ ইউ হামেশাত অভিনয় কৰিছিল। অভিনেতা অনুভৱ মহান্তিৰ সৈতে তেওঁ জগা হাতৰে পঘা^৫, অগস্ত্য^৬, দেৱী^৭ আদি ছবিত অভিনয় কৰিছিল।

২০১৭ চনত জিলীকে অভিনেতা সম্বিত আচাৰ্যৰ সৈতে তমকু দেখিলা পৰে ছবিত অভিনয় কৰিছিল।^৮ তাৰ পিছত তেওঁ নায়ক জ্যোতি ৰঞ্জন নায়কৰ সৈতে তু মো হিৰো ছবিত অভিনয় কৰিছিল।^৯ দেৱালীৰ সময়ত এই ছবিখনৰ মুক্তি লাভ কৰিছিল। এই ছবিখনত ঝিলিকে এগৰাকী মাকৰ ভূমিকাত অভিনয় কৰিছিল।^১০

২০১৮ চনত ঝিলিক আৰু জ্যোতিৰ অভিনীত ছবি ওলে ওলে দিল বোলে পণা সংক্ৰান্তিৰ উপলক্ষ্যে মুক্তি লাভ কৰিছিল।^১১ এই ছবিখনৰ পৰিচালনা কৰিছিল কৈলাস মহাপাত্ৰই।^১২১৩ সিদ্ধান্ত মহাপাত্ৰ, মিহিৰ দাস, ৰাজীৱ, প্ৰিয়ংকা আদি শিল্পীয়ে এই ছবিখনত বিভিন্ন ভূমিকাত অভিনয় কৰিছিল।^১৪

ব্যক্তিগত জীৱন

২০২০ চনৰ ১১ মাৰ্চত চিলিকাত এক ব্যক্তিগত বিবাহ অনুষ্ঠানৰ জৰিয়তে তেওঁ বিধায়ক প্ৰীতিৰঞ্জন ঘৰাইৰ সৈতে বিবাহপাশত আবদ্ধ হয়। তেওঁৰ শহুৰেক প্ৰাক্তন বিত্ত মন্ত্ৰী তথা বি জে ডিৰ উপ-সভাপতি শ্ৰী প্ৰফুল্ল চন্দ্ৰ ঘৰাই।^১৫

চলচ্চিত্ৰৰ তালিকা

বাহ্যিক সংযোগ

• Jhilik Bhattacharjee Moviebuff profile