ছাই পল্লৱী

ছাই পল্লৱী ছেন্থামাৰাই (Sai Pallavi Senthamarai; জন্ম: ৯ মে' ১৯৯২) হৈছে এগৰাকী ভাৰতীয় অভিনেত্ৰী আৰু নৃত্যশিল্পী। তেখেতে তেলুগু, তামিল, আৰু মালয়ালম ভাষাৰ ছবিত অভিনয় কৰিছে। "প্ৰেমম" আৰু "ফিডা" নামৰ ছবিত আগবঢ়োৱা প্ৰদৰ্শনৰ বাবে তেখেতে বহুকেইটা বঁটা লাভ কৰিবলৈ সক্ষম হৈছে। তাৰে ভিতৰত দুটা ফিল্মফেয়াৰ বঁটা-দাক্ষিণাত্যও আছে।

২০১৫ চনত মুক্তিলাভ কৰা মালায়ালাম ভাষাৰ ছবি "প্ৰেমম"ৰ মালাৰ চৰিত্ৰটোৰ জৰিয়তে ছাই পল্লৱীয়ে দৰ্শকৰ দৃষ্টি আকৰ্ষণ কৰে।^১ পৰৱৰ্তী সময়ত ২০১৬ চনত মুক্তিলাভ কৰা "কালী" ছবিত তেখেতে ডুলকুয়েৰ ছলমানৰ বিপৰীতে অভিনয় কৰে।^২ ২০১৭ চনত মুক্তি লভা তেলুগু ভাষাৰ ছবি "ফিডা"ৰ জৰিয়তে তেখেতে তেলুগু ছবিত পদাৰ্পণ কৰে। ছাই পল্লৱীৰ প্ৰথমখন তামিল ভাষাৰ ছবি আছিল ২০১৮ চনত মুক্তি লাভ কৰা "দিয়া"। ছবিখনৰ পৰিচালকা আছিল বিজয়।^৩

ছাই পল্লৱীয়ে ২০১৬ চনত জৰ্জিয়াৰ বিলিছি ষ্টেট মেডিকেল ইউনিভাৰ্ছিটিৰ পৰা এম.বি.বি.এছ. ডিগ্ৰী অৰ্জন কৰে।^৪৫

প্ৰাৰম্ভিক জীৱন

ছাই পল্লৱীৰ জন্ম হৈছিল নিলগিৰিছ জিলাৰ কোটাগিৰীত।^৬ তেখেতৰ পিতৃ আছিল ছেন্থামাৰাই কানান আৰু মাতৃ আছিল ৰাধা। তেখেতৰ কনিষ্ঠ ভগ্নী হৈছে পূজা। তেখেতেও অভিনেত্ৰী হিচাপে কাম কৰিছে।^৭৮ ছাই পল্লৱী কোয়ম্বাটুৰত লালিত-পালিত আৰু শিক্ষিত হৈছে।

কোয়ম্বাটুৰৰ এভিলা কনভেণ্ট স্কুলৰ পৰা পল্লৱীয়ে প্ৰাথমিক শিক্ষা গ্ৰহণ কৰে। ২০১৬ চনত তেখেতে জৰ্জিয়াৰ বিলিছি ষ্টেট মেডিকেল ইউনিভাৰ্ছিটিৰ পৰা চিকিৎসা বিজ্ঞানৰ ডিগ্ৰী অৰ্জন কৰে। অৱশ্যে ভাৰতীয় চিকিৎসা সংস্থাৰ দ্বাৰা উক্ত প্ৰতিষ্ঠানটো স্বীকৃতিপ্ৰাপ্ত হোৱাৰ সত্ত্বেও ছাই পল্লৱীয়ে নিজাববীয়াকৈ এতিয়ালৈকে কোনোধৰণৰ চিকিৎসা-বৃত্তি আৰম্ভ কৰা নাই।^৯২০২০ চনত ৩১ আগষ্টত, ত্ৰিছিত তেখেত ''Foreign Medical Graduate Examination,FMGE)ত অৱতীৰ্ণ হয়।^১০

শৰীৰৰ ছাল উজ্জীৱিতকৰণৰ বাবে প্ৰয়োগ কৰিব পৰা এটা ক্ৰিমৰ দুই কোটিটকীয়া বিজ্ঞাপনৰ চুক্তি পল্লৱীয়ে নাকচ কৰে। তেখেতে এনেজাতীয় বস্তুত বিশ্বাসী নহয় বুলি মতপ্ৰকাশ কৰে।^১১

নৃত্য জীৱন

বিদ্যালয়ত পঢ়ি থকাৰ সময়তে ছাই পল্লৱীয়ে কেবাটাও নৃত্যানুষ্ঠানত অংশগ্ৰহণ কৰি জনপ্ৰিয়তা লাভ কৰিছিল। নৃত্যৰ প্ৰতি থকা এই অনুৰাগক বিশেষভাৱে সমৰ্থন আগবঢ়াইছিল মাতৃয়ে। পৰৱৰ্তী সময়ত ছাই পল্লৱীয়ে নৃত্যৰ এটা ৰিয়েলিটি অনুষ্ঠানত অংশগ্ৰহণ কৰে। ইটিভি যোগে সম্প্ৰচাৰিত হোৱা আন এটা ৰিয়েলিটি শ্ব'ত (২০০৯ চনত) তেখেত ফাইনেলিষ্ট হয়।^১২

ছবিৰ জগতত

২০০৩ আৰু ২০০৮ চনত মুক্তি লাভ কৰা "কস্তুৰীমান" আৰু "ধমা ধুম"ত এগৰাকী শিশু অভিনেত্ৰীৰ ৰূপত ছাই পল্লৱী অৱতীৰ্ণ হয়।^১৩১৪

২০১৪ চনত চিকিৎসা বিজ্ঞান পঢ়ি থকাৰ সময়ত, ছাই পল্লৱীয়ে এলফন্সে পুথাৰেনৰ পৰা "প্ৰেমম" ছবিৰ বাবে এটি প্ৰস্তাৱ লাভ কৰে। চৰিত্ৰটো আছিল মালাৰ। পল্লৱীয়ে শিক্ষানুষ্ঠানৰ বন্ধৰ সময়ত ছবিখনৰ শ্বুটিং শেষ কৰে আৰু পুনৰ জৰ্জিয়ালৈ ৰাওনা হয়।^১১৫ ছবিখনত আগবঢ়োৱা উৎকৃষ্ট প্ৰদৰ্শনৰ বাবে ছাই পল্লৱীয়ে শ্ৰেষ্ঠ নৱাগত অভিনেত্ৰীৰ বঁটা লা কৰিবলৈ সক্ষম হয়।^১৬

২০১৫ চনৰ শেষৰফালে "কালি" নামৰ ছবিখনত কাম কৰিবলৈ ছাই পল্লৱীয়ে পুনৰ অধ্যয়নৰ পৰা এমহীয়া বিৰতি লৈ আহে। ছবিখনে ২০১৬ চনৰ মাৰ্চত মুক্তি হয়।^{১৭১৮১৯} খঙাল গিৰিয়েকৰ উচ্চবাচ্য সহন কৰিবলগীয়া হোৱা অঞ্জলি নামৰ এগৰাকী গাভৰু পত্নীৰ ৰূপত তেখেতে এই ছবিখনত অভিনয় কৰিছিল। অভিনয়ৰ বাবে তেখেতে "মালায়ালাম ভাষাৰ শ্ৰেষ্ঠ অভিনেত্ৰী"ৰ মনোনয়ন লাভ কৰে।^২০২১

২০১৭ চনত মুক্তি লাভ কৰে "ফিডা। " শেখৰ কামাল্লুৰ দ্বাৰা পৰিচালিত এইখন আছিল পল্লৱীয়ে অভিনয় কৰা প্ৰথমখন তেলুগু ভাষাৰ ছবি।^{২২২৩২}

২০১৮ চনৰ ফেব্ৰুৱাৰি মাহৰ পৰা ছাই পল্লৱীয়ে "পাড়ি পাড়ি লেচে মানাসু"ৰ দৃশ্যগ্ৰহণৰ লগত জড়িত হয়।^২৪২৫ ছবিখনে বক্স অফিচত বিশেষ সলফতা লাভ কৰিব নোৱাৰিলে। ডিচেম্বৰ মাহত একাংশ বাতৰি-পত্ৰিকাই কয় যে, ছবিখনৰ ব্যৰ্থতাপূৰ্ণ পৰিণতিৰ বাবে ছাই পল্লৱীয়ে পৰিচালকৰ প্ৰতি সহানুভূতি দেখুৱায় আৰু তেওঁলোকৰ পৰা প্ৰাপ্য পাৰিশ্ৰমিক ল'বলৈ অমান্তি হয়।^২৬২৭

২০১৯ চনত ছাই পল্লৱীয়ে মনোবৈজ্ঞানিক থ্ৰিলাৰ ছবি "অথিৰেন"ত এগৰাকী প্ৰতিবন্ধী যুৱতীৰ ভূমিকা ৰূপায়ণ কৰে।

২০২০ চনত "ফৰ্বছ" আলোচনীয়ে ছাই পল্লৱীক "ত্ৰিশ বছৰ অনুৰ্ধ ত্ৰিশগৰাকী ভাৰতীয়"ৰ তালিকাভুক্ত কৰে। ছবিজগতৰ পৰা স্থান লাভ কৰা তেখেতেই হৈছে একমাত্ৰ অভিনেত্ৰী।^২৮

বঁটা-বাহন