সপ্তমী গৌড়া

সপ্তমী গৌড়া (Sapthami Gowda; জন্ম: ৮ জুন ১৯৯৬) এগৰাকী ভাৰতীয় অভিনেত্ৰী। তেওঁ মূলতঃ কন্নড় চলচ্চিত্ৰত কাম কৰে। ২০২০ চনত তেওঁ দুনিয়া সূৰীৰ পৰিচালনাত নিৰ্মিত পপকৰ্ণ মাংকি টাইগাৰ ছবিত অভিনয়েৰে চলচ্চিত্ৰ জগতত আত্মপ্ৰকাশ কৰিছিল। তেওঁ ২০২২ চনত ঋষব শ্বেট্টীৰ পৰিচালনাত নিৰ্মিত কান্তাৰা ছবিখনত লীলাৰ চৰিত্ৰত অভিনয় কৰাৰ বাবে সুপৰিচিত। তেওঁ এটা ফিল্মফেয়াৰ বঁটা দক্ষিণ আৰু দুটা চাইমা বঁটা লাভ কৰিছে।

প্ৰাৰম্ভিক জীৱন

কৰ্ণাটকৰ বেংগালুৰু চহৰত^১ ইন্সপেক্টৰ এছ. কে. উমেশ গৌড়া আৰু শান্তা গৌড়াৰ ঘৰত সপ্তমীৰ জন্ম হৈছিল।^২ তেওঁ বাল্ডউইন গাৰ্লছ হাইস্কুল আৰু বেংগালুৰুৰ শ্ৰীকুমাৰ কম্পোজিট জুনিয়ৰ কলেজত অধ্যয়ন কৰিছিল।^৩ তাৰ পিছত তেওঁ বাংগালুৰু ইনষ্টিটিউট অৱ টেকন’লজিৰ পৰা চিভিল ইঞ্জিনিয়াৰিং বিষয়ত স্নাতক ডিগ্ৰী লাভ কৰে।^৪ তেওঁ এগৰাকী প্ৰশিক্ষিত সাঁতোৰবিদ আৰু তেওঁ কেইবাটাও পদকো লাভ কৰিছে।^৫

কৰ্মজীৱন

২০২০ চনত সহ-অভিনেতা ধনঞ্জয়ৰ বিপৰীতে, দুনিয়া ছুৰীৰ দ্বাৰা পৰিচালিত কন্নড় ছবি পপকৰ্ণ মাংকি টাইগাৰত অভিনয়েৰে গৌড়াই অভিনয়ৰ ক্ষেত্ৰত অভিষেক ঘটায়। ছবিখন দৰ্শকৰ পৰা মিশ্ৰিত সমালোচনাৰ সন্মুখীন হয়। ইয়াৰ পিছত তেওঁক ব্লকবাষ্টাৰ চিনেমা কান্তাৰাত লীলাৰ চৰিত্ৰত অভিনয় কৰা দেখা গৈছিল যিয়ে তেওঁক লাইমলাইটলৈ আনিছিল আৰু গাঁৱলীয়া ছোৱালীৰ চৰিত্ৰ ৰূপায়ণ কৰাৰ বাবে তেওঁৰ প্ৰশংসা কৰা হৈছিল।^৬ ইয়াৰ পিছত তেওঁক সন্তোষ আনন্দ্দ্ৰমৰ দ্বাৰা পৰিচালিত যুৱ নামৰ ছবিখনত দেখা গৈছিল যʼত অভিনয় কৰিছিল নৱাগত অভিনেতা যুৱ ৰাজকুমাৰে (ৰাঘবেন্দ্ৰ ৰাজকুমাৰৰ পুত্ৰ)।^৭ এক চলি থকা আলোচনা অনুসৰি অভিষেক আম্বৰীশৰ বিপৰীতে এছ কৃষ্ণৰ পৰিচালনাত নিৰ্মিত আগন্তুক ছবি 'কালি'ত তেওঁ এগৰাকী সম্ভাৱ্য নায়িকা হ'ব পাৰে।^৮

২০২৩ চনত বিবেক অগ্নিহোত্ৰীৰ পৰিচালনাত নিৰ্মিত দ্য ভেকচিন ৱাৰ ছবিত অভিনয়েৰে বলীউডত অভিষেক ঘটায়৷ চিনেমাখন মিশ্ৰিত সমালোচনাৰ বাবে মুকলি হৈছিল আৰু তেওঁৰ ভূমিকাৰ পৰিসৰ নূন্যতম আছিল যদিও তথাপিও তেওঁক উপযুক্ত প্ৰশংসা দিয়া হৈছিল।^৯ ভেনু শ্ৰীৰামৰ পৰিচালনাত নিৰ্মিত থামুডু ছবিত অভিনেতা নিতিনৰ বিপৰীতে সপ্তমীয়ে তেলুগু চিনেমাত অভিষেক ঘটাব।^১০

অন্যান্য কৰ্মৰাজি

তেওঁ কৰ্ণাটক চৰকাৰৰ "নান্না মৈত্ৰী" আঁচনিৰ এম্বেচেডৰ হিচাপে নিযুক্তি লাভ কৰিছে। এই আচঁনিৰ সহায়ত সমগ্ৰ কৰ্ণাটকতে কিশোৰী ছোৱালীসকলক ঋতুস্ৰাৱৰ কাপ বিতৰণ কৰা হয়।^১১ বিশেষভাৱে সক্ষম লোকসকলৰ সবলীকৰণৰ বাবে কাম কৰা অলাভজনক সংস্থা সমৰ্থনম্ ট্ৰাষ্ট ফৰ ব্লাইণ্ডৰ উদ্যোগত অনুষ্ঠিত হোৱা ব্লাইণ্ড ক্ৰিকেট ২০২২ৰ তৃতীয় টি-২০ বিশ্বকাপ সংস্কৰণৰ ব্ৰেণ্ড এম্বেছাদৰ হিচাপেও তেওঁক নিযুক্তি দিয়া হয়।^১২১৩

চলচ্চিত্ৰপুঞ্জী

চলচ্চিত্ৰ

• সকলো ছবি কানাড়া ভাষাতেই, অন্যথা উল্লেখ কৰা হৈছে।

বঁটা আৰু মনোনয়ন