কোদুৰী শ্ৰীশৈলা শ্ৰী ৰাজামৌলী

কোদুৰী শ্ৰীশৈলা শ্ৰী ৰাজামৌলী (S. S. Rajamouli, জন্ম: ১০ অক্টোবৰ, ১৯৭৩,^১ পেছাদাৰীভাৱে এছ. এছ. ৰাজামৌলী হিচাপে পৰিচিত) এগৰাকী ভাৰতীয় চলচ্চিত্ৰ পৰিচালক, প্ৰযোজক আৰু চিত্ৰনাট্যকাৰ।^২ তেওঁ বেছিভাগ কৰ্ম তেলুগু ভাষা ভাষাতে কৰিছে আৰু উচ্চ ফেণ্টাছী আৰু পিৰিয়ড ছবি নিৰ্মাণৰ বাবে সততে পৰিচিত। আমেৰিকান ফেণ্টাষ্টিক ফেষ্টত প্ৰদৰ্শিত মাগাধীৰা (২০০৯)ৰ দৰে পিৰিয়ড চলচ্চিত্ৰৰ লগতে তেওঁৰ ইগা (২০১২) চলচ্চিত্ৰই টৰণ্ট’ আফটাৰ ডাৰ্ক ফিল্ম ফেষ্টিভেলত Most Original Film বঁটা লাভ কৰে। বাহুবলী: দ্য বিগিনিং (২০১৫) আমেৰিকান চেটাৰ্ণ এৱাৰ্ড ফোৰ বেষ্ট ফেণ্টাচী ফিল্মলৈ মনোনীত হয়। বাহুবলী: দ্য কনক্লুজন (২০১৭) আমেৰিকান চেটাৰ্ণ এৱাৰ্ড ফোৰ বেষ্ট ফেণ্টাচী ফিল্ম আৰু অষ্ট্ৰেলিয়ান টেলষ্ট্ৰা পিপলচ চইছ এৱাৰ্ড লাভ কৰে।^৩৪৫ বাহুবলী ফ্ৰেঞ্চাইজি মুঠ প্ৰায় লাভ কৰি সৰ্বকালৰ সৰ্বাধিক উপাৰ্জনকাৰী ভাৰতীয় চলচ্চিত্ৰ শৃংখলা হিচাপে পৰিগণিত হয়।^৬৭৮৯

প্ৰাৰম্ভিক জীৱন

১৯৭৩ চনৰ ১০ অক্টোবৰত শ্ৰী ৰাজামৌলীয়ে এটি তেলুগু ভাষা পৰিয়ালত জন্মগ্ৰহণ কৰিছিল৷৷^১০ জন্মস্থান আছিল বৰ্তমান কৰ্ণাটক ৰাজ্যৰ ৰায়চুৰ জিলাৰ মানৱীৰ সমীপৱৰ্তী অমৰেশ্বৰাত৷^১১১ তেখেতৰ পিতৃ ভি. বিজয়েন্দ্ৰ প্ৰসাদ আছিল এগৰাকী চিত্ৰনাট্য-লেখক৷ আনহাতে মাতৃৰ নাম আছিল ৰাজা নন্দিনী৷^১২১৩ তেখেতৰ পৰিয়ালটো অন্ধ্ৰ প্ৰদেশ ৰাজ্যৰ কোৱৰৰ মূল বাসিন্দা আছিল৷^১৪ তেখেতৰ প্ৰাথমিক শিক্ষাগ্ৰহণ কোৱৰত হৈছিল আৰু উচ্চ শিক্ষা তেখেতে ইলুৰুত গ্ৰহণ কৰিছিল৷ ^১৫ ৰাজামৌলী বহুদিনলৈকে বিশাখাপট্টনমত আছিল৷ কাৰণ তেখেতৰ মাক সেইখন ঠাইৰে জীয়ৰী আছিল৷^১৬

কৰ্ম জীৱন

ৰাজামৌলীয়ে কে. ৰাঘৱেন্দ্ৰ ৰাওৰ তত্ত্বাৱধানত ইটিভি ইণ্ডিয়াৰ বাবে তেলেগু ধাৰাবাহিক পৰিচালনা কৰিবলৈ আৰম্ভ কৰিছিল৷ পৰৱৰ্তী সময়ত তেখেতে সান্থী নিৱাসম নামৰ টিভি চিৰিজটো পৰিচালনা কৰে৷ তেখেতৰ দ্বাৰা নিৰ্মিত প্ৰথমখন চলচ্চিত্ৰ আছিল জুনিয়ৰ এনটিআৰৰ সৈতে কৰা ষ্টুডেণ্ট নং ১৷ ইয়াৰ দুটা বছৰৰ পাছত তেখেতে ছিমাহাদ্ৰি নামৰ ছবিখন নিৰ্মাণ কৰে৷^{১৭ ১৮} ৰাজামৌলীৰ তৃতীয়খন ছবি হৈছে ছাই (২০০৪)৷ ছবিখনত জেনেলিয়া ডিছুজা আৰু নিথিনে অভিনয় কৰিছিল৷ ছবিখন ৰাগবি খেলৰ ওপৰত আধাৰিত৷ টলিউডত এনেধৰণৰ ছবি এয়েই প্ৰথম৷^১৯

২০০৬–২০১২

, ননী আৰু ৰাজামৌলী, ২০১২ চনত নিৰ্মিত ইগা নামৰ ছবিখনৰ হিন্দী কথনবিশিষ্ট (ডাবিং) ছবিৰ বিশেষ প্ৰদৰ্শনীৰ মুহূৰ্তত]]

ৰাজামৌলীয়ে ইয়াৰ পিছত নিৰ্মাণ কৰি উলিয়ায় বিক্ৰমাকুড়ু নামৰ ছবিখনত৷ এইখন ছবিত তেখেতে ৰবি তেজাৰ লগত কাম কৰে৷ এই ছবিখন সফল পৰিগণিত হয় আৰু কানাড়া. তামিলকে ধৰি ২০১২ চনত ৰাওদি ৰাথোৰ নামেৰে হিন্দী ভাষাতো নিৰ্মিত হয়৷ ^২০ ৰাজামৌলীৰ পৰৱৰ্তী এখন সফল ছবি হৈছে মাগাধীৰা৷ এইখন ছবিত ৰাম চৰণ তেজা আৰু কাজল আগৰৱালই অভিনয় কৰিছিল৷ এইখন ছবিক তেলেগু উদ্যোগৰ এখন বহুচৰ্চিত আৰু বাণিজ্যিকভাৱে সফল ছবি বুলি অভিহিত কৰা হয়৷ এইখন ছবিৰ বাবে ৰাজামৌলীয়ে শ্ৰেষ্ঠ পৰিচালকৰ নন্দী বঁটা লাভ কৰে৷ আনহাতে শ্ৰেষ্ঠ পৰিচালকৰ ফিল্মফেয়াৰ-তেলেগু বঁটা লাভ কৰে৷ ইয়াৰোপৰি ছবিখনে শ্ৰেষ্ঠ নৃত্য-পৰিচালনাত ৰাষ্ট্ৰীয় বঁটাৰে সন্মানীত হয়৷ ^২১ মাৰয়াড়া ৰামান্না হৈছে ৰাজামৌলীৰ দ্বাৰা নিৰ্মিত এখন একছন কমেডি ছবি (২০১০)৷ ছবিখন পৰৱৰ্তী সময়ত ছন অৱ ছৰ্দাৰ নামেৰে হিন্দী ভাষাত পুনৰ্নিমিত হয়৷ লগতে তামিল, কানাড়া, বাংলা আৰু মালায়লম ভাষাতো নিৰ্মাণ কৰা হয়৷ ^{২২২৩ ২৪} ৰাজামৌলীৰ আন এখন সফল ছবি হৈছে ২০১২ চনত নিৰ্মিত ইগা৷ ^{২৫২৬২৭}

২০১৩-বৰ্তমান

, তামান্না, ৰাজামৌলী, কৰণ জোহৰ, প্ৰভাস, ৰাণা দুগাবট্টি]]

২০১৫ চনত ৰাজামৌলীৰ মহাকাব্যিক একছন ছবি বাহুবলী: দ্য বিগিনিং মুক্তি হয়৷ ছবিখনে আকাশচুম্বী সফলতা লাভ কৰে আৰু সৰ্বাধিক উপাৰ্জনকাৰী ভাৰতীয় ছবিৰ তালিকাৰ শীৰ্ষ পাঁচৰ ভিতৰত স্থান লাভ কৰে৷ ^{২৮২৯৩০৩১} এই ছবিখনৰ নিৰ্মাণক বিষয় হিচাপে সঞ্জীৱ ভাস্কৰৰ তথ্যচিত্ৰ এশ বছৰৰ ভাৰতীয় চিনেমাত উপস্থাপন কৰা হয়৷^{৩২৩৩৩৪}

বাহুবলীৰ দ্বিতীয়টো খণ্ড বাহুবলী ২: দ্য কনক্লুজন-ৰ ব্ৰিটিছ ফিল্ম ইনষ্টিটিউটত প্ৰিমিয়াৰ সম্পন্ন হয়৷ ^৩৩৫ ইয়াৰোপৰি ছবিখনে ৩৯তম মস্কো আন্তৰ্জাতিক চলচ্চিত্ৰ মহোৎসৱতো উদ্বোধনী কথাছবি হিচাপে প্ৰদৰ্শিত হয়৷^{৩৬৩৭১২}

ৰাজামৌলীৰ নিৰ্দেশনাত নিৰ্মিত শেহতীয়া ছবি আৰআৰআৰ' (২০২২) হৈছে ভাৰতীয় স্বাধীনতা-যুঁজাৰু আল্লুৰী সীতাৰামা ৰাজু আৰু কোমাৰাম ভীমৰ জীৱন-কাহিনীৰ ওপৰত আধাৰিত৷ প্ৰায় ৫৫০ কোটি টকাৰ বাজেটেৰ নিৰ্মিত আৰআৰআৰ সৰ্বকালৰ এখন খৰচী ভাৰতীয় ছবি হিচাপে পৰিগণিত হৈছে৷ ছবিখনত জুনিয়ৰ এনটিআৰ, ৰাম চৰণ, আলিয়া ভাট আৰু অজয় দেৱগণে অভিনয় কৰে৷^৩৮ অভিনেতা মহেশ বাবুৰ লগত নিৰ্মাণ কৰিবলৈ ওলোৱা এখন ছবিৰ কাম-কাজ ২০২২ চনতে আৰম্ভ হ'ব৷^৩৯ ৰাজামৌলিয়ে ভৱিষ্যতে ভাৰতীয় মহাকাব্য মহাভাৰতৰ আধাৰত এখন ছবি নিৰ্মাণ কৰাৰ উদ্দেশ্যৰ বিষয়েও ব্যক্ত কৰে।^৪০