প্ৰভাস

ভেংকট সত্যনাৰায়ণ প্ৰভাস ৰাজু উপ্পলপতি (Venkata Satyanarayana Prabhas Raju Uppalapati; জন্ম ২৩ অক্টোবৰ ১৯৭৯), চমুকৈ প্ৰভাস নামেৰে পৰিচিত ভাৰতীয় অভিনেতা গৰাকী তেলেগু, হিন্দী আৰু তামিল ভাষাৰ চলচ্চিত্ৰত অভিনয় কৰে।

প্ৰভাসে ২০০২ চনৰ তেলেগু এক্সন ড্ৰামা ফিল্ম 'ঈশ্বৰ'খনৰ দ্বাৰা চলচ্চিত্ৰ জগতত আত্মপ্ৰকাশ কৰে। তেওঁ 'মিৰ্চি' চলচ্চিত্ৰখনত অভিনয় কৰাৰ ফলত শ্ৰেষ্ঠ অভিনেতাৰ নন্দী বঁটা লাভ কৰিবলৈ সক্ষম হয়।^১ ২০১৪ চনত প্ৰভুদেৱা পৰিচালিত হিন্দী চলচ্চিত্ৰ 'এক্সন জেক্সন'ত তেওঁ গেষ্ট এপিয়াৰেঞ্চ হিচাপে থাকে।^২ 'মাডামে টুচ্চাউদৰ ৱেক্স মিউজিয়াম'ত মমৰ ভাস্কৰ্য ৰখা প্ৰভাস দক্ষিণ ভাৰতৰ প্ৰথম অভিনেতা।^৩

তেওঁৰ কৰ্মৰাজীসমূহৰ ভিতৰত ভাৰশাম (২০০৪), চত্ৰপাতি (২০০৫), চক্ৰম (২০০৫), বিল্লা (২০০৯), ডাৰ্লিং (২০১০), মিঃ পাৰফেক্ট (২০১১), আৰু মিৰ্চি (২০১৩)। কোদুৰী শ্ৰীশৈলা শ্ৰী ৰাজামৌলীৰ ইপিক এক্সন ছবি 'বাহুবলি: দ্য বিগনিং' (২০১৫)-ত প্ৰভাসে বাহুবলিৰ মুখ্য ভূমিকাত অভিনয় কৰে, যিখন আছিল সেই সময়ৰ চতুৰ্থ সৰ্বাধিক আয় কৰা ভাৰতীয় চলচ্চিত্ৰ। তেওঁ অভিনীত 'বাহুবলী: দ্য কনক্লুশ্চন' (২০১৭) ছবিখন আছিল গ্লবেল ভাৰতীয় চলচ্চিত্ৰৰ সৰ্বকালৰ সৰ্বোচ্চ তথা ভাৰতৰ সৰ্বোচ্চ ব্যৱসায়িক সফল ছবি।^{৪৫৬৭৮} যিখনে কেৱল দশ দিনতে সকলো ভাষাত ₹1000 কৌটি ডলাৰ (১৫৫ মিলিয়ন মাৰ্কিন ডলাৰ) উপাৰ্জন কৰিবলৈ সক্ষম হয়।

প্ৰাৰম্ভিক জীৱন

প্ৰভাসৰ পিতৃ আছিল চলচ্চিত্ৰ প্ৰযোজক ইউ সূৰ্যনাৰায়ণ ৰাজু আৰু মাতৃ শিৱ কুমাৰী। তিনিটা সন্তানৰ ভিতৰত প্ৰভাসৰ আছিল কনিষ্ঠ, প্ৰভাসৰ ভায়েকৰ নাম প্ৰবোধ আৰু ভগ্নীৰ নাম প্ৰগতি।^৯১০ তেওঁ তেলেগু চলচ্চিত্ৰৰ অভিনেতা কৃষ্ণম ৰাজুৰ ভতিজা। তেওঁৰ পৰিয়ালটো অন্ধ্ৰপ্ৰদেশৰ পশ্চিম গোদাৱৰী জিলাৰ ভীমাভাৰামৰ ওচৰৰ মোগালথুৰৰ বাসিন্দা।^১১ প্ৰভাসে হায়দৰাবাদৰ নালন্দা মহাবিদ্যালয়ৰ পৰা মাধ্যমিক শিক্ষা সম্পূৰ্ণ কৰিছিল।^১২ তেওঁ বিশাখাপত্তনামৰ সত্যানন্দ চলচ্চিত্ৰ প্ৰতিষ্ঠানৰ প্ৰাক্তন ছাত্ৰ।^১৩

ফিল্ম’গ্ৰাফী

বঁটা আৰু মনোনয়ন