ঋতুপৰ্ণ ঘোষ

ঋতুপৰ্ণ ঘোষ (Rituparno Ghosh; ৩১ আগষ্ট ১৯৬৩ – ৩০ মে' ২০১৩) আছিল ভাৰতৰ এক চলচ্চিত্ৰ পৰিচালক, অভিনেতা, লেখক আৰু গীতিকাৰ।^১ ঋতুপূৰ্ণ ঘোষৰ জন্ম হয় ৩১ আগষ্ট ১৯৬৩ চনত কলিকতাত। ১২খন ৰাষ্ট্ৰীয় চলচ্চিত্ৰ বঁটাৰ লগতে বহুত আন্তঃৰাষ্ট্ৰীয় পুৰস্কাৰ অৰ্জন কৰা ঋতুপৰ্ণ ঘোষৰ জীৱন ইমান সহজ নাছিল। ঊনিশে এপ্ৰিল, হিৰেৰ আংটি, দহন, অন্তহীন অপেক্ষা ইত্যাদি ঋতুপৰ্ণ ঘোষে পৰিচালনা কৰা বোলছবিৰ ভিতৰত অন্যতম। যাদবপুৰ বিশ্ববিদ্যালয়ৰ পৰা অৰ্থনীতি বিষয়ত স্নাতক ডিগ্ৰী লাভ কৰি বিজ্ঞাপন কোম্পানীৰ ক্ৰিয়েটিভ্ আৰ্টিষ্ট হিচাপত কৰ্মজীৱনৰ আৰম্ভণি কৰে। তেওঁৰ প্ৰথম ছবি 'ঊনিশে এপ্ৰিল' ১৯৯৪ চনত মুক্তি লাভ কৰে। তেওঁৰ ছবিৰ বিষয়বস্তু আছিল বৈধব্য, লৈঙ্গিক অসমতা আৰু অবিচাৰ, বৈকল্পিক যৌন আকাংক্ষা আদি। তেওঁৰ বোলছবি 'চিত্ৰাঙ্গদা: দ্য ক্ৰাউনিং উইছ'-ক আংশিকৰূপত তেওঁৰ আত্মজীৱনী বুলি কোৱা হয়।^২৩ ঋতুপৰ্ণ ঘোষৰ ৩০ মে' ২০১৩ তাৰিখে দেহাৱসান ঘটে।^৪

ব্যক্তিগত জীৱন

১৯৬৩ চনৰ ৩১ আগষ্টত ঋতুপৰ্ণ ঘোষৰ জন্ম হয়। তেওঁৰ মাক-দেউতাক উভয়ে চলচ্চিত্ৰ জগতেৰ সৈতে জড়িত আছিল। দেউতাক সুনীল ঘোষ এজন তথ্যচিত্ৰ নিৰ্মাতা তথা চিত্ৰকৰ আছিল।^৫ তেওঁ চাউথ পইণ্ট হাইস্কুলৰ ছাত্ৰ আছিল। যাদৱপুৰ বিশ্ববিদ্যালয়ৰ পৰা তেওঁ অৰ্থনীতিৰ স্নাতক উপাধি লৈছিল।^৬ সেই একে বিশ্ববিদ্যালয়ৰ পৰা তেওঁ একে বিষয়ত স্নাতকোত্তৰ উপাধি লৈছিল।^৭

ঘোষ আছিল ভাৰতৰ এলজিবিটি সমাজৰ এক বিশিষ্ট ব্যক্তিত্ব। জীৱনৰ শেষ সময়খিনিত তেওঁ ৰূপান্তৰকামী জীৱনযাত্ৰাৰ বিষয়ে নানা পৰীক্ষা-নিৰিক্ষা কৰিছিল। তেওঁ নিজৰ সমকামী সত্তাটোক মুকলিভাবে স্বীকাৰ কৰিছিল, যিটো ভাৰতীয় চলচ্চিত্ৰ জগতত তেনেই বিৰল নিদৰ্শন।^৮৯১০

চলচ্চিত্ৰপঞ্জী