চিকিৎসা বিজ্ঞানৰ ন'বেল বঁটা বিজয়ী
২২ প্ৰবন্ধ
-
আলেকজেণ্ডাৰ ফ্লেমিং
ছাৰ আলেকজেণ্ডাৰ ফ্লেমিং (৬ আগষ্ট ১৮৮১ – ১১ মাৰ্চ ১৯৫৫) এজন স্কটিছ চিকিৎসক আৰু অনুজীৱ বিজ্ঞানী আছিল। তেওঁ ১৯২৮ চনত পৃথিৱীৰ প্ৰথমটো প্ৰতিজৈৱিক পদাৰ্থ বা এণ্টিবায়'টিকৰ আৱিষ্কাৰৰ বাবে বিখ্যাত। ইয়াক তেওঁ পেনিচিলিন নাম দিছিল আৰু পাছলৈ বেন্জাইল পেনিচিলিন (বা পেনিচিলিন জি) নাম দিয়া হয়।
-
উইলিয়াম কেলিন জুনিয়ৰ
উইলিয়াম বিল জি. কেলিন জুনিয়ৰ (জন্ম: ২৩ নৱেম্বৰ ১৯৫৭) হাৰ্ভাড বিশ্ববিদ্যালয় আৰু ডানা ফাৰ্বাৰ কেঞ্চাৰ ইনষ্টিটিউটত মেডিচিন বিভাগৰ অধ্যাপক। তেওঁৰ পৰীক্ষাগাৰত টিউমাৰ ছাপ্ৰেছৰ প্ৰটিনৰ ওপৰত গৱেষণা কৰিছিল।
-
গ্ৰেগ লিয়নাৰ্ড চেমেনজা
গ্ৰেগ লিয়নাৰ্ড চেমেনজা (জন্ম: ১২ জুলাই ১৯৫৬) জনছ হপকিন্স স্কুল অফ মেডিচিনত শিশু চিকিৎসা, ৰেডিয়েছন অংক'লজি, জীৱবৈজ্ঞানীক ৰসায়ন, কৰ্কট ৰোগৰ অধ্যাপক। তেওঁ কোষ অভিযান্ত্ৰিক প্ৰতিষ্ঠানত ভাছকুলাৰ প্ৰগ্ৰেমৰ নিৰ্দেশক হিচাপে সেৱা আগবঢ়ায়ছিল।
-
টাচুকু হঞ্জ'
টাচুকু হঞ্জ' Tasuku Honjo এজন জাপানীজ ৰোগ প্ৰতিৰোধ বিজ্ঞানী। তেওঁ বিশেষকৈ প্ৰগ্ৰেমড চেল ডেদ প্ৰটিন ১ আৱিষ্কাৰৰ বাবে বিখ্যাত। তেওঁ লগতে চাইট'কাইনিছৰ আণৱিক চিনাক্তকৰণ অৰ্থাৎ ইণ্টাৰলিউকিন ৪ আৰু ইণ্টাৰলিউকিন ৫, আৰু এক্টিভেচন ইনডিউছদ চাইটিদিন ডেমিনেছৰ আৱিষ্কাৰক হিচাপে জনাজাত।
-
হাৰ্ভি জে. অল্টাৰ
হাৰ্ভি জেমছ অল্টাৰ (Harvey James Alter; জন্ম: ১২ ছেপ্টেম্বৰ ১৯৩৫) এগৰাকী আমেৰিকান চিকিৎসা গৱেষক, ভাইৰাছবিদ আৰু চিকিৎসক। তেওঁক হেপাটাইটিছ চি ভাইৰাছৰ আৱিষ্কাৰৰ বাবে বিশেষভাবে জনা যায়।
-
ইভান পাভলভ
ইভান পেট্ৰভিচ পাভলভ (ৰাছিয়ান: Иван Петрович Павлов; ২৬ ছেপ্টেম্বৰ [অ.এছ. ১৪ ছেপ্টেম্বৰ] ১৮৪৯ – ২৭ ফেব্ৰুৱাৰী ১৯৩৬) আছিল এজন ৰাছিয়ান আৰু ছোভিয়েট পৰীক্ষামূলক স্নায়ুবিজ্ঞানী আৰু শৰীৰতত্ত্ববিদ, যি কুকুৰৰ ওপৰত কৰা পৰীক্ষাৰ জৰিয়তে ধ্ৰুপদী অনুবন্ধনৰ আৱিষ্কাৰৰ বাবে পৰিচিত।
-
চাৰ্লছ এম. ৰাইচ
চাৰ্লছ এম. ৰাইচ (Charles Moen Rice)(জন্ম: ২৫ আগষ্ট ১৯৫২) এগৰাকী আমেৰিকান ভাইৰাছবিদ আৰু চিকিৎসা বিজ্ঞানৰ নোবেল বঁটা বিজয়ী বিজ্ঞানী। তেওঁৰ গৱেষণাৰ মুখ্য ক্ষেত্ৰ হৈছে হেপাটাইটিছ চি ভাইৰাছ। তেওঁ ৰকফেলাৰ বিশ্ববিদ্যালয়ৰ ভাইৰ'লজীৰ বিষয়ৰ অধ্যাপক।
-
জেমছ পি. এলিচন
জেমছ পি. এলিচন (James P. Allison; জন্ম: ৭ আগষ্ট ১৯৪৮) এজন আমেৰিকান ৰোগ প্ৰতিৰোধ বিজ্ঞানী। তেওঁ বৰ্তমান এম. ডি. এণ্ডাৰচন কেঞ্চাৰ চেণ্টাৰৰ ৰোগ প্ৰতিৰোধ বিজ্ঞান আসনৰ অধ্যাপক আৰু ৰোগ প্ৰতিৰোধ থেৰাপি চিকিৎসাৰ সঞ্চালক। তেওঁৰ আবিষ্কাৰ সমূহে কৰ্কট ৰোগৰ নতুন চিকিৎসা পদ্ধতিৰ নতুন দিশ সূচনা কৰিছে।
-
ডেভিদ জুলিয়াছ
ডেভিদ জুলিয়াছ (David Julius, জন্ম: ৪ নৱেম্বৰ, ১৯৫৫) এজন আমেৰিকান শৰীৰতত্ত্ববিদ। তেওঁ বিষ সংবেদন আৰু তাপৰ আণৱিক প্ৰণালীৰ ওপৰত তেওঁৰ গৱেষণাৰ বাবে জনাজাত। টিআৰপিভি১ আৰু টিআৰপিএম৮ ৰিচেপ্টৰৰ চিনাক্ত কৰিছিল। এই ৰিচেপ্টৰে কেপচাইচিন, মেন্থল আৰু উষ্ণতা চিনাক্ত কৰে।
-
পিটাৰ জন ৰেটক্লিফ
ছাৰ পিটাৰ জন ৰেটক্লিফ (জন্ম: ১৪ মে' ১৯৫৪) এগৰাকী ব্ৰিটিছ চিকিৎসক আৰু কোষ আণৱিক জীৱবিজ্ঞানী। বৰ্তমান তেওঁ অক্সফোৰ্ডৰ জন ৰেডক্লিফ হস্পিটেলত চিকিৎসক হিচাপে কৰ্মৰত। তেওঁ ২০০৪ চনৰ পৰা ২০১৬ চনলৈ অক্সফোৰ্ড বিশ্ববিদ্যালয়ৰ ক্লিনিকেল মেডিচিন বিভাগৰ অধ্যাপক আৰু মুৰব্বী আছিল।
-
ফ্ৰেড ৰামছ্ডেল
ফ্ৰেডেৰিক জে "ফ্ৰেড" ৰামছ্ডেল (Frederick J. "Fred" Ramsdell, জন্ম:৪ ডিচেম্বৰ, ১৯৬০, আমহাৰ্ষ্ট, ইলিনয়) এজন আমেৰিকান ৰোগপ্ৰতিৰোধবিদ আৰু ছান ফ্ৰান্সিস্কোৰ পাৰ্কাৰ ইনষ্টিটিউট ফৰ কেন্সাৰ ইমিউন'থেৰাপিৰ গৱেষণা সঞ্চালক।
-
মাইকেল ডব্লিউ. ইয়ং
মাইকেল ৱাৰেন ইয়ং (Michael Warren Young; জন্ম: ২৮ মাৰ্চ ১৯৪৯) এজন আমেৰিকান ক্ৰন'বায়লজীষ্ট আৰু বংশগতি বিজ্ঞানী। তেওঁ প্ৰায় তিনি দশক জুৰি জেনেটিকেলি নিয়ন্ত্ৰিত নিদ্ৰাৰ পেটাৰ্ণ আৰু Drosophila melanogaster (ফ্ৰুট ফ্লাই) ৰ অনিদ্ৰাৰ ওপৰত গৱেষণা কৰিছিল।
-
মাইকেল হাউটন
মাইকেল হাউটন (Michael Houghton)(জন্ম ১৯৪৯) এগৰাকী ব্ৰিটিছ-কানাডীয়ান অণুজীৱবিদ আৰু ভাইৰাছবিদ। তেওঁ কিউ লিম চু, জৰ্জ কুও আৰু ডেনিয়েল ডব্লিউ. ব্ৰডলেৰ সৈতে ১৯৮৯ চনত হেপাটাইটিছ চিৰ আৱিষ্কাৰ কৰিছিল। তেওঁ ১৯৮৬ চনত হেপাটাইটিছ ডিৰ জিনম সহ-আবিষ্কাৰ কৰিছিল।
-
মেৰী ই ব্ৰুংকো
মেৰী ই ব্ৰুংক (Mary E. Brunkow (জন্ম ১৯৬১) এগৰাকী আমেৰিকান আণৱিক জীৱবিজ্ঞানী আৰু ৰোগপ্ৰতিৰোধ বিজ্ঞানী৷ পৰৱৰ্তী সময়ত তেওঁ FOXP3 নামেৰে নামাকৰণ কৰা জিনটোক স্কাৰ্ফি মাউছ ফেন'টাইপৰ কাৰণ হিচাপে সহ-চিনাক্ত কৰাৰ বাবে স্বীকৃতি লাভ কৰে, যিটো তথ্য আধুনিক নিয়ন্ত্ৰণকাৰী টি কোষ জীৱবিজ্ঞানৰ বাবে আধাৰ হৈ পৰিছিল।
-
শ্বিমন ছাকাগুচি
শ্বিমন ছাকাগুচি (Shimon Sakaguchi; জন্ম: ১৯ জানুৱাৰী, ১৯৫১) এজন ৰোগপ্ৰতিৰোধ বিজ্ঞানী আৰু ওছাকা বিশ্ববিদ্যালয়ৰ বিশিষ্ট অধ্যাপক। নিয়ন্ত্ৰক টি কোষৰ আৱিষ্কাৰ আৰু ৰোগ প্ৰতিৰোধ ক্ষমতাত ইয়াৰ ভূমিকা বৰ্ণনা কৰাৰ বাবে তেওঁ অধিক পৰিচিত। এই আৱিষ্কাৰ কৰ্কট আৰু স্ব-প্ৰতিৰোধী ৰোগৰ চিকিৎসাত ব্যৱহাৰ কৰা হয়।
-
আৰ্ডেম পাটাপুটিয়ান
আৰ্ডেম পাটাপুটিয়ান (Ardem Patapoutian, জন্ম ১৯৬৭) এজন আৰ্মেনিয়ান-আমেৰিকান আণৱিক জীৱবিজ্ঞানী, স্নায়ুবিজ্ঞানী আৰু ন'বেল বঁটা বিজয়ী। তেওঁ চাপ, মেন্থল আৰু উষ্ণতা চিনাক্ত কৰা পিআইইজেডঅ'১, পিআইইজেডঅ'২, আৰু টিআৰপিএম৮ ৰিচেপ্টৰৰ বিশেষত্ব চিহ্নিত কৰাৰ বাবে জনাজাত।
-
কাটালিন কাৰিক'
কাটালিন কাৰিক (Karikó Katalin, উচ্চাৰণ-kɒrikoː kɒtɒlin; জন্ম ১৭ জানুৱাৰী ১৯৫৫) এগৰাকী হাংগেৰীয়ান-আমেৰিকান জৈৱ-ৰসায়নবিদ। তেওঁ ৰাইব'নিউক্লিক এচিড (RNA) মাধ্যমৰ প্ৰণালী বিশেষকৈ ইন্ ভিত্ৰ' পদ্ধতিৰে ট্ৰেন্সক্ৰাইব কৰা বাৰ্তাবহক আৰ এন এ (messenger RNA) যোগেৰে প্ৰ'টিন প্ৰতিস্থাপন চিকিৎসাত গৱেষণা কৰে।
-
ড্ৰু ৱাইছ্মেন
ড্ৰু ৱাইছ্মেন (Drew Weissman; জন্ম: ৭ ছেপ্টেম্বৰ, ১৯৫৯) এজন আমেৰিকান চিকিৎসক-বিজ্ঞানী আৰু নোবেল বঁটা বিজয়ী। তেওঁ আৰএনএ (RNA) জীৱবিজ্ঞানৰ অৱদানৰ বাবে বিশেষভাৱে জনাজাত। তেওঁৰ আৰএনএ সম্পৰ্কীয় গৱেষণায়াই mRNA প্ৰতিষেধক প্ৰস্তুত কৰাত সহায় কৰিছে।
-
তু ইউইউ
তু ইউইউ (; জন্মঃ ৩০ ডিচেম্বৰ ১৯৩০) এগৰাকী চীনা চিকিৎসা বিজ্ঞানী, চিকিৎসা ৰসায়নবিদ আৰু প্ৰশিক্ষক। তেওঁ আৰ্টেমীচিনিন( Artemisinin বা Qinghaosu) আৰু ডাইহাইড্ৰআৰ্টেমীচিনিন (Dihydroartemisinin) আৱিষ্কাৰৰ বাবে আটাইতকৈ বেছি জনপ্ৰিয়।
-
ন'বেল বঁটা বিজয়ী (শৰীৰবিজ্ঞান বা ঔষধ)
ন'বেল বঁটা বছৰি প্ৰদান কৰা এটা অতি সন্মানীয় পুৰস্কাৰ। স্কাণ্ডিনেভিয়ান সমিতিয়ে এই বঁটা কলা আৰু বিজ্ঞানৰ কেইটামান শাখাত আগবঢ়োৱা অতি বিশেষ অৱদানৰ বাবে প্ৰদান কৰে। ডাইনামাইটৰ আৱিষ্কাৰক ছুইডেনৰ আলফ্ৰেড ন'বেল-ৰ ইচ্ছাপত্ৰ অনুসৰি ১৮৯৫ চনত এই বঁটা স্থাপন কৰা হয়। ১৯০১ চনত প্ৰথমে এই বঁটা প্ৰদান কৰা হৈছিল।
-
ভিক্টৰ এম্ব্ৰ'ছ
ভিক্টৰ আৰ. এম্ব্ৰ'ছ (Victor R. Ambros, জন্ম: ১ ডিচেম্বৰ, ১৯৫৩) এগৰাকী আমেৰিকান বিকাশমূলক জীৱবিজ্ঞানী আৰু নোবেল বঁটা বিজয়ী। তেওঁ প্ৰথম জ্ঞাত মাইক্ৰ'আৰ. এন. এ. (miRNA) আৱিষ্কাৰ কৰিছিল। বৰ্তমান তেওঁ ইউনিভাৰ্চিটি অৱ মেছাচুচেটছ মেডিকেল স্কুলৰ অধ্যাপক।
-
য়শ্বিনৰী অহচুমি
য়শ্বিনৰী অহচুমি (Yoshinori Ohsumi; 大隅 良典; জন্ম: ৯ ফেব্ৰুৱাৰী, ১৯৪৫) এজন জাপানী কোষ জীৱবিজ্ঞানী আৰু অট'ফেগী বিশেষজ্ঞ। অট'ফেগী (autophagy) মানে শৰীৰৰ কোষসমূহ নিজে নিজে ধংস হোৱা প্ৰৱণতা। তেওঁ জাপানৰ বিখ্যাত গৱেষণা প্ৰতিষ্ঠান টকিঅ' প্ৰযুক্তিবিদ্যা প্ৰতিষ্ঠানৰ অধ্যাপক।
