হেলচী

হেলচী (Helancha) (বৈজ্ঞানীক নাম: Enhydra fluctuans)^১ সামান্য দ, জীপাল ঠাইত হোৱা জলজ উদ্ভিদ। গা-গছৰ ভিতৰখন ধানখেৰৰ দৰে ফোঁপোলা। পাতৰ আকাৰ মাটিকাঁদুৰিতকৈ ডাঙৰ আৰু কোমল। ফুলৰ গঠন থুপি থুপি হয়। ই এবিধ উৎকৃষ্ট শাক। ইয়াৰ কেইবাবিধো ঔষধীয় গুণ আছে।

আবাস

হেলচী গছ ক্ৰান্তীয় অঞ্চলৰ (tropical) দ, জেকা স্থান, সাধাৰণতে নৈ, ডোবা, পুকুৰী আদিৰ ওচৰে পাজৰে পোৱা যায়। ইয়াৰ মূল বাসস্থান ভাৰত, ব্ৰাজিল, বাংলাদেশ, ম্যানমাৰ, শ্ৰীলংকা, দক্ষিণ পূৱ এচিয়াৰ দেশসমূহ আদি। ইয়াৰ উপৰিয়ো সমতুল্য জলবায়ুগ্ৰস্ত কিছোমান দেশতো ইয়াক গজোৱা হয়।^২

উপাদান

হেলচীত শতকৰা ২.৯ ভাগ প্ৰটিন, ০.২ ভাগ চৰ্বি, ৫.৫ ভাগ শৰ্কৰা আৰু ২.২ ভাগ লৱণ আছে।^১

ঔষধীয় গুণ

হেলচী শাক খালে শৌচ খোলোচা কৰে। নিয়মীয়াকৈ খালে এইবিধ শাকে হাঁওফাঁও আৰু স্নায়ু তন্ত্ৰৰ শক্তি আৰু ছালৰ শোভা বৰ্ধন কৰে।^১