হাৰুৱা কপৌ

হাৰুৱা কপৌ (Red Turtle Dove or Red Collared Dove, বৈজ্ঞানিক নাম: Streptopelia tranquebarica), কপৌ গোত্ৰৰ অন্তৰ্ভুক্ত এবিধ থলুৱা চৰাইৰ প্ৰজাতি।

বিৱৰণ

হাৰুৱা কপৌৰ দেহটো শকত, নেজ চুটি। মতা কপৌৰ ঠোঁট ক'লা, মূৰ মুগা বৰণৰ আৰু ডিঙিৰ পিছফালে কলাৰৰ দৰে এটা গাঢ় আঁচ থাকে। মাইকী হাৰুৱা কপৌৰ ৰঙ পাতল মটীয়া (dull brown) ধৰণৰ হয়।^১

বিতৰণ

হাৰুৱা কপৌ ঘাইকৈ ভাৰত উপমহাদেশ, টাইৱান আৰু ফিলিপাইন আদিত বিস্তৃত হৈ আছে।^১

টেক্স'নমি

বৰ্তমানলৈকে হাৰুৱা কপৌৰ দুবিধ উপ-প্ৰজাতি চিনাক্ত কৰা হৈছে-^২

• tranquebarica (Hermann, 1804) – পঞ্জাব, ভাৰত, বিহাৰ, পশ্চিমবংগৰ পৰা নেপাললৈকে বিস্তৃত।
• humilis (Temminck, 1824) – উত্তৰ-পূব তীব্বত, ছিক্কিম, অসম, আন্দামান, থাইলেণ্ড, ইণ্ডোনেছিয়া, উত্তৰ চীন, টাইৱান তথা ফিলিপাইন ত দেখা যায়।

বসতিস্থান

হাৰুৱা কপৌ সাধাৰণতে সাগৰ পৃষ্ঠৰ পৰা কম উচ্চতাৰ বনাঞ্চল, খেতি-পথাৰ আৰু মানুহৰ বসতিস্থানৰ ওচৰে পাজৰে দেখা যায়^১।

খাদ্য

হাৰুৱা কপৌৱে ঘাইকৈ বিভিন্ন গুটি খাই জীয়াই থাকে।^১

প্ৰজনন

এপ্ৰিলৰ পৰা জুলাই মাহৰ ভিতৰত হাৰুৱা কপৌৰ প্ৰজনন হয়। ইহঁতে গছৰ ডালত বাহ সাজে। এবাৰত সাধাৰণতে দুটাকৈ পোৱালি হয়।^১