ইটাগুৰীয়া হাইঠা

ইটাগুৰীয়া হাইঠা (Pompadour Green Pigeon, বৈজ্ঞানিক নাম-Treron sp.) 'Treron' গোত্ৰৰ অন্তৰ্ভুক্ত এবিধ মজলীয়া আকাৰৰ চৰাইৰ প্ৰজাতি (জীৱবিদ্যা)৷ ই দক্ষিণ তথা দক্ষিণ-পূব এছিয়াত বহুলভাৱে বিস্তৃত হৈ আছে৷

বিৱৰণ

ইটাগুৰীয়া হাইঠাৰ দেহটো থোপোকা (stocky) আৰু দেখাত পাৰ চৰাইৰ দৰে৷ ইয়াৰ দেহৰ দৈৰ্ঘ্য প্ৰায় ২৫-২৮ ছে:মি: হয়৷^১ ইয়াৰ মূৰটো সেউজীয়া বা সেউজ-হালধীয়া ধৰণৰ, তলৰ অংশ সেউজীয়া৷ ইয়াৰ মূৰৰ ওপৰৰ অংশ মটীয়া হোৱা দেখা যায়৷ ^১ ইটাগুৰীয়া হাইঠাৰ ডেউকা দুখন শেঁতা বগা বা হালধীয়া ধৰণৰ৷^২

টেক্স'নমি

ইটাগুৰীয়া হাইঠাৰ ছবিধ উপ-প্ৰজাতি বৰ্তমানলৈকে চিনাক্ত হৈছে৷ এইবোৰ হ'ল^৩১

• শ্ৰীলংকাৰ ইটাগুৰীয়া হাইঠা (Treron pompadora)-শ্ৰীলংকা
• 'Grey-fronted Green Pigeon' (Treron affinis)- দক্ষিণ ভাৰত
• আন্দামানৰ ইটাগুৰীয়া হাইঠা (Treron chloropterus) আন্দামান আৰু নিকোবৰ দ্বীপপূঞ্জ
• 'Ashy-headed Green Pigeon' (Treron phayrei) -উত্তৰ ভাৰত, নেপাল, চীন আৰু ইণ্ডোনেছিয়া
• 'Philippine Green Pigeon' (Treron axillaris) -ফিলিপাইন
• 'Buru Green Pigeon' (Treron aromaticus)-ইণ্ডোনেছিয়া

বিতৰণ

ইটাগুৰীয়া হাইঠা দক্ষিণ এছিয়াৰ ভাৱত, শ্ৰীলংকাৰ পৰা ফিলিপাইন]লৈকে বহুলভাৱে বিস্তৃত হৈ আছে৷ ভাৰতত ইয়াক প্ৰধানকৈ দাক্ষিণাত্য (Western Ghats) আৰু উত্তৰ-পূব ভাৰত তথা আন্দামান আৰু নিকোবৰ দ্বীপপূঞ্জত দেখা পোৱা যায়৷

আচৰণ

ইটাগুৰীয়া হাইঠা সাধাৰণতে যুৰীয়াকৈ বা অকলশৰে থকা দেখা যায়৷ ই খৰকৈ আৰু পোনে পোনে উৰিব পাৰে৷

খাদ্য

ইটাগুৰীয়া হাইঠাই ফল-মূল আৰু বিভিন্ন উদ্ভিদ আদি খাই জীয়াই থাকে৷

প্ৰজনন

ইহঁতে গছৰ ডালত বাহ সাজে৷ এবাৰত দুটাকৈ বগা কণী পাৰে৷

তথ্যসূত্ৰ

• Grimmett, R.; Inskipp, C.; and Inskipp, T. (1999). Birds of India. ISBN 0-691-04910-6
• Collar, N.J. 2011. Species limits in some Philippine birds including the Greater Flameback Chrysocolaptes lucidus. Forktail number 27: 29-38.
• Rasmussen, P.C., and J.C. Anderton. 2005. Birds of South Asia: the Ripley guide. Lynx Edicions and Smithsonian Institution.