হালখাতা

হালখাতা হৈছে বঙালী ভাষা ব্যৱসায়ী, দোকানদাৰ আৰু ব্যৱসায়ীকসকলে পইলা বৈশাখ, অৰ্থাৎ প্ৰথম ব’হাগত উদ্‌যাপন কৰা এক পৰম্পৰাগত উৎসৱ। এই দিনা নতুন হিচাপ বহী আৰম্ভ কৰা হয়।^১

ইতিহাস

মুঘল সম্ৰাট আকবৰে ১৫৮৪ চনত পুৰণি সৌৰ বঙালী পঞ্জিকাৰ আধাৰত এটা নতুন কেলেণ্ডাৰ প্ৰচলন কৰে, যাতে কৰ আদায় সহজ হয়। মুঘল শাসনকালত "হালখাতা মহুৰত" ব্যৱহাৰ কৰি কৰ সংগ্ৰহ কৰা হৈছিল আৰু এই পৰম্পৰাৰপৰাই হালখাতা উৎসৱৰ উৎপত্তি হৈছে বুলি বিশ্বাস কৰা হয়।^২

হালখাতা হৈছে প্ৰায় ৪৩০ বছৰৰো অধিক পুৰণি এক বঙালী পৰম্পৰা। "হাল" শব্দৰ অৰ্থ হ’ল নবীকৰণ বা আপডেট কৰা আৰু "খাতা" মানে হৈছে হিচাপৰ বহী।^২

উদ্‌যাপন

বঙালী নতুন বছৰৰ প্ৰথম দিনা ব্যৱসায়ীসকলে পুৰণি হিচাপৰ বহী বন্ধ কৰি নতুন বছৰৰ বাবে এখন নতুন বহী আৰম্ভ কৰে।^৩৪

গ্ৰাহকসকলক পুৰণি হিচাপ নিষ্পত্তি কৰি নতুনকৈ আৰম্ভ কৰিবলৈ আমন্ত্ৰণ জনোৱা হয়।^৫

এই দিনা মুছলমান ব্যৱসায়ীসকলে নতুন খাতাত 'বিছমিল্লাহ' বা 'ইলাহী ভৰসা' লিখি নতুনকৈ ব্যৱসায় আৰম্ভ কৰে আৰু ইয়াক হালখাতা দাৱাতৰ জৰিয়তে উদ্‌যাপন কৰে।^৬

হিন্দু ব্যৱসায়ী আৰু দোকানদাৰসকলে বিশেষ পূজাৰ আয়োজন কৰে।^৭

গ্ৰাহকৰ সৈতে সম্পৰ্ক উন্নত কৰাৰ উদ্দেশ্যে ব্যৱসায়ীসকলে মিঠাই, জলপান বা উপহাৰ প্ৰদান কৰে।^৮

এই উৎসৱ বাংলাদেশ আৰু ভাৰতৰ পশ্চিমবংগ, বৰাক উপত্যকা (অসম) আৰু ত্ৰিপুৰাত উদ্‌যাপন কৰা হয়।^৮ বিশ্বাস কৰা হয় যে হালখাতাই ব্যৱসায়ত সৌভাগ্য আৰু সমৃদ্ধি কঢ়িয়াই আনে।^৯