মাল্গাডি শুভ

মাল্গাডি শুভ (জন্ম ১৭ অক্টোবৰ ১৯৬৫; মালগুডি শুভ নামেৰেও পৰিচিত) এগৰাকী ভাৰতীয় প্লেবেক গায়িকা। তেওঁ কন্নড় ভাষা, তামিল ভাষা, তেলুগু ভাষা, মালয়ালম ভাষা আৰু হিন্দী ভাষা ভাষাত গীত ৰেকৰ্ড কৰিছে।^১ দুটা দশক ধৰি চলি অহা তেওঁৰ সংগীত যাত্ৰাত, তেওঁ ৩০০০তকৈ অধিক গীত গাইছে।^২৩ সংগীতৰ উপৰিও তেওঁ আচ্চাম মেডাম নানাম পাইৰপ্পু নামৰ তামিল চলচ্চিত্ৰত অভিনয়ো কৰিছিল।

তেওঁ তেওঁৰ সংগীত যাত্ৰা বিজ্ঞাপন জিংগেলৰ কণ্ঠদানৰ জৰিয়তে আৰম্ভ কৰিছিল, যিবোৰ এ. আৰ. ৰহমান আৰু বিজি ম্যানুৱেলৰ দৰে সুৰকাৰসকলে ৰচনা কৰিছিল।^২ তেওঁ প্ৰথমবাৰৰ বাবে নাডোডি থেণ্ড্ৰাল চলচ্চিত্ৰত প্লেবেক গায়িকা হিচাপে আত্মপ্ৰকাশ কৰিছিল, য’ত ইলাইয়াৰাজাই সংগীত পৰিচালনা কৰিছিল।^২ বিশিষ্ট ভাৰতীয় সংগীত পৰিচালক এ. আৰ. ৰহমানৰ প্ৰথম এলবাম Set Me Free (Shubhaa Set Me Free)-ৰ সকলো গীত শুভই গাইছিল।^৪ ১৯৮৯ চনত মুক্তি লাভ কৰা এলবামটো তেতিয়ালৈ বিশেষ সফলতা লাভ নকৰিলেও, ১৯৯৬ চনত Magnasound লেবেলে পুনৰ মুক্তি দিয়া পিছত ভাল বিক্ৰী হৈছিল।^৪ তেওঁ ১৯৯৮ চনৰ মণি ৰত্নম পৰিচালিত উয়িৰে চলচ্চিত্ৰত এ. আৰ. ৰহমানে সুৰ দিয়া "থাইয়া থাইয়া" গীতটো গাইছিল।

তেওঁৰ প্ৰথম সফল তেলুগু ভাষা সংগীত এলবাম চিকপাক চিকভুম, যিটো চেন্নাইত মুক্তি লাভ কৰিছিল আৰু ১০ লাখ কপি বিক্ৰী হৈছিল।^৫ এই এলবামৰ সংগীত ৰাজ-কোটি জোড়ীয়ে ৰচনা কৰিছিল, য’ত এ. আৰ. ৰহমানে সহায় কৰিছিল।

তেওঁ মালয়ালম ভাষা ভাষাৰ সংগীত প্ৰতিযোগিতা আইডিয়া ষ্টাৰ ছিংগাৰত ন্যায়াধীশ (জাজ) হিচাপে উপস্থিত হৈছিল। লগতে, তেওঁ ষ্টাৰ ছিংগাৰ ২ (কন্নড় ভাষা)-ৰ ন্যায়াধীশ আছিল, যিটো এছিয়ানেট সুৱৰ্ণত সোমবাৰৰ পৰা শুক্ৰবাৰলৈ সন্ধিয়া ৭-৮ বজাত সম্প্ৰচাৰিত হৈছিল। তদুপৰি, তেওঁ তামিল সংগীত প্ৰতিযোগিতা ছুপাৰ ছিংগাৰত ন্যায়াধীশ হিচাপে অংশ লৈছিল, যিটো ষ্টাৰ বিজয়ত সম্প্ৰচাৰিত হৈছিল।

দক্ষিণ ভাৰতীয় অভিনেত্ৰী প্ৰিয়মনি তেওঁৰ ভাতিজী, আৰু হিন্দী অভিনেত্ৰী বিদ্যা বালান তেওঁৰ আত্মীয়।^৬