ভদ্ৰেশ্বৰ ৰাজখোৱা

ভদ্ৰেশ্বৰ ৰাজখোৱা (Bhadreswar Rajkhowa) অসমীয়া সাহিত্যৰ ৰামধেনু যুগৰ পৰাই সাহিত্য ৰচনা কৰা এগৰাকী সাহিত্যিক আৰু সমাজকৰ্মী আছিল।

জন্ম আৰু পৰিয়াল

অসমৰ নগাঁও জিলাৰ খুটিকটীয়াত ১৯৪৩ চনৰ ১ মাৰ্চত ভদ্ৰেশ্বৰ ৰাজখোৱাৰ জন্ম হয়। পিতৃৰ নাম পূৰ্ণকান্ত ৰাজখোৱা আৰু মাতৃৰ নাম ঘুনুচা ৰাজখোৱা। তেওঁৰ পত্নী ৰেণুপ্ৰভা মহন্ত, পুত্ৰ বিনিময় ৰাজখোৱা আৰু কন্যা কাজৰি ৰাজখোৱা।^১২

শিক্ষা

ৰাজখোৱাই নগাঁও চৰকাৰী বালক বিদ্যালয়ৰ পৰা হাইস্কুলীয়া শিক্ষা গ্ৰহণ কৰে। কটন কলেজৰ পৰা স্নাতক আৰু গুৱাহাটী বিশ্ববিদ্যালয়ৰ পৰা অসমীয়া বিষয়ত স্নাতকোত্তৰ ডিগ্ৰী লাভ কৰে।^১

সাহিত্য কৃতি

উপন্যাস

• ঢৌ খেলি ঢৌ খেলি (১৯৮৩)
• বৰফ (১৯৮৬)
• শম্ভুধন ফংল'ছা (২০০১)

গল্প সংকলন

• এখন নতুন দলং (২০০২)
• মই বুজি পালোঁ (২০০৪)
• এদিন ক্লিয়'পেট্ৰাই কান্দিছিল (২০০৭)
• মা (২০০৮)
• তললৈ আৰু তললৈ ( ২০০৯)
• কলং বৈ যায় (২০১০)
• কেম্পটী জলপ্ৰপাত ( ২০১১)
• নাতি আৰু হাতী ( ২০১৩)

কবিতা-গীত-প্ৰবন্ধৰ সংকলন

• জালুকবাৰীৰ সুবাস ( ২০১৩)

ৰাজখোৱাৰ গল্পৰ আধাৰত “কুঁৱলী’’ আৰু “মন-বৃন্দাবন’’ নামৰ দুখন কথাছবিও নিৰ্মাণ হৈছিল, যিকেইখন ছবিৰ গীতত কণ্ঠদান কৰিছিল ভূপেন হাজৰিকা আৰু ঊষা মংগেশকাৰ^৩

অন্যান্য কৰ্ম

ভদ্ৰেশ্বৰ ৰাজখোৱা অৰুণোদয় সাহিত্য চ’ৰাৰ প্ৰতিষ্ঠাপক সভাপতি, নগাঁও জিলাৰ অখিল ভাৰতীয় সাহিত্য পৰিষদ, শাখাৰ প্ৰতিষ্ঠাপক সভাপতি, ৰ’টাৰী ক্লাব, নগাঁৱৰ সভাপতি আছিল।^২৩

বঁটা-সন্মান

ভদ্ৰেশ্বৰ ৰাজখোৱাই বিভিন্ন সময়ত বিভিন্ন বঁটা, সন্মান আদি লাভ কৰিছে।^২১

• অসম চৰকাৰে প্ৰদান কৰা সাহিত্যিক পেঞ্চন (২০০১)
• অসম সাহিত্য সভাই দিয়া অম্বিকাগিৰী ৰায়চৌধুৰী সোঁৱৰণী বঁটা। ( ২০০২)
• জ্যোতিৰূপা মিডিয়া বঁটা ( ২০০৮)
• গোলোক ৰায়মেধি স্মাৰক কৰ্মযোগী বঁটা (২০১৭)
• গল্পসৌৰভ যতীন বৰা সোঁৱৰণী বঁটা (২০২১)
• অসম প্ৰবাহ সাহিত্য বঁটা (২০২১)

তদুপৰি ২০১৬ চনত ড° অমল ৰাজখোৱাই 'কথা সাহিত্যিক ভদ্ৰেশ্বৰ ৰাজখোৱা’ নামেৰে এখন জীৱনী লিখে, আৰু “সুগন্ধি জীৱন’’ নামেৰে তিনিটা খণ্ডত প্ৰকাশ পাইছে তিনিখন অভিনন্দন গ্ৰন্থ।^৩

মৃত্যু

২০২৫ চনৰ ১২ ফেব্ৰুৱাৰীৰ পুৱা ৭-৪০ বজাত নগাঁওৰ “নিদান হস্পিতাল’’ত বাৰ্ধক্যজনিত কাৰণত তেওঁৰ মৃত্যু হয়। মৃত্যুৰ সময়ত তেওঁৰ বয়স আছিল ৮৩ বছৰ।^১