বিন্ধ্যবাসিনী দেৱী

বিন্ধ্যবাসিনী দেৱী (মৃত্যু ২০০৬) এগৰাকী ভাৰতীয় লোকসংগীতজ্ঞ। তেওঁ বিহাৰ কোকিল হিচাপে জনপ্ৰিয়তা লাভ কৰিছিল। তেওঁ আছিল লোকসংগীতক প্ৰচাৰ কৰা পাটনাস্থিত সংগীত একাডেমী বিন্ধ্যা কলা মন্দিৰৰ প্ৰতিষ্ঠাপক। ৫৫ বছৰ ধৰি লক্ষ্ণৌৰ ভাটখণ্ডে বিশ্ববিদ্যালয়ৰ সৈতে জড়িত এই একাডেমীখন বৰ্তমান তেওঁৰ বোৱাৰী শোভা সিনহা আৰু পুত্ৰ সুধীৰ কুমাৰ সিনহাই পৰিচালনা কৰি আছে।^১২ ভাৰতৰ বিহাৰ ৰাজ্যৰ মুজ্জাফৰপুৰত জন্মগ্ৰহণ কৰা বিন্ধ্যবাসিনী দেৱীয়ে মৈথিলি, ভোজপুৰী আৰু মগহী লোকসংগীতত বিশেষজ্ঞতা লাভ কৰিছিল।^১ বিবাহ গীত^৩ নামৰ এখন চিনেমাত ছোটে দুলহা কে নামৰ জনপ্ৰিয় গীত এটাও গাইছিল আৰু তেওঁৰ বহু গীত চিডি ফৰ্মেটত মুক্তি পাইছে।^{৪ ৫৬}

ভাৰত চৰকাৰে ১৯৭৪ চনত তেওঁক চতুৰ্থ সৰ্বোচ্চ ভাৰতীয় অসামৰিক বঁটা পদ্মশ্ৰী প্ৰদান কৰে।^৭ সংগীত নাটক অকাডেমীয়ে ১৯৯১ চনত তেওঁক তেওঁলোকৰ বাৰ্ষিক বঁটা প্ৰদান কৰে।^৮৯২ ইয়াৰ পিছত ২০০৬ চনত একাডেমী ফেল'শ্বিপ প্ৰদান কৰা হয়।^১০ ১৯৯৮ চনত তেওঁ মধ্য প্ৰদেশ চৰকাৰৰ পৰা অহিল্যা বাই বঁটা লাভ কৰে।^{১ ২} ২০০৬ চনৰ ১৮ এপ্ৰিলত ৮৬ বছৰ বয়সত কংকৰবাগ বাসগৃহত বিন্ধ্যবাসিনী দেৱীৰ মৃত্যু হয়।

শেদেৱেশ্বৰ চন্দ্ৰ বাৰ্মাৰ সৈতে তেওঁ বিবাহপাশত আবদ্ধ হয়, আৰু দুজন পুত্ৰ আৰু এগৰাকী কন্যা সন্তান জন্ম হয়।^১২