বকুল ফুলৰ দৰে (গ্ৰন্থ)

বকুল ফুলৰ দৰে হৈছে ড॰ মৃণাল কলিতাৰ দ্বাৰা ৰচিত প্ৰথমখন উপন্যাস। ২০১৫ চনৰ নৱেম্বৰ মাহত বান্ধৱ প্ৰকাশনে এই উপন্যাসখন প্ৰকাশ কৰে।^১ উপন্যাসখন ধাৰাবাহিকভাৱে প্ৰথমে কিশোৰ-কিশোৰীৰ বাবে উপযোগী মাহেকীয়া আলোচনী বাৰ ওঠৰত প্ৰকাশ পায়। উপন্যাসখন ৯২.৭ বিগ এফ এমৰ আজিৰ পৃষ্ঠা নামৰ অনুষ্ঠানটিৰ যোগেদি আৰু আকাশবাণী গুৱাহাটী কেন্দ্ৰৰ যোগেদিও প্ৰচাৰ কৰা হৈছে।^২৩ ২০২১ চনৰ ডিচেম্বৰ মাহৰ ৩০ তাৰিখে এই গ্ৰন্থখনৰ বাবে মৃণাল কলিতাই সাহিত্য অকাডেমিৰ ‘শিশু সাহিত্য বঁটা’ লাভ কৰে।^৪

লেখক পৰিচিতি

মূল প্ৰবন্ধ: মৃণাল কলিতাবকুল ফুলৰ দৰে উপন্যাসখনৰ ৰচক মৃণাল কলিতা অসমৰ এগৰাকী শিশু-সাহিত্যিক, গল্পকাৰ, ঔপন্যাসিক আৰু নিৱন্ধকাৰ।^৫ তেওঁ গুৱাহাটীৰ পাণ্ডু মহাবিদ্যালয়ৰ গণিত বিভাগৰ অধ্যাপক।

লেখকৰ অন্যান্য গ্ৰন্থ

• অনুশীলন (গল্প সংকলন)
• অযান্ত্ৰিক অনুশীলন (গল্প সংকলন)
• গডফাদাৰৰ হাত আৰু চয়তানৰ মগজু (ৰচনা সংকলন)
• গণিতৰ বৰ্ণিল জগত (জনপ্ৰিয় গণিতৰ পুথি)
• ৰিব্‌ৰিব্‌, মুনমীহঁতৰ শেষ নোহোৱা কাহিনী (কাহিনী সংকলন)
• অভিমন্যু (উপন্যাস)
• কাঠ হোৱা চকুলোৰ গান (উপন্যাস সংকলন)
• মৃত্যুৰ সিপাৰে (গল্প সমগ্ৰ)

বাহ্যিক সংযোগ

• ইউটিউবত আকাশবাণী গুৱাহাটী কেন্দ্ৰৰ সম্প্ৰচাৰ