ফিল্ডছ মেডেল

ফিল্ডছ মেডেল (FieldsMedal) হ’ল গণিতৰ ক্ষেত্ৰলৈ আগবঢ়োৱা অসামান্য অৱদানৰ বাবে প্ৰতি ৪ (চাৰি) বছৰৰ মূৰে মূৰে চল্লিশৰ অনুৰ্ধৰ গণিতজ্ঞসকলৰ মাজৰ দুই, তিনি বা চাৰিজন গণিতজ্ঞলৈ আগবঢ়োৱা এটি বঁটা। আন্তঃৰাষ্ট্ৰীয় গাণিতিক সংঘই (IMU) প্ৰতি চাৰি বছৰৰ মূৰে মূৰে আয়োজন কৰা গণিতজ্ঞসকলৰ আন্তঃৰাষ্ট্ৰীয় সন্মিলনত (ICM) এই বঁটা প্ৰদান কৰা হয়। ফিল্ডছ মেডেল^১২৩ আৰু আবেল বঁটাক^৪৫৬ গণিতৰ সৰ্বোচ্চ সন্মানীয় বঁটাৰূপে বিবেচনা কৰা হয়। কানাডাৰ গণিতজ্ঞ জন চাৰ্লছ ফিল্ডছৰ নিৰ্দেশ মৰ্মে এই বঁটা প্ৰণয়ন কৰা হয়।^১ এই বঁটা সৰ্বপ্ৰথম প্ৰদান কৰা হয় ১৯৩৬ চনত আৰু বিশ্বযুদ্ধৰ কাৰণে দীৰ্ঘদিনৰ বিৰতিৰ মূৰত ১৯৫০ চনৰ পৰা ইয়াক নিয়মীয়াকৈ প্ৰদান কৰা হয়। বিশিষ্ট বৰঙনি আগবঢ়োৱা গণিতৰ তৰুণ গৱেষকসকলক উৎসাহ, সহযোগ আৰু পৃষ্ঠপোষকতা প্ৰদানৰ উদ্দেশ্যে এই বঁটা প্ৰদান কৰা হয়। এই বঁটা বিজয়ীক প্ৰদান কৰা ধনৰ পৰিমাণ ২০০৬ চনত আছিল C$১৫,০০০ (বা US$১৩,৪০০ বা €১০,৫৫০)।^৭).^৮৯

বঁটা প্ৰাপ্তিৰ চৰ্তাৱলী

ফিল্ডছ মেডেলক বুলি কোৱা হয়^১০ যদিও ইয়াক প্ৰকৃততে প্ৰতি চাৰি বছৰৰ মূৰে মূৰেহে প্ৰদান কৰা হয় আৰু বঁটা প্ৰদান কৰা বছৰৰ ১ জানুৱাৰীত চল্লিশ বছৰৰ অনুৰ্ধৰ হোৱা গণিতজ্ঞকহে প্ৰদান কৰা হয়। ফলত, জীৱনৰ শেষৰ বছৰ বিলাকৰ পিনেহে মহৎ বৰঙনি আগবঢ়োৱা বহুতো গণিতজ্ঞই এই বঁটাৰ পৰা বঞ্চিত হয়। এই ৪০ বছৰ সংক্ৰান্তিয় নিয়মটো জন চাৰ্লছ ফিল্ডছৰ ইচ্ছা অনুসৰি পালন কৰা হয়—

…while it was in recognition of work already done, it was at the same time intended to be an encouragement for further achievement on the part of the recipients and a stimulus to renewed effort on the part of others.

আনহাতে, ফিল্ডছ মেডেলৰ অৰ্থমূল্যও ন’বেল বঁটাতকৈ কম।

ফিল্ডছ মেডেল বিজয়ী গণিতজ্ঞসকল

লক্ষণীয় ঘটনাসমূহ

১৯৫৪ ত ফিল্ডছ মেডেল লাভ কৰা জ্যা-পিয়েৰ চেৰ বৰ্তমানলৈকে আটাইতকৈ কম বয়সত এই বঁটা লাভ কৰা ব্যক্তি। তেওঁ ২৭ বছৰ বয়সত এই বঁটা লাভ কৰিছিল।

পূব ইউৰোপত ছোভিয়েট সেনাবাহিনীয়ে আক্ৰমণ কৰাৰ প্ৰতিবাদত ১৯৬৬ চনত আলেকজেণ্ডাৰ গ্ৰোথেণ্ডিয়েকে মস্কোত অনুষ্ঠিত ICM বৰ্জন কৰে।^১২

১৯৭০ চনত চেৰ্গেই নোভিক’ভে তেওঁৰ ওপৰত ছোভিয়েট চৰকাৰে আৰোপ কৰা নিষেধাজ্ঞাৰ বাবে ফ্ৰান্স (Nice)ত আয়োজিত ICM লৈ বঁটা গ্ৰহণৰ বাবে যাব নোৱাৰিলে।

১৯৭৮ চনত গ্ৰিগৰি মাৰ্গুলিছে তেওঁৰ ওপৰত ছোভিয়েট চৰকাৰে আৰোপ কৰা নিষেধাজ্ঞাৰ বাবে ফিনলেণ্ডত আয়োজিত ICM লৈ বঁটা গ্ৰহণৰ বাবে যাব নোৱাৰিলে। তেওঁৰ হৈ বঁটা গ্ৰহণ কৰে জেকুইচ্ টিটে আৰু বঁটা গ্ৰহণ কৰি প্ৰদান কৰা ভাষণত তেওঁ কয়— "I cannot but express my deep disappointment — no doubt shared by many people here — in the absence of Margulis from this ceremony. In view of the symbolic meaning of this city of Helsinki, I had indeed grounds to hope that I would have a chance at last to meet a mathematician whom I know only through his work and for whom I have the greatest respect and admiration."^১৩

১৯৮২ চনত অধিবেশনখন ৱাৰ্ছত হোৱাৰ কথা আছিল, কিন্তু পোলেণ্ডত ১৩ ডিচেম্বৰ ১৯৮১ত গৃহীত হোৱা মাৰ্ছিয়ান আইনৰ বাবে ইয়াক পিছুৱাই দিয়া হয়। ১৯৮২ চনৰ আৰম্ভণিতে IMUৰ নৱম অধিবেশনত ঘোষণা কৰা বঁটাসমূহ ১৯৮৩ চনৰ ৱাৰ্ছৰ অধিবেশনত প্ৰদান কৰা হয়।

১৯৯০ চনত ফিল্ডছ মেডেল লাভ কৰা এডৱাৰ্ড উইটেন হ’ল এই বঁটা লাভ কৰা প্ৰথমজন আৰু এতিয়ালৈকে একমাত্ৰ পদাৰ্থবিদ।

১৯৯৮ চনৰ ICMত ফাৰ্মিৰ অন্তিম সূত্ৰ প্ৰমাণ কৰাৰ স্বীকৃতিস্বৰূপে ফিল্ডছ মেডেল কমিটিৰ অধ্যক্ষ য়ুৰি আই. মেনিনে এণ্ড্ৰিউ ৱাইলছক প্ৰথম IMU ৰূপালী ফলক প্ৰদান কৰে। ডন জেগিয়াৰে এই ফলকখনক "quantized Fields Medal" বুলি অভিহিত কৰিছিল। বঁটা প্ৰদানৰ সময়ত ৱাইলছৰ বয়স জোখতকৈ বেছি আছিল বুলি বাতৰি ওলাইছিল।^১৪ ১৯৯৪ চনত ৱাইলছৰ বয়স জোখতকৈ সামান্য বেছি হ'লেও বঁটাৰ বাবে তেওঁৰে সম্ভাৱনা বেছি আছিল। কিন্তু ফাৰ্মিৰ অন্তিম সূত্ৰৰ প্ৰমাণৰ এভাগ (ৰিচাৰ্ড টেইলৰ আৰু ৱাইলছৰ দ্বাৰা) ১৯৯৩ চনতে পোৱা গৈছিল।^১৫১৬

২০০৬ চনত পইনকেয়াৰ অনুমান প্ৰমাণ কৰা গ্ৰেগৰি পেৰেলমেনে এই বঁটা প্ৰত্যখ্যান কৰে।^৮ and did not attend the congress.^১৭

২০১০ চনত ফিল্ডছ মেডেল লাভ কৰা ন’ বও চাও হ’ল উন্নয়নশীল ৰাষ্ট্ৰৰ পৰা এই বঁটা লাভ কৰা প্ৰথম ব্যক্তি।^১৮

পদক

এই মেডেলটিৰ ৰূপ কানাডাৰ ভাস্কৰ্য্য শিল্পী আৰ. টেইট মেকেনজিয়ে তৈয়াৰ কৰিছিল^১৯

• ইয়াৰ ওপৰফালে আৰ্কিমিডিছৰ ছবি আৰু লেটিন ভাষাত লিখা মাৰ্কাচ মেলিনাচৰ এটি উক্তি আছে, উক্তিটো হ'ল- "Transire suum pectus mundoque potiri" Rise above oneself and grasp the world ( নিজতকৈ ওপৰলৈ উঠা আৰু বিশ্বক সাৱটি লোৱা)। তাৰিখটো ৰোমান সংখ্যাৰে লিখা হয় আৰু তাত এটা ইচ্ছাকৃত ভুল থাকে।^২০
• বিপৰীত ‌‌ফালে লেটিন ভাষাত এই কথাখিনি খোদিত কৰা থাকে:

CONGREGATI EX TOTO ORBE MATHEMATICI OB SCRIPTA INSIGNIA TRIBUERE অনুবাদ: "Mathematicians gathered from the entire world have awarded [understood "this prize"] for outstanding writings."

পিছফালে আৰ্কিমিডিছৰ সমাধিৰ ছবি এখনৰ লগতে গোলক আৰু চিলিণ্ডাৰৰ ওপৰত তেওঁৰ সূত্ৰ বুজোৱা থাকে।

কাষটোত বঁটাবিজয়ীৰ নাম লিখা থাকে।

লগতে চাওক

• আবেল বঁটা
• ন'বেল বঁটা