ফণী ভূষণ চৌধুৰী

ফণী ভূষণ চৌধুৰী (জন্ম ১ মে' ১৯৫২)^১ এগৰাকী ভাৰতীয় ৰাজনীতিবিদ।^২ তেওঁ বৰ্তমান লোকসভাৰ সংসদ সদস্য হিচাপে বৰপেটা লোকসভা সমষ্টিৰ প্ৰতিনিধিত্ব কৰি আছে আৰু অসম গণ পৰিষদৰ এগৰাকী নেতা।^৩ তেওঁ ১৯৮৫ চনৰপৰা অবিৰতভাৱে ৮বাৰকৈ বঙাইগাঁও বিধানসভা সমষ্টিৰ প্ৰতিনিধিত্ব কৰাৰ অভিলেখ গঢ়ে। ২০১৮ পৰা ২০২১ চনলৈ তেওঁ সৰ্বানন্দ সোণোৱাল মন্ত্ৰীসভাত খাদ্য আৰু নাগৰিক যোগান, উপভোক্তা বিষয়, পেঞ্চন আৰু জনঅভিযোগ মন্ত্ৰী আছিল। ১৯৯৬ চনৰপৰা ২০০১ চনলৈকে তেওঁ অসম বিধানসভাৰ গৃহ সমিতি আৰু ৰাজহুৱা উদ্যোগ সমিতিৰ সদস্য আছিল। ২০০৯ চনৰপৰা ২০১১ চনলৈ তেওঁ ৰাজহুৱা হিচাপ সমিতিৰ চেয়াৰমেন আছিল আৰু ২০১১ৰপৰা ২০১৬ চনলৈ অগপৰ বিধানমণ্ডলীয় দলৰ দলপতি আছিল। চৌধুৰী অসম গণ পৰিষদৰ এজন আঞ্চলিক নেতা।^৪ ২০২১ চনত তেওঁ অসম বিধানসভাৰ প্ৰ’টেম স্পীকাৰ হিচাপে নিৰ্বাচিত হৈছিল।^৫

নিৰ্বাচনী ৰেকৰ্ড