নিধি আগৰৱাল

নিধি আগৰৱাল এগৰাকী ভাৰতীয় অভিনেত্ৰী, যিয়ে মূলতঃ তেলুগু ভাষা আৰু তামিল ভাষা চলচ্চিত্ৰত অভিনয় কৰে। ২০১৪ চনৰ মিছ ডিভা ইউনিভাৰ্ছ ২০১৪ প্ৰতিযোগিতাত অংশগ্ৰহণ কৰাৰ পাছত আগৰৱালে হিন্দী ছবি মুন্না মাইকেল (২০১৭)ৰ জৰিয়তে অভিনয়ত অভিষেক ঘটে। এই ছবিখনত অভিনয়ৰ বাবে তেওঁ জি চিনে বঁটা শ্ৰেষ্ঠ মহিলা অভিষেক লাভ কৰে।^১২

তেওঁ তেলেগু চলচ্চিত্ৰত সব্যসাচী (২০১৮)ৰ জৰিয়তে আৰু তামিল চলচ্চিত্ৰত ঈশ্বৰণ (২০২১)ৰ জৰিয়তে অভিষেক ঘটায়। সব্যসাচীৰ বাবে তেওঁ এছআইআইএমএ শ্ৰেষ্ঠ মহিলা আত্মপ্ৰকাশ বঁটাৰ মনোনয়ন লাভ কৰে।^৩ ইয়াৰ উপৰিও তেওঁ আইস্মাৰ্ট শংকৰ (২০১৯), কলাগা থালাইভান (২০২২) আদি সফল ছবিতো অভিনয় কৰিছে।

কেৰিয়াৰ

২০১৬ চনত পৰিচালক ছাব্বিৰ খানে নিশ্চিত কৰিছিল যে আগৰৱাল টাইগাৰ শ্ৰফৰ সৈতে তেওঁৰ চলচ্চিত্ৰ মুন্না মাইকেল-ৰ মুখ্য চৰিত্ৰত অভিনয় কৰিবলৈ চুক্তিবদ্ধ হৈছে। প্ৰায় ৩০০ প্ৰাৰ্থীৰ মাজৰপৰা আগৰৱালক নিৰ্বাচন কৰা হৈছিল। চলচ্চিত্ৰখন সম্পূৰ্ণ নোহোৱালৈকে তেওঁক এটা "ন’–ডেটিং ক্ল’জ"ত স্বাক্ষৰ কৰিবলৈও কোৱা হৈছিল।^৪ এই চলচ্চিত্ৰখনই আগৰৱালৰ অভিনয়জীৱনৰ সূচনা চিহ্নিত কৰে; যদিও সমালোচকসকলৰপৰা মিশ্ৰিতৰপৰা নেতিবাচক প্ৰতিক্ৰিয়া পোৱা গৈছিল।^৫

২০১৮ চনত আগৰৱালে নাগা চৈতন্যৰ বিপৰীতে তেলুগু ভাষাৰ সব্যসাচী ছবিৰ জৰিয়তে তেলুগু ছবিত আত্মপ্ৰকাশ কৰে। ছবিখনে বক্স অফিচত সন্তোষজনক প্ৰদৰ্শন দেখুৱাব নোৱাৰিলে।^৬

২০১৯ চনত তেওঁৰ দুখন ছবি মুক্তি পায়। অখিল আকিনেনীয়ৰ সৈতে মিষ্টাৰ মাজনু বক্স অফিচত অসফল কৰিছিল,^৭ আনহাতে ৰাম পথিনেনীৰ সৈতে আইছ্টমাৰ্ট শংকৰ ব্যাৱসায়িক ৰূপে সফল হয় আৰু বক্স অফিচত ১০০ দিনতকৈ অধিক সময় চলি আছিল।^৮ সেই বছৰে তেওঁ Jyotica Tangri গোৱা Unglich Ring Daal De আৰু বাদশ্বাহৰ সৈতে AAHO! Mittran Di Yes Hai সংগীত ভিডিঅ’ত উপস্থিত হৈছিল।

২০২১ চনত তেওঁ চিলাম্বৰাছানৰ বিপৰীতে তামিল ভাষাৰ ঈশ্বৰান চলচ্চিত্ৰত অভিনয় কৰে।^৯ ছবিখনে মিশ্ৰিত সমালোচনা লাভ কৰিছিল আৰু গড় সফলতা পায়। তাৰ পাছতেই জয়ম ৰৱিৰ সৈতে তেওঁৰ পৰৱৰ্তী ছবি ভূমি মুক্তি পায়, যদিও ছবিখনে নেতিবাচক সমালোচনা লাভ কৰিছিল।^১০ সেই বৰ্ষতে তেওঁ আলতাফ ৰাজাৰ পুনৰ্নিমাণ কৰা সাথ কিয়া নিভাওগে গীতৰ ভিডিঅ’ত চনু সুদৰ বিপৰীতে উপস্থিত হৈছিল।

২০২২ চনত তেওঁ অভিষেক অশোক গালাৰ সৈতে হিৰো চলচ্চিত্ৰত অভিনয় কৰে। ছবিখনে সমালোচক আৰু দৰ্শকৰপৰা মিশ্ৰিত সমালোচনা লাভ কৰিছিল।^১১ লগতে তেওঁ অধয়ানিধি ষ্টেলিনৰ সৈতে মাজিজ থিৰুমেনীৰ একচন-থ্ৰিলাৰ কালাগা থালাইভান ছবিতো অভিনয় কৰে, যিয়ে সমালোচকৰপৰা ইতিবাচক সমালোচনা লাভ কৰিছিল।^১২

ইয়াৰ পিছত ২০২৫ চনৰ জুলাই মাহত মুক্তি পোৱা হৰি হৰা বীৰা মল্লু ছবিখনত আগৰৱালক পঞ্চমীৰ চৰিত্ৰত দেখা গৈছিল।^{১৩১৪১৫}।

সংবাদ মাধ্যমত

আগৰৱালে বিভিন্ন সময়ত হায়দৰাবাদ টাইমছ Most Desirable Woman তালিকাত স্থান লাভ কৰিছে। ২০১৯ চনত তেওঁ ১১তম স্থানত আছিল,^১৬ আৰু ২০২০ চনত ৮তম স্থানত।^১৭

তেওঁ কেইবাটাও ব্ৰেণ্ড আৰু সামগ্ৰীৰ সক্ৰিয় চেলিব্ৰিটি এণ্ডাৰছাৰ। ২০১৯ চনত, তেওঁ এটা ফেয়াৰনেছ ক্ৰীমৰ এণ্ডাৰছমেণ্ট নাকচ কৰিছিল।^১৮

আগৰৱাল কল্যাণ জুৱেলাৰ্ছৰ বহুভাষিক বিজ্ঞাপনতো অংশ লৈছে।^১৯

ফিল্মগ্ৰাফী

চলচ্চিত্ৰ

† চিহ্নই এতিয়ালৈকে মুক্তি নোপোৱা চলচ্চিত্ৰ বা টিভি প্ৰডাকচনক বুজাইছে।

মিউজিক ভিডিঅ'

বঁটা আৰু মনোনয়ন

অন্যান্য সন্মান

• ইয়ামাহা ফাচিনো মিছ ডিভা ২০১৪ — ফাইনেলিষ্ট ^৩