ড॰ ৰাজকুমাৰ

সিংগনাল্লুৰু পুট্টস্বমাইয়া মুথুৰাজ ( Singanalluru Puttaswamaiah Muthuraj; ২৪ এপ্ৰিল ১৯২৯ – ১২ এপ্ৰিল ২০০৬)^১ কানাড়া চলচ্চিত্ৰৰ এজন অভিনেতা আৰু গায়ক, যি তেওঁৰ মঞ্চনাম ড° ৰাজকুমাৰ নামেৰে অধিক পৰিচিত তেওঁক ভাৰতীয় চলচ্চিত্ৰ ইতিহাসৰ অন্যতম শ্ৰেষ্ঠ আৰু বহুমুখী অভিনেতা হিচাপে তথা^২৩৪৫ সাংস্কৃতিক প্ৰতীক হিচাপে মান্যতা দিয়া হয়। মেটিনি আইডলৰ মৰ্যাদাপ্ৰাপ্ত বৃহত্তৰ কানাড়ী সমাজত তেওঁক নট সাৰ্বভৌম, বাংগড়া মনুষ্য (সোণৰ মানৱ), বৰ নট (প্ৰতিভাশালী অভিনেতা), গণ গন্ধৰ্ব (দিব্য গায়ক), ৰসিকৰ ৰাজা, কানাড়া কান্তি, ৰাজন আদি জনপ্ৰিয় নামেৰে জনাজাত আছিল^৬৭ ১৯৮৩ চনত পদ্মভূষণ আৰু ১৯৯৫ চনত দাদাচাহেব ফাল্কে বঁটাৰে তেওঁক সন্মানিত কৰা হয়।^৮ নেপথ্য কণ্ঠশিল্পীৰ ৰাষ্ট্ৰীয় চলচ্চিত্ৰ বঁটা লাভ কৰা তেৱেঁ একমাত্ৰ নায়ক চৰিত্ৰত অভিনয় কৰা শিল্পী।^৯ তেওঁৰ ৩৯ খন চলচ্চিত্ৰ ৯ টা ভাষাত ৬৩ বাৰ পুনৰ নিৰ্মাণ কৰা হৈছে।^১০১১ তেওঁ প্ৰথম অভিনেতা, যাৰ ছবি পঞ্চাশ বাৰতকৈও অধিক আৰু ৯টা ভাষাত পুনৰ নিৰ্মাণ কৰা হৈছে।^১২১৩ তেওঁ ভাৰতৰ প্ৰথমজন অভিনেতা, যাৰ চৰিত্ৰ যিয়ে পূৰ্ণাংগ ৰূপত জেমছ বণ্ডৰ ওপৰত আধাৰিত আছিল।^১৪ তেওঁৰ ছবি জেদাৰা বেলৰ সফলতাই ভাৰতীয় অন্যান্য চলচ্চিত্ৰ উদ্যোগত দেশীয় জেমচ্ বণ্ড শৈলীক বহুলভাৱে অনুপ্ৰাণিত কৰাৰ কৃতিত্ব দিয়া হয়।^১৫ ২০১৩ চনৰ এপ্ৰিল মাহত ভাৰতীয় চলচ্চিত্ৰৰ শতবাৰ্ষিকী উপলক্ষে ফৰ্বছে বংগাড়া মনুষ্যত কৰা তেওঁৰ অভিনয়ক ভাৰতীয় চলচ্চিত্ৰৰ ২৫টা শ্ৰেষ্ঠ অভিনয় তালিকাত অন্তৰ্ভুক্ত কৰে।^১৬ তেওঁৰ মৃত্যুৰ পিছত নিউয়ৰ্ক টাইমছে তেওঁক ভাৰতৰ অন্যতম জনপ্ৰিয় চিনেমা তাৰকা বুলি অভিহিত কৰিছিল।^১৭

গুব্বি বীৰান্নাৰ গুব্বি ড্ৰামা কোম্পানীত নাট্যকাৰ হিচাপে দীৰ্ঘদিন ধৰি কাম কৰাৰ পিছত ৰাজকুমাৰে চলচ্চিত্ৰ জগতত প্ৰৱেশ কৰে আৰু আঠ বছৰ পিছত, ১৯৫৪ চনত বেদাৰা কান্নাপ্পা ছবিত মুখ্য চৰিত্ৰত প্ৰথম অভিনয় কৰাৰ সুবিধা পায়। তেওঁ বিভিন্ন চৰিত্ৰ ৰূপায়ণ কৰা ছবিৰ সংখ্যা ২০৫ খনতকৈও অধিক। ভক্ত কনকদাস (১৯৬০), ৰাণাধীৰা কান্তেৰাৱা (১৯৬০), সত্য হৰিশ্চন্দ্ৰ (১৯৬৫), ইম্মাদি পুলিকেশী (১৯৬৭), শ্ৰী কৃষ্ণদেৱৰায় (১৯৭০), ভক্ত কুম্বৰা (১৯৭৪), ময়ুৰ (১৯৭৫), বব্ৰুবাহন (১৯৭৭) আৰু ভক্ত প্ৰহ্লাদ (১৯৮৩) আদি পৌৰাণিক আৰু ঐতিহাসিক ছবিত তেওঁৰ অভিনয় উৎকৃষ্ট পৰ্যায়ৰ [23] ১৯৫৪ চনৰ পৰা ১৯৬৮ চনলৈকে ১৫ বছৰৰ ভিতৰত তেওঁৰ ১৩খন ছবিয়ে কানাড়া ভাষাৰ শ্ৰেষ্ঠ পূ্ৰ্ণদৈৰ্ঘ্য ছবিৰ ৰাষ্ট্ৰীয় চলচ্চিত্ৰ বঁটা (ৰজত কমল) লাভ কৰিছে। ইয়াৰোপৰি ১৭খন ছবিয়ে পাঁচটা ভিন্ন শাখাত কৰ্ণাটক ৰাজ্যিক চলচ্চিত্ৰ বঁটা লাভ কৰিছে।

নাট্যদলত থকা দিনতে শাস্ত্ৰীয় সংগীতৰ প্ৰশিক্ষণ লৈ ৰাজকুমাৰ এজন নিপুণ নেপথ্য কণ্ঠশিল্পী হৈ পৰিছিল। ১৯৭৪ চনৰ পৰাই তেওঁ নিজৰ ছবিৰ বাবে বেছিকৈ গীত গাইছিল। য়াৰে কুগাদলি, হুট্টিদাৰে কানাড়া, হে দিনকৰ, হৃদয় সমুদ্ৰ, মাণিক্যবীণা আৰু নাদামায়া গীত বহুলভাৱে জনপ্ৰিয় হৈ পৰিছিল। পিছৰ গীতটোৰ পৰিবেশনৰ বাবে তেওঁক শ্ৰেষ্ঠ পুৰুষ নেপথ্য কণ্ঠশিল্পীৰ ৰাষ্ট্ৰীয় চলচ্চিত্ৰ বঁটাৰে সন্মানিত কৰা হয়।

আমেৰিকাৰ কমনৱেলথ অফ কেন্টাকিৰ দ্বাৰা প্ৰদান কৰা সৰ্বোচ্চ সন্মান কেন্টাকি কৰ্ণেল বঁটা লাভ কৰা তেওঁ একমাত্ৰ ভাৰতীয় অভিনেতা।^১৮১৯ ব্যক্তিগত আৰু পেছাদাৰী দুয়োটা দিশতে অতি অনুশাসিত আৰু সহজ জীৱনশৈলীৰ বাবে সুপৰিচিত ৰাজকুমাৰ যোগ, প্ৰাণায়াম, আৰু কৰ্ণাটক সংগীতৰ প্ৰতি আকৰ্ষিত আছিল। ২০০০ চনত তেওঁক গজানুৰত থকা ফাৰ্ম হাউচৰ পৰা বীৰপ্পানে অপহৰণ কৰি লৈ যায় আৰু ১০৮ দিনৰ পিছত তেওঁক মুকলি কৰি দিয়ে।^২০ ২০০৬ চনৰ ১২ এপ্ৰিলত বাংগালুৰুত থকা নিজৰ বাসগৃহত হৃদযন্ত্ৰৰ ক্ৰিয়া বন্ধ হৈ ৭৬ বছৰ বয়সত তেওঁৰ মৃত্যু হয়।^২১ তেওঁৰ চকু দুটা তেওঁৰ শেষ ইচ্ছা অনুসৰি দান কৰা হৈছিল।^২২

চলচ্চিত্ৰ জীৱনত ৰাজকুমাৰে এঘাৰটা কৰ্ণাটক ৰাজ্যিক চলচ্চিত্ৰ বঁটা লাভ কৰে, য'ত নটা শ্ৰেষ্ঠ অভিনেতা আৰু দুটা শ্ৰেষ্ঠ নেপথ্য কণ্ঠশিল্পী বঁটা আছিল। তাৰোপৰি লাভ কৰিছিল আঠটা ফিল্মফেয়াৰ দক্ষিণ বঁটা, এটা ৰাষ্ট্ৰীয় চলচ্চিত্ৰ বঁটা।^২৩ তেওঁ শ্ৰেষ্ঠ অভিনেতাৰ ফিল্মফেয়াৰ বঁটা (কানাড়া) আৰু শ্ৰেষ্ঠ অভিনেতাৰ কৰ্ণাটক ৰাজ্যিক চলচ্চিত্ৰ বঁটা সৰ্বাধিক বাৰ লাভ কৰাৰ অভিলেখ ৰচনা কৰিছে। ২০০২ চনত তেওঁ এন.টি.আৰ. ৰাষ্ট্ৰীয় বঁটা লাভ কৰে। মহীশূৰ বিশ্ববিদ্যালয়ৰ পৰা তেওঁক সন্মানীয় ডক্টৰেট ডিগ্ৰী প্ৰদান কৰা হয়।[30] ভাৰতীয় চলচ্চিত্ৰলৈ আগবঢ়োৱা অৱদানৰ বাবে তেওঁক পদ্মভূষণ (১৯৮৩)^২৪ আৰু দাদাচাহেব ফালকে বঁটাৰে (১৯৯৫) সম্মানিত কৰা হৈছে।^২৫ অভিনয়ৰ বাবে সন্মানীয় ডক্টৰেট ডিগ্ৰী লাভ কৰা তেওঁ প্ৰথমজন ভাৰতীয় অভিনেতা।^২৬ এজন মেগা আইকন আৰু কানাড়াৰ সামাজিক-সাংস্কৃতিক প্ৰতীকস্বৰূপ[34] ৰাজকুমাৰক কানাড়া চলচ্চিত্ৰক পুনৰ সংজ্ঞায়িত কৰাৰ[35] আৰু কানাড়া চলচ্চিত্ৰক ৰাষ্ট্ৰীয় মানচিত্ৰত স্থান দিয়াৰ কৃতিত্ব দিয়া হয়।^২৭ ২০০ খন কানাড়া ছবিত আৰু ১০০খন ছবিত মুখ্য চৰিত্ৰত অভিনয় কৰা তেওঁ প্ৰথম অভিনেতা আছিল।^২৮ ১৯৮৬ চনৰ তেওঁৰ ছবি অনুৰাগ আৰালিথু আন সাতটা ভাষাত পুনৰ নিৰ্মাণ কৰা প্ৰথমখন ভাৰতীয় ছবি।^২৯ তেওঁৰ সৰ্বাধিক সংখ্যক ভক্তিমূলক, পৌৰাণিক আৰু ঐতিহাসিক চৰিত্ৰত (সংযুক্ত) অভিনয় কৰাৰ গৌৰৱেৰে গৌৰৱান্বিত।^৩০

বঁটা আৰু সন্মান

আন্তঃৰাষ্ট্ৰীয় স্বীকৃতি

• কেণ্টাকী কৰ্ণেল, আমেৰিকা যুক্তৰাষ্ট্ৰৰ কেণ্টাকী প্ৰদেশৰ গৱৰ্ণৰৰ দ্বাৰা প্ৰদান কৰা সন্মান, ১৯৮৫^৩১ - the only Indian actor to receive the award.^৩২

ৰাষ্ট্ৰীয় পৰ্যায়ৰ স্বীকৃতি

• ১৯৮৩ – পদ্মভূষণ^২৫
• ১৯৯২ – শ্ৰেষ্ঠ পুৰুষ নেপথ্য কণ্ঠশিল্পীৰ ৰাষ্ট্ৰীয় চলচ্চিত্ৰ বঁটা (জীৱন চিত্ৰ ছবিৰ বাবে)^২৩ - Only Indian actor to receive it for singing.
• ১৯৮৫ – দাদাচাহেব ফাল্কে বঁটা – এই সন্মান পোৱা ৰাজকুমাৰ কানাড়া চলচ্চিত্ৰৰ প্ৰথম ব্যক্তি
• ২০০২ – এন.টি.আৰ. ৰাষ্ট্ৰীয় বঁটা^৩৩ - First Kannada actor to receive it.
• ১ নবেম্বৰ ২০০৯- তেওঁৰ সন্মানত ভাৰত চৰকাৰৰ দ্বাৰা ডাকটিকট মুকলি ^৩৪ - First Kannada actor to receive that honour.^৩৫
• এপ্ৰিল ২০১৩- ফোৰ্বৰ ভাৰতীয় চলচ্চিত্ৰৰ ২৫জন মহান অভিনয় শিল্পীৰ তালিকাত ৰাজকুমাৰৰ অন্তৰ্ভূক্তি।^{৩৬৩৭৩৮}
• ২৪ এপ্ৰিল ২০১৭- গুগলৰ দ্বাৰা তেওঁৰ সন্মানত ‘গুগল ডুডল’ প্ৰকাশ ^৩৯ - Second Indian actor to receive that honour.

ফিল্মফেয়াৰ দক্ষিণ বঁটা

ৰাজকুমাৰে কানাড়া চলচ্চিত্ৰৰ শ্ৰেষ্ঠ অভিনয় শিল্পী শিতানত মুঠ ৮বাৰ ফিল্মফেয়াৰ দক্ষিণ বঁটা লাভ কৰিছে।^৪০ এই কেইখন হ’ল-

1. ''গন্ধড় গুড়ি (১৯৭৩)^{৪১৪২৪৩}
2. ময়ুৰ (১৯৭৫)^৪৪
3. শংকৰ গুৰু (১৯৭৮)^৪৫
4. কেড়ালিৰা সিমহা (১৯৮১)^৪৬৪৭
5. শ্ৰৱণ বন্থু – (১৯৮৪)
6. আদে কান্নু – ১৯৮৫ ^৪৮
7. ভাগ্য লক্ষ্মী বৰম্মা – 1986^৪৯
8. আকস্মিক (১৯৯৩)^৫০

বাহ্যিক সংযোগ

• Farewell, Dr Rajkumar Rediff.com