জীৱেশ ৰায়

জীৱেশ ৰায় (ইংৰাজী ভাষা: Jibesh Rai; জন্ম: ১৯৮৫) হৈছে উত্তৰ-পূব ভাৰতৰ অসম ৰাজ্যৰ এজন ৰাজনীতিবিদ। তেওঁ ধুবুৰী জিলাৰ বিলাসীপাৰা বিধানসভা সমষ্টিৰ পৰা অসম গণ পৰিষদৰ প্ৰতিনিধিত্ব কৰি অসম বিধানসভাৰ এজন সদস্য হিচাপে নিৰ্বাচিত হয়।^১২

ৰায়ৰ ঘৰ অসমৰ ধুবুৰী জিলাৰ বিলাসীপাৰাত। তেওঁ শ্ৰী পবিত্ৰ ৰায়ৰ পুত্ৰ। বৰ্তমান তেওঁ কমতাপুৰ স্বায়ত্ত্বশাসিত পৰিষদৰ মুখ্য কাৰ্যবাহী সদস্য হিচাপে কাৰ্যনিৰ্বাহ কৰি আছে। তেওঁ ২০০৭ চনত গুৱাহাটী বিশ্ববিদ্যালয়ৰ অন্তৰ্ভুক্ত ফকীৰাগ্ৰাম মহাবিদ্যালয়ৰ পৰা কলা শাখাৰ স্নাতক (B.A.) ডিগ্ৰী লাভ কৰে। ভাৰতৰ নিৰ্বাচন আয়োগৰ ওচৰত দাখিল কৰা তেওঁৰ শপতনামাত তেওঁ ৯০ লাখ টকাৰ সম্পত্তি ঘোষণা কৰিছিল।^৩

ৰাজনৈতিক জীৱন

ৰায়ে ২০২৬ চনৰ অসম বিধানসভা নিৰ্বাচনত অসম গণ পৰিষদ দলৰ পৰা বিলাসীপাৰা বিধানসভা সমষ্টিত জয়লাভ কৰে। তেওঁ মুঠ ৮৫,৯৩৭ টা ভোট লাভ কৰিছিল আৰু তেওঁৰ নিকটতম প্ৰতিদ্বন্দী ভাৰতীয় জাতীয় কংগ্ৰেছৰ অমিত বাদশাক ২,৬৯৪ টা ভোটৰ ব্যৱধানত পৰাজিত কৰে।^৪৫৬