জামনালাল বাজাজ বঁটা

জামনালাল বাজাজ বঁটা, গান্ধীবাদৰ মূল্যবোধ, সমাজ সেৱা আৰু সামাজিক উন্নয়নৰ প্ৰচাৰৰ বাবে দিয়া এক ভাৰতীয় বঁটা।^১ ১৯৭৮ চনত বাজাজ গ্ৰুপৰ জামনালাল বাজাজ ফাউণ্ডেচনে প্ৰতিষ্ঠা কৰা এই বঁটা বছৰি চাৰিটা ভাগত দিয়া হয়; আৰু সাধাৰণতে ভাৰতৰ ৰাষ্ট্ৰপতি, উপ-ৰাষ্ট্ৰপতি, প্ৰধানমন্ত্ৰী বা কোনো আগশাৰীৰ ব্যক্তিয়ে এই বঁটা প্ৰদান কৰে।^২

বৰ্তমান ৰাহুল বাজাজৰ নেতৃত্বত গঠিত এই ফাউণ্ডেচনটো ১৯৭৭ চনত গোটৰ প্ৰতিষ্ঠাপক, দানবীৰ আৰু মহাত্মা গান্ধীৰ ঘনিষ্ঠ সহযোগী জামনালাল বাজাজৰ স্মৃতিত গঠন কৰা হৈছিল।^৩৪ এই বঁটা প্ৰদান অনুষ্ঠান তেওঁৰ জন্ম বাৰ্ষিকীত, ৪ নৱেম্বৰত অনুষ্ঠিত হয়।^৫৬

বঁটা

এই বঁটাত এখন প্ৰশস্তি পত্ৰ, এটা ট্ৰফী আৰু প্ৰতিটো বঁটাত দহ লাখ টকাৰ চেক দিয়া হয়।^৭ ইয়াক চাৰিটা ভাগত দিয়া হৈছে,^৮ চেকৰ ধনৰাশি ২০২৩ চনৰ পৰা বৃদ্ধি কৰি প্ৰতিটো বঁটাৰ বাবে বিশ লাখ কৰা হৈছে।^৯ যেনে:-

• গঠনমূলক কাম, ১৯৭৮ চনত স্থাপিত॥^১০
• গ্ৰাম্য উন্নয়নৰ বাবে বিজ্ঞান আৰু প্ৰযুক্তিৰ প্ৰয়োগ, ১৯৭৮ চনত স্থাপিত।^১০
• ১৯৮০ চনত জনাকী দেৱী বাজাজৰ স্মৃতিত স্থাপিত মহিলা আৰু শিশুৰ উন্নয়ন আৰু কল্যাণৰ বাবে অসাধাৰণ অৱদান।^১০
• ভাৰতৰ বাহিৰত গান্ধীবাদী মূল্যবোধৰ প্ৰচাৰৰ বাবে আন্তঃৰাষ্ট্ৰীয় বঁটা, যিটো বিদেশী জাতিৰ ব্যক্তিক দিয়া হয়, যিটো ১৯৮৮ চনত জামনালাল বাজাজৰ জন্ম শতবাৰ্ষিকীত প্ৰতিষ্ঠা কৰা হয়।^১০

জামনালাল বাজাজ ডাঙৰীয়াৰ জন্ম শতবাৰ্ষিকী উপলক্ষে ১৯৯০ চনত ফাউণ্ডেচনে ড° নেলছন মেণ্ডেলাক বিশেষ বঁটা প্ৰদান কৰে।^১১

বঁটা প্ৰাপকৰ তালিকা