খুশী কাপুৰ

খুশী কাপুৰ (Khushi Kapoor; জন্ম: ৫ নৱেম্বৰ ২০০০) এগৰাকী ভাৰতীয় অভিনেত্ৰী। তেওঁ হিন্দী ভাষাৰ চলচ্চিত্ৰত অভিনয় কৰে। অভিনেত্ৰী শ্ৰীদেৱী আৰু প্ৰযোজক বনী কাপুৰৰ কন্যা খুশীয়ে নেটফ্লিক্সৰ মৌলিক ছবি দ্য আৰ্চিজ (২০২৩)ত বেটী কুপাৰৰ চৰিত্ৰত অভিনয়েৰে পূৰ্ণদৈৰ্ঘ্যৰ ছবিত অভিষেক ঘটায়।^১২ ইয়াৰ পিছত তেওঁ ৰোমাণ্টিক কমেডীধৰ্মী ছবি লাভয়াপা আৰু নাদনিয়াঁ (দুয়োখন ২০২৫)ত অভিনয় কৰে। ২০২৪ চনত জিকিউ নামৰ আলোচনী এখনে কাপুৰক "৩৫গৰাকী আটাইতকৈ প্ৰভাৱশালী ভাৰতীয় যুৱ" তালিকাত স্থান দিয়া দিছিল।^৩

প্ৰাৰম্ভিক জীৱন আৰু পটভূমি

২০০০ চনৰ ৫ নৱেম্বৰ তাৰিখে খুশী কাপুৰৰ জন্ম হৈছিল।^৪৫৬ অভিনেত্ৰী শ্ৰীদেৱী তেওঁৰ মাতৃ আৰু চলচ্চিত্ৰ প্ৰযোজক বনী কাপুৰৰ তেওঁৰ পিতৃ। তেওঁ সুৰিন্দৰ কাপুৰৰ নাতিনী। চলচ্চিত্ৰ অভিনেতা অনিল কাপুৰ আৰু সঞ্জয় কাপুৰৰ ভতিজী।^৭ অভিনেত্ৰী জাহ্নৱী কাপুৰ তেওঁৰ বায়েক।^৮ মাহীমাক মোনা শ্বৌৰীৰ তৰফৰ পৰা তেওঁৰ দুগৰাকী সতীয়া ভায়েক-ভনীয়েক আছে, অভিনেতা অৰ্জুন আৰু অংশুলা। অভিনেত্ৰী সোণম কাপুৰ, ৰিয়া কাপুৰ, হৰ্ষবৰ্ধন কাপুৰ, আৰু মোহিত মাৰৱাহ তেওঁৰ কাজিন। কাপুৰে ১৭ বছৰ বয়সতেই মাতৃক হেৰুৱাইছিল।^৯১০

কাপুৰে মুম্বাইৰ ইক'ল মণ্ডিয়াল ৱৰ্ল্ড স্কুলত স্কুলীয়া শিক্ষা গ্ৰহণ কৰিছিল।^১১ পিছলৈ তেওঁ ২০১৯ চনত নিউয়ৰ্ক চহৰৰ নিউয়ৰ্ক ফিল্ম একাডেমীত এবছৰীয়া অভিনয় পাঠ্যক্ৰম গ্ৰহণ কৰে।^১২

কৰ্মজীৱন

কাপুৰে নিউয়ৰ্ক ফিল্ম একাডেমীত স্পিক আপ নামৰ ছাত্ৰসুলভ চুটি ছবি এখনত নেইনাৰ চৰিত্ৰত অভিনয়েৰে ছাত্ৰাৱস্থাৰ অভিনয়ত অভিষেক ঘটায়।^১২ ২০২৩ চনত দ্য আৰ্চিছত^১৩ তেওঁ বেটী কুপাৰৰ চৰিত্ৰত অভিনয়েৰে হিন্দী চলচ্চিত্ৰত আত্মপ্ৰকাশ কৰে।^১৪ ২০২৩ চনৰ ডিচেম্বৰ মাহত ছবিখনে নেটফ্লিক্সত মুক্তি পাইছিল।^১৫

২০২৫ চনত কাপুৰে জুনেইদ খানৰ বিপৰীতে তামিল ছবি লাভ টুডে (২০২২)ৰ পুনৰ্নিৰ্মাণ ৰোমাণ্টিক কমেডী লাভয়াপাত^১৬ অভিনয় কৰে। থিয়েটাৰত মুক্তি পোৱা এইখনেই তেওঁৰ প্ৰথম ছবি।^১৭১৮ যিহেতু ছবিখন তেওঁৰ তৃতীয়বাৰৰ চিত্ৰগ্ৰহণৰ অভিজ্ঞতা আছিল, সেয়েহে কাপুৰে কৈছিল যে তেওঁৰ প্ৰথম প্ৰজেক্টৰ তুলনাত এইবাৰ তেওঁ নিজৰ সামৰ্থ্যৰ ওপৰত যথেষ্ট বেছি আত্মবিশ্বাসী অনুভৱ কৰিছিল।^১৯ নিউজ১৮-ৰ তিতাস চৌধুৰীয়ে দ্য আৰ্চিছৰ পৰা তেওঁৰ উন্নতিৰ কথা লক্ষ্য কৰিছিল আৰু ভাবিছিল যে তেওঁ "বিশেষকৈ আৱেগিকভাৱে গধুৰ দৃশ্যবোৰত আপ্লুত কৰে।" ^২০ ইয়াৰ পিছত তেওঁ ধৰ্মাটিক এণ্টাৰটেইনমেণ্টৰ ৰোমাণ্টিক কমেডী নাদানিয়াঁত নৱাগত অভিনেতা ইব্ৰাহিম আলী খানৰ বিপৰীতে অভিনয় কৰিছিল। ছবিখন নেটফ্লিক্সত মুক্তি পাইছিল।^২১২২ ছবিখনে সেই সময়ত নেটফ্লিক্সত সৰ্বাধিক চোৱা ছবি হিচাপে স্বীকৃতিও লাভ কৰিছিল।

মিডিয়া ইমেজ

অভিনয়ৰ উপৰিও কাপুৰ ছল ডি জেনেইৰʼ আৰু মিন্ত্ৰাৰ দৰে ব্ৰেণ্ড তথা প্ৰডাক্টৰ ব্ৰেণ্ড এম্বেছাদৰ।^২৩২৪ ২০২৩ চনত তেওঁ কচমোপলিটান ইণ্ডিয়া নামৰ আমেৰিকীয় আলোচনী এখনৰ বেটুপাতত প্ৰদৰ্শিত হৈছিল।^২৫

কাপুৰে কৈছে যে সৰুতে তেওঁৰ চেহেৰাৰ ওপৰত কৰা নেতিবাচক মন্তব্যই তেওঁৰ আত্মসন্মান হ্ৰাস কৰিছিল।^২৬ তেওঁ প্ৰসাধন অস্ত্ৰোপচাৰ কৰাৰ বিষয়ে মুকলিকৈ কৈছে, যাৰ ভিতৰত আছে নাকৰ অস্ত্ৰোপচাৰ আৰু ভ্ৰূৰ নেনোব্লেডিং আদি।^২৭

চলচ্চিত্ৰপুঞ্জী

চলচ্চিত্ৰ

টেলিভিছন