এপি ঢিল্লোঁ

অমৃতপাল সিং "এপি" ঢিল্লোঁ (Amritpal Singh Dhillon) হৈছে পঞ্জাবী সংগীতৰ সৈতে জড়িত এগৰাকী ইণ্ডো-কানাডীয়^১২৩ ৰেপাৰ, কণ্ঠশিল্পী, আৰু ৰেকৰ্ড প্ৰযোজক।^৪ তেওঁৰ পাঁচটা একক গীতে অফিচিয়েল চাৰ্টছ কোম্পানী ইউ কে এছিয়ান আৰু পঞ্জাবী চাৰ্টত শীৰ্ষস্থান দখল কৰে। ইয়াৰ বিপৰীতে "মাঝাইল" আৰু "ব্ৰাউন মুণ্ডে" শীৰ্ষক গীত দুটিয়ে বিলবোৰ্ডৰ চাৰ্টত শীৰ্ষস্থান দখল কৰিবলৈ সক্ষম হয়। ঢিল্লোঁই তেওঁৰ ৰেকৰ্ড লেবেলৰ সতীৰ্থ শিল্পী গুৰিন্দৰ গিল, শিন্দা কাহলোঁ আৰু জিমিনক্সৰৰ সৈতে তেওঁলোকৰ ৰেকৰ্ড লেবেল, ৰান-আপ ৰেকৰ্ডছৰ অধীনত দলীয়ভাৱে কাম কৰে।^৫৬

প্ৰাৰম্ভিক জীৱন

ভাৰতৰ পঞ্জাব ৰাজ্যৰ গুৰদাসপুৰ জিলাৰ মুলিয়ানৱালৰ এক পঞ্জাবী শিখ পৰিয়ালত অমৃতপাল সিং ঢিল্লোঁই জন্মগ্ৰহণ কৰিছিল।^৭ তেওঁ লিটিল ফ্লাৱাৰ কনভেণ্ট স্কুলৰ পৰা স্কুলীয়া শিক্ষা সাং কৰি অমৃতসৰৰ বাবা কুমা সিং জী ইঞ্জিনিয়াৰিং কলেজৰ পৰা চিভিল ইঞ্জিনিয়াৰিঙত স্নাতক ডিগ্ৰী লাভ কৰিছিল। ঢিল্লোঁই কানাডাৰ ব্ৰিটিছ কলম্বিয়াৰ ছানিচৰ কেমোছুন কলেজৰ পৰা ব্যৱসায় প্ৰশাসন আৰু ব্যৱস্থাপনাত ডিপ্লমা ডিগ্ৰী লাভ কৰিছিল। সংগীতৰ জগতখনত মনোনিবেশ কৰাৰ পূৰ্বে তেওঁ বেষ্ট বাই নামৰ আমেৰিকাৰ কোম্পানী এটিত কিছু দিনৰ বাবে কাম কৰিছিল।^৮

কৰ্মজীৱন

ঢিল্লোঁই ২০১৯ চনত, শিন্দা কাহলোঁৰ সৈতে তেওঁলোকৰ নিজা স্বতন্ত্ৰ ৰেকৰ্ড লেবেল, ৰান-আপ ৰেকৰ্ডছৰ অধীনত, "ফেক" শীৰ্ষক একক গীত এটিত কণ্ঠদানেৰে কৰ্মজীৱনৰ পাতনি মেলিছিল। পিছলৈ তেওঁ গুৰিন্দৰ গিল আৰু শিন্দা কাহলোঁৰ "ফাৰাৰ" শীৰ্ষক গীতটোৰ প্ৰযোজক হিচাপে ভিডিঅʼটোত অভিনয় কৰিছিল।

২০২০ চনত, প্ৰযোজক জিমিনক্সৰৰ সৈতে তেওঁৰ একক গীত "ডেড্লী"য়ে অফিচিয়েল চাৰ্টছ কোম্পানীয়ে প্ৰকাশ কৰা ইউ কে এছিয়ান চাৰ্টত প্ৰৱেশ কৰে আৰু ১১শ শীৰ্ষস্থান দখল কৰে।^৯ লগতে, গীতটোৱে ইউকে পঞ্জাবী চাৰ্টৰ শীৰ্ষ ৫ম স্থান দখল কৰিছিল।^১০ গুৰিন্দৰ গিলৰ সৈতে তেওঁৰ পৰৱৰ্তী একক গীত "ড্ৰপটপ"ও ব্ৰিটেইনৰ এছিয়ান আৰু ব্ৰিটেইনৰ পঞ্জাবী দুয়োটা চাৰ্টতে স্থান দখল কৰে।^১০ ২০২০ চনৰ জুন মাহত তেওঁ গুৰিন্দৰ গিল আৰু মন্নী সান্ধুৰ সৈতে সহযোগিতা কৰি "মাঝাইল" শীৰ্ষক একক গীত এটিত কণ্ঠদান কৰে। এই গীতটিয়ে ব্ৰিটেইনৰ এছিয়ান আৰু পঞ্জাবী দুয়োটা চাৰ্টত শীৰ্ষস্থান দখল কৰে আৰু ই বৰ্তমানলৈকে তেওঁলোকৰ অন্যতম শ্ৰেষ্ঠ প্ৰদৰ্শন হিচাপে পৰিগণিত হয়।^৯১০ ২০২০ চনৰ জুলাই মাহত, তেওঁ আৰু তেওঁৰ সতীৰ্থ গুৰিন্দৰ গিলে ইণ্টেন্সৰ "এক্সকিউজ" শীৰ্ষক গীত এটিত অভিনয় কৰিছিল। এই গীতটিয়ে ইউ কে এছিয়ানত ৩য় স্থান দখল কৰিছিল আৰু ব্ৰিটেইনৰ পঞ্জাবী চাৰ্টত শীৰ্ষস্থান দখল কৰিছিল।^৯১১ ২০২০ চনৰ ছেপ্টেম্বৰ মাহত, তেওঁ গুৰিন্দৰ গিল, জিমিনক্সৰ আৰু শিন্দা কাহলোঁৰ সৈতে "ব্ৰাউন মুণ্ডে" শীৰ্ষক গীতটি মুকলি কৰে। এই সংগীত ভিডিঅ’টোত নৱ, সিদ্ধু মূ্ছে ৱালা, মানী মিউজিক, আনমোল ডালৱানী আৰু ষ্টিল বেংগলেজৰ দৰে সংগীতশিল্পীসকলেও অভিনয় কৰিছিল।^১২ এই গীতটোৱে কানাডাৰ এপল মিউজিক চাৰ্টত প্ৰৱেশ কৰিবলৈ সক্ষম হৈছিল।^১৩ লগতে গীতটোৱে ব্ৰিটেইনৰ এছিয়ান চাৰ্টত প্ৰথম স্থান দখলেৰে চাৰ্টখনত তেওঁৰ দ্বিতীয়টো শ্ৰেষ্ঠ গীত হৈ উঠে।

২০২০ চনত এপি ঢিল্লোঁই গুৰিন্দৰ গিল আৰু মানী মিউজিকৰ সৈতে তেওঁৰ প্ৰথমটো সহযোগিতামূলক এলবাম নট বাই চান্স মুকলি কৰে। ইপিৰ সাতটা গীতে নিউজিলেণ্ডৰ চাৰ্টত স্থান লাভ কৰিছিল আৰু ব্ৰিটেইনৰ অফিচিয়েল পঞ্জাবী মিউজিক চাৰ্টৰ শীৰ্ষ পাঁচটাৰ ভিতৰত শীৰ্ষস্থান দখল কৰিছিল।^১৪

২০২১ চনত এপি ঢিল্লোঁ আৰু তেওঁৰ দলটোৱে "অভাৰ দ্য টপ – দ্য টেকঅʼভাৰ ট্যুৰ"ৰ অংশ হিচাপে প্ৰথমবাৰৰ বাবে ভাৰতৰ ৬খন ডাঙৰ চহৰত পোনপটীয়াকৈ সংগীতানুষ্ঠান পৰিৱেশন কৰে।^১৫১৬ ব্ৰেণ্ড এছ’চিয়েচনৰ বাবে ঢিল্লোঁই ব’ট নামৰ ব্ৰেণ্ডটিৰ সৈতে অংশীদাৰিত্ব কৰে।^১৭৪ ঢিল্লোঁই ২০২১ চনত, গুৰিন্দৰ গিল আৰু জিমিনক্সৰৰ সৈতে সহযোগিতামূলকভাৱে ইপি "হিডেন জেমছ" শীৰ্ষক ধাৰাবাহিকখন মুকলি কৰে।

২০২২ চনত, ঢিল্লোঁই দ্য বয়ছ (ছিজন ৩)ৰ প্ৰচাৰৰ বাবে এমাজন প্ৰাইম ভিডিঅ’ৰ সৈতে সহযোগিতা কৰিছিল; যাৰ অধীনত তেওঁ ধাৰাবাহিকখনৰ ট্ৰেইলাৰত তেওঁৰ গীত ‘ইনচেন’ৰ এক বিশেষ সংস্কৰণ মুকলি কৰিছিল।^১১৮

২০২৩ চনত, তেওঁৰ হিট গীত "ছামাৰ হাই"ত কণ্ঠদানেৰে কানাডাৰ এডমণ্টনত অনুষ্ঠিত হোৱা ২০২৩ বৰ্ষৰ জুনো বঁটা প্ৰদান অনুষ্ঠানত অংশগ্ৰহণ কৰা প্ৰথমজন পঞ্জাবী ভাষাৰ শিল্পী আছিল ঢিল্লোঁ।^১৯

সংগীতপঞ্জী

মূল প্ৰবন্ধ: এপি ঢিল্লোঁৰ সংগীতপঞ্জী

• নট বাই চান্স
• দ্য ব্ৰাউনপ্ৰিণ্ট

চলচ্চিত্ৰপুঞ্জী

ৱেব ধাৰাবাহিক