আডা প্ৰধমন

আডা প্ৰধমন (ইংৰাজী ভাষা: Ada pradhaman) হৈছে এক পৰম্পৰাগত কেৰালেট মিঠাই, যি চাউলৰ আডা (চাউলৰ পাষ্টা বা ফ্লেকছ) আৰু সিজাই লোৱা নাৰিকলৰ গাখীৰ তথা গুড়ৰ মিশ্ৰণেৰে তৈয়াৰ কৰা হয়।^১২৩ ভাৰতৰ কেৰালা ৰাজ্যৰ ঘৰবোৰত বিশেষকৈ ওনাম উৎসৱৰদিনা আডা প্ৰধমন প্ৰস্তুত কৰা হয়। ই একপ্ৰকাৰৰ পায়সম, আৰু ইয়াক পৰম্পৰাগত ভোজ সাদ্যাৰ সৈতে পৰিৱেশন কৰা হয়।^২

সাধাৰণ প্ৰস্তুত প্ৰণালী

প্ৰথমে সিজাই লোৱা চাউলৰ আডা নাৰিকলৰ গাখীৰত যোগ কৰা হয়, তাৰ পিছত তাত গুড়ৰ চিৰাপ আৰু অন্যান্য উপাদান যেনে— বাদাম, কিচমিচ আৰু ইলাচী গুড়ি আদি ছটিয়াই দিয়া হয়।^৪

এই খাদ্যবিধ সাধাৰণতে গৰমে গৰমে পৰিৱেশন কৰা হয়। ই কেৰালাৰ আটাইতকৈ জনপ্ৰিয় মিঠাইসমূহৰ ভিতৰত অন্যতম।^৫

পালদা প্ৰধমন

পালদা প্ৰধমন (Palada Pradhaman) বা পালদা পায়সম হৈছে গাখীৰ (Pal/milk), চাউলৰ আডা, চেনি, ইলাচী গুড়ি, বাদাম আৰু কিচমিচৰ সহায়ত তৈয়াৰ কৰা একপ্ৰকাৰৰ পায়সম।^৬ কেৰালাৰ বিভিন্ন মন্দিৰত ভক্তসকলক প্ৰসাদ হিচাপে বিশেষভাৱে পালদা প্ৰধমন বা পালদা পায়সম প্ৰদান কৰা হয়।

লগতে চাওক

• চাক্কা প্ৰধমন