ৰম্যা নাম্বীচান

ৰম্যা নাম্বীচান (ইংৰাজী ভাষা: Remya Nambessan) হৈছে এগৰাকী ভাৰতীয় অভিনেত্ৰী, যিয়ে মূলতঃ মালয়ালম ভাষা আৰু তামিল ভাষা চলচ্চিত্ৰত কাম কৰে। তেওঁ ৭১খনতকৈও অধিক চলচ্চিত্ৰত অভিনয় কৰিছে।

প্ৰাৰম্ভিক জীৱন আৰু পৰিয়াল

কেৰালাৰ কোচিৰ ছোটানিক্কৰাত ৰম্যা নাম্বীচানৰ জন্ম হৈছিল।^১ তেওঁৰ পিতৃ সুব্ৰহ্মণ্যম উন্নী আৰু মাতৃ জয়শ্ৰী।^২৩ তেওঁৰ পিতৃ এগৰাকী প্ৰাক্তন থিয়েটাৰ শিল্পী আছিল, যিয়ে জুবিলী আৰু হৰিশ্ৰী আদি নাট্যদলৰ সক্ৰিয় সদস্য আছিল। তেওঁৰ ৰাহুল নামৰ এজন ভাতৃ আছে,^২ যিয়ে মালয়ালম চলচ্চিত্ৰ ফিলিপছ এণ্ড দি মাংকী পেন-ত সংগীত পৰিচালক হিচাপে আৰু তাতাতিন মৰায়তু চলচ্চিত্ৰত প্লেবেক কণ্ঠশিল্পী হিচাপে কাম কৰিছে।^৪ ৰম্যায় ছোটানিক্কৰাৰ ওচৰৰ অম্বডীমালাত অৱস্থিত মহাত্মা গান্ধী পাব্লিক স্কুলত পঢ়া-শুনা কৰিছিল। পৰৱৰ্তী সময়ত তেওঁ ইৰ্নাকুলামৰ চেইণ্ট টেৰেছাছ কলেজৰপৰা কমিউনিকেটিভ ইংলিছ বিষয়ত স্নাতক ডিগ্ৰী লাভ কৰে।^৫

কৰ্মজীৱন

ৰম্যায় তেওঁৰ কেৰিয়াৰৰ আৰম্ভণিতে সৰু সৰু সহযোগী চৰিত্ৰত অভিনয় কৰিছিল। তাৰ ভিতৰত সত্যন অতিকাৰৰ ব্যংগাত্মক চলচ্চিত্ৰ নৰেন্দ্ৰন মকন জয়কান্তন বকা (২০০১) আৰু গ্ৰামোফোন (২০০৩) অন্যতম।

২০০৬ চনৰ চলচ্চিত্ৰ আনাচন্দম-ত তেওঁ এগৰাকী সাহসী নৃত্য শিক্ষয়িত্ৰীৰ চৰিত্ৰত প্ৰথমবাৰৰ বাবে মুখ্য ভূমিকা পালন কৰে।^{৬৭৮২৯১০ ১১১২১৩১৪১৫১৬}

২০১২ চনত তেওঁক বেচেলৰ পাৰ্টি চলচ্চিত্ৰত দেখা গৈছিল আৰু ইভান মেঘৰূপন (২০১২) চলচ্চিত্ৰত তেওঁ এটা বিশেষ দৃশ্যত (কেমিঅ’ অপিয়েৰেন্স) অভিনয় কৰিছিল।^১৪ ইয়াৰ উপৰি তেওঁ সাজি সুৰেন্দ্ৰনৰ হাস্যকৰ চলচ্চিত্ৰ হাজবেণ্ডছ ইন গোৱা (২০১২)^১৭ আৰু ওৰু যাত্ৰায়িল (২০১৩) চলচ্চিত্ৰত অভিনয় কৰিবলৈ চুক্তিৱদ্ধ হৈছিল।^{১৮১৯২০২১২২২৩২৪}

অন্যান্য কাৰ্যসূচী

অভিনয় জগতত ভৰি দিয়াৰ পূৰ্বে তেওঁ এগৰাকী দূৰদৰ্শনৰ আঁতধৰোঁতা আছিল।^২৫৫ তেওঁ ছোটানিক্কৰা ভগৱতীৰ উদ্দেশ্যে কেইবাখনো ভক্তিগীতৰ এলবামত কণ্ঠদান কৰিছে।^২ ইয়াৰ উপৰি তেওঁ কেইখনমান মালয়ালম চলচ্চিত্ৰতো গীত গাইছে।^{২৬২৭৪২৮}

ফিল্মগ্ৰাফী

চলচ্চিত্ৰপঞ্জী

মালয়ালম চলচ্চিত্ৰ

অন্যান্য ভাষাৰ চলচ্চিত্ৰ

ৱেব ধাৰাবাহিক

দূৰদৰ্শন

সংগীতপঞ্জী