অনস্বৰা ৰাজন

অনস্বৰা ৰাজন এগৰাকী ভাৰতীয় অভিনেত্ৰী। তাই মূলতঃ মালয়ালম ছবিত অভিনয় কৰে৷ ২০১৭ চনত মুক্তিপ্ৰাপ্ত উদাহৰণম সুজাতা তাইৰ প্ৰথমখন ছবি আছিল।^১ ব্যৱসায়িকভাৱে সফল মালয়ালম ছবি উদাহৰণম সুজাতা (২০১৭), থান্নীৰ মথান দিনাংগল (২০১৯), আধ্যাৰাত্ৰি (২০১৯), ছুপাৰ শৰণ্যা (২০২২), মাইক (২০২২), প্ৰাণয়া বিলাসম (২০২৩), নেৰু (২০২৩) আৰু আব্ৰাহাম অ'জ্লাৰ (২০২৪)ৰ জৰিয়তে অনস্বৰাই জনপ্ৰিয়তা লাভ কৰে।

প্ৰাৰম্ভিক জীৱন

২০০২ চনৰ ৮ ছেপ্টেম্বৰত তিতা কেৰেলাৰ কন্নুৰ জিলাৰ কাৰিভেল্লুৰ চহৰৰ এক মধ্যবিত্ত পৰিয়ালত অনস্বৰা ৰাজনে জন্মগ্ৰহণ কৰিছিল।^২ তাইৰ পিতৃৰ নাম ৰাজন পায়্যাদক্কথ আৰু মাতৃৰ নাম ঊষা ৰাজন।^৩ পায়নুৰৰ ছেইণ্ট মেৰীছ গাৰ্লছ হাইস্কুলত শিক্ষা গ্ৰহণ কৰে।^৪৫

অভিনয় জীৱন

মঞ্জু ৱাৰিয়ৰ অভিনীত উদাহৰণম সুজাতা (২০১৭) ছবিত সুজাথাৰ বিদ্ৰোহী কন্যা, আথিৰাৰ চৰিত্ৰত অভিনয় কৰি অনস্বৰাই চলচ্চিত্ৰ জগতত আত্মপ্ৰকাশ কৰে। থান্নীৰ মথান দিনাংগল (২০১৯) ছবিখনত অনস্বৰাই প্ৰথমবাৰৰ বাবে মুখ্য চৰিত্ৰত অভিনয় কৰিছিল।^১ প্ৰেম, ভুল বুজাবুজি আৰু ডাঙৰ হোৱাৰ সংগ্ৰামৰ হৃদয়স্পৰ্শী কাহিনীৰে, হাইস্কুল এখনৰ পটভূমিত নিৰ্মিত হৈছিল ছবিখন। ছবিখন শ্লিপাৰ হিট হৈ পৰিল, পৰৱৰ্তী সময়ত অনস্বৰাই এই উদ্যোগত খ্যাতি অৰ্জন কৰে।^৬ আধ্যাৰাত্ৰি (২০১৯) ছবিখনত কন্যা আৰু মাতৃ হিচাপে দ্বৈত ভূমিকা পালন কৰিছিল। বক্স অফিচত শক্তিশালী প্ৰদৰ্শন লাভ কৰা ছুপাৰ শৰণ্যা (২০২২) ছবিখনত মুখ্য চৰিত্ৰত অভিনয় কৰিছিল।^৭

তৃষা অভিনীত ছবি ৰাংগী (২০২২)ৰ জৰিয়তে অনস্বৰাই তামিল ছবিজগতত প্ৰৱেশ কৰে।^৮ ২০২৩ চনত তামিল ছবি ঠাগছত হৃধু হাৰুণৰ সৈতে অভিনয় কৰিছিল। এণ্টনি ভাৰ্গেজে অভিনীত মালয়ালম ছবি স্বতন্ত্ৰ্যম অৰ্ধৰাথ্ৰিয়লৰ আনুষ্ঠানিক পুনৰ্নিৰ্মাণ আছিল। ইয়াৰিয়ান ২ (২০২৩) ছবিৰে হিন্দীত অভিষেক ঘটায়। একে বছৰতে জীথু জোচেফৰ দ্বাৰা পৰিচালিত মোহনলালে অন্ধ ভাস্কৰ্য শিল্পী হিচাপে অভিনয় কৰা নেৰু ছবিত অভিনয় কৰে। ছবিখনত তেওঁৰ অভিনয়ক বহুত প্ৰশংসা কৰা হৈছিল আৰু কেৰিয়াৰৰ শ্ৰেষ্ঠ ছবি বুলি গণ্য কৰা হৈছিল।^৯

চলচ্চিত্ৰপঞ্জী

চলচ্চিত্ৰ

• সকলোবোৰ চলচ্চিত্ৰ মালয়ালম ভাষাতেই আছে, অন্যথা ভাষাটো উল্লেখ কৰা হৈছে।

চুটি চলচ্চিত্ৰ