ৰণবীৰ শ্ব’ৰে

ৰণবীৰ শ্ব'ৰে (Ranvir Shorey; জন্ম: ১৮ আগষ্ট ১৯৭২) এগৰাকী ভাৰতীয় অভিনেতা আৰু প্ৰাক্তন ভিডিঅ' জকী। এক ছ’টিছি লাভ ষ্ট’ৰী (২০০২) ছবিত আত্মপ্ৰকাশ কৰাৰ পিছৰে পৰা তেওঁ মূলসুঁতিৰ আৰু স্বতন্ত্ৰ চিনেমা দুয়োটা ক্ষেত্ৰতে কাম কৰি আহিছে। তেওঁৰ ব্যৱসায়িকভাৱে সফল ছবিসমূহৰ ভিতৰত জিছম (২০০৩), লক্ষ্য (২০০৪), হানিমুন ট্ৰেভেলছ প্ৰাইভেট লিমিটেড (২০০৭), সিং ইজ কিং (২০০৮), এক থা টাইগাৰ (২০১২), আংগ্ৰেজি মিডিয়াম (২০২০), আৰু টাইগাৰ ৩ (২০২৩)। ইয়াৰ উপৰিও তেওঁ খোছলা কা ঘোছলা (২০০৬),ট্ৰেফিক চিগনেল আৰু ভেজা ফ্ৰাই (দুয়োখনেই ২০০৭), মিথ্যা (২০০৮), টিটলি (২০১৪), আৰু এ ডেথ ইন দ্য গুঞ্জ (২০১৬) আদি ছবিত অভিনয় কৰিছে।^১২ তেওঁ সোণচিৰিয়া (২০১৯)ৰ বাবে শ্ৰেষ্ঠ সহযোগী অভিনেতাৰ ফিল্মফেয়াৰ বঁটাৰ বাবে মনোনীত হৈছিল।^৩

ইয়াৰ পিছত তেওঁ ঝলক দিখলা জা ৭ (২০১৫) আৰু চলো কই বাত নাহি (২০২১) আতিথ্য প্ৰদান কৰে। ইয়াৰ উপৰিও বিভিন্ন ডিজিটেল ধাৰাবাহিক যেনে-ৰংবাজ (২০১৮), ছেক্ৰেড গেমছ (২০১৮-১৯), হাই আৰু হাছমুখ (দুয়োখনেই ২০২০), মেট্ৰ’ পাৰ্ক আৰু টাব্বাৰ (দুয়োখনেই ২০২১), আৰু ছানফ্লাৱাৰ (২০২১-২৪) আদিত অভিনয় কৰিছিল। ২০২৪ চনত তেওঁ ৰিয়েলিটি শ্ব' বিগ বছ অ'টিটি ৩ত অংশগ্ৰহণ কৰে আৰু দ্বিতীয় ৰানাৰ্ছ আপ হিচাপে অভিযানৰ অন্ত পেলায়।^৪৫

প্ৰাৰম্ভিক আৰু ব্যক্তিগত জীৱন

১৯৭২ চনৰ ১৮ আগষ্টত পঞ্জাৱৰ জলন্ধৰত বলিউডৰ প্ৰযোজক কৃষণ দেৱ শ্ব'ৰে^৬ৰ ঘৰত জন্মগ্ৰহণ কৰিছিল। তেওঁৰ লোকেশ শ্বোৰে নামৰ এজন ভাতৃ আছে।^৭ ৰণবীৰ শ্বোৰেই প্ৰাৰম্ভিক স্কুলীয়া শিক্ষা জলন্ধৰৰ দয়ানন্দ মডেল ছিনিয়ৰ ছেকেণ্ডাৰী স্কুলৰ পৰা কৰিছিল। শ্বোৰে অভিনেতা তথা পৰিচালক ৰজত কাপুৰ আৰু অভিনেতা বিনয় পাঠকৰ ঘনিষ্ঠ বন্ধু।

ৰ সৈতে শ্ব'ৰে]]

ৰণবীৰ শ্বোৰেই পূজা ভাটৰ লগত ৰোমাণ্টিক সম্পৰ্ক স্থাপন কৰিছিল। ২০১০ চনৰ ৩ ছেপ্টেম্বৰত তেওঁৰ দীৰ্ঘদিনীয়া প্ৰেমিকা অভিনেত্ৰী কংকনা সেন শৰ্মাৰ সৈতে বিবাহপাশত আবদ্ধ হয়।^৮ ২০০৮ চনত তেওঁলোকৰ গোৰেগাঁও বাসগৃহত এক অন্তৰংগ অনুষ্ঠানত বাগ্দান হৈছিল ৷ ২০১১ চনৰ ১৫ মাৰ্চত দক্ষিণ মুম্বাইৰ এখন চিকিৎসালয়ত এই দম্পতীৰ পুত্ৰ হাৰুণ শ্ব'ৰীৰ জন্ম হয়।^৯ পিছত বিবাহৰ পাঁচ বছৰৰ অন্তত দম্পতীৰ মাজত বিচ্ছেদ ঘটে। তেওঁলোকে এতিয়াও বন্ধু হৈ আছে আৰু পুত্ৰৰ তত্ত্বাৱধানৰ অংশীদাৰ হৈ আছে।^১০১১

কেৰিয়াৰ

তেওঁ নিজৰ বন্ধু তথা সহ-অভিনেতা বিনয় পাঠকৰ সৈতে কেৰিয়াৰ আৰম্ভ কৰিছিল। তেওঁ ষ্টাৰ ৱানত সম্প্ৰচাৰিত সফল টক শ্ব’ ৰণবীৰ বিনয় ঔৰ কৌন? আৰু দ্য গ্ৰেট ইণ্ডিয়ান কমেডী শ্ব’ৰ আঁত ধৰোঁতা আছিল।^১২

২০০২ চনত মণিষা কৈৰালাৰ বিপৰীতে এক চুটিচি লাভ ষ্ট’ৰী ছবিৰ জৰিয়তে তেওঁ অভিনয় জগতত আত্মপ্ৰকাশ কৰে। তেওঁৰ পৰৱৰ্তী ছবি জিম (২০০৩) হিট হৈছিল যদিও তাত তেওঁৰ ভূমিকা আছিল তেনেই সামান্য। ২০০৬ চনৰ কমেডী ছবি খোচলা কা ঘোচলাতহে তেওঁ প্ৰথমবাৰৰ বাবে দৰ্শকৰ দৃষ্টি আকৰ্ষণ কৰিবলৈ সক্ষম হয়। ছবিখনে যথেষ্ট প্ৰশংসা লাভ কৰাৰ লগতে তেওঁৰ হাস্যমধুৰ ভূমিকাকো শলাগ লোৱা হয়। তেওঁ প্যাৰ কে ছাইড ইফেক্টছত ৰাহুল বসুৰ বন্ধু নানুৰ চৰিত্ৰত অভিনয় কৰিছিল। ২০০৭ চনত তেওঁ বহু তাৰকাযুক্ত ছবি হানিমুন ট্ৰেভেলছ প্ৰাইভেট লিমিটেডত অভিনয় কৰে যিখন মধ্যমীয়াভাৱে সফল হৈছিল। ইয়াৰ পিছত তেওঁ যশ ৰাজ ফিল্মছৰ নিৰ্মাণত ২০০৭ চনৰ নৱেম্বৰত মুক্তি পোৱা আজা নাচলেত অভিনয় কৰে। ২০০৮ চনৰ ফেব্ৰুৱাৰীত মুক্তি পোৱা মিথ্যাত ৰণবীৰ শ্ব’ৰেয়ে মুখ্য অভিনেতা হিচাপে কাম কৰে আৰু ছবিখনে সমালোচকৰ উচ্চ প্ৰশংসা লাভ কৰে। ২০০৮ চনত ৰণবীৰক আগলী ঔৰ পাগলী আৰু বক্স অফিচত হিট হোৱা সিং ইজ কিংৰ দৰে ছবিত দেখা গৈছিল।^১৩

২০১৪ চনত কালৰ্ছ টিভিত সম্প্ৰচাৰিত ঝলক দিখলা যা ছিজন ৭ৰ তেওঁ আঁত ধৰিছিল।^১৪

২০১৮ চনত তেওঁ স্বৰা ভাস্কৰৰ সৈতে শ্বেম নামৰ এখন চুটি ছবিত অভিনয় কৰিছিল।^১৫ তেওঁ ২০১৯ চনৰ ছবি সোণচিৰিয়াত সুশান্ত সিং ৰাজপুত, আশুতোষ ৰাণা আৰু মনোজ বাজপেয়ীৰ সৈতে অভিনয় কৰিছিল।^১৬

ৰণবীৰ শ্ব’ৰে অভিনীত কডাক নামৰ ডাৰ্ক কমেডীখনেও দৰ্শকৰ দৃষ্টি আকৰ্ষণ কৰিছিল।^১৭

শ্ব’ৰে জনপ্ৰিয় ৰিয়েলিটি টিভি শ্ব’ বিগবছ অ’টিটি ছিজন ৩ৰ এজন প্ৰতিযোগী আছিল। জিঅ’ চিনেমা প্ৰিমিয়ামত সম্প্ৰচাৰিত এই অনুষ্ঠানটোত তেওঁ ২০২৪ চনৰ ২১ জুনত প্ৰৱেশ কৰিছিল।^১৮

চলচ্চিত্ৰপঞ্জী

চলচ্চিত্ৰ

টেলিভিছন

বঁটা আৰু মনোনয়ন