ৰাজেন্দ্ৰ কুমাৰ

ৰাজেন্দ্ৰ কুমাৰ (Rajendra Kumar) ; আছিল ভাৰতৰ বলিউদ তথা হিন্দী চিনেমাৰ জনপ্ৰিয় অভিনেতা। ১৯৪৯ চনত নিজৰ কেৰিয়াৰ আৰম্ভ কৰি চাৰি দশকৰো অধিক সময়ৰ ভিতৰত ৮০খনতকৈও অধিক ছবিত কাম কৰিছিল। কুমাৰক ভাৰতীয় চিনেমাৰ অন্যতম শ্ৰেষ্ঠ আৰু সফল অভিনেতা হিচাপে গণ্য কৰা হয়। ষাঠিৰ দশকৰ সময়ছোৱাত তেওঁ ব্যাৱসায়িকভাৱে সফল ছবিত ধাৰাবাহিক ভাবে অভিনয় কৰিছিল।^১

প্ৰাৰম্ভিক জীৱন

ব্ৰিটিছ ভাৰতৰ পঞ্জাৱ প্ৰদেশৰ ছিয়ালকোটত থকা এটা পাঞ্জাবী হিন্দু ক্ষত্ৰিয় পৰিয়ালত ৰাজেন্দ্ৰ কুমাৰৰ জন্ম হৈছিল।^২ তেওঁৰ ককাদেউতাক আছিল এজন সফল সামৰিক ঠিকাদাৰ আৰু তেওঁৰ পিতৃৰ বস্ত্ৰ ব্যৱসায় আছিল ব্ৰিটিছ ভাৰতৰ সিন্ধ প্ৰদেশৰ কৰাচীত। ভাৰত বিভাজনৰ সময়ত পৰিয়ালটোৱে নিজৰ সকলো মাটি-সম্পত্তি এৰি ভাৰতলৈ প্ৰব্ৰজন কৰিবলগীয়া হৈছিল। বম্বেত উপস্থিত হোৱাৰ পিছত কুমাৰে হিন্দী চলচ্চিত্ৰ জগতত নিজৰ ভাগ্য পৰীক্ষা কৰাৰ সিদ্ধান্ত লয়। তেওঁ কেতিয়াও নায়ক হ’ব বিচৰা নাছিল আৰু পৰিচালক এইচ এছ ৰাৱাইলৰ সহায়ক হিচাপে কাম কৰিবলৈ আৰম্ভ কৰিছিল। প্ৰায় পাঁচ বছৰ ধৰি ৰাৱাইলৰ সৈতে ‘পাটাংগা’, ‘সাগাই’, ‘পকেট মাৰ’ আদি ছবিত সহায়ক হিচাপে কাম কৰিছিল।^৩

ব্যক্তিগত জীৱন

কুমাৰে হিন্দী ছবিৰ বেহল পৰিয়ালৰ শুক্লাক বিয়া কৰায়। শুক্লা ৰমেশ বেহল আৰু শ্যাম বেহলৰ ভগ্নী আৰু তেওঁলোকৰ পুত্ৰ গোল্ডি বেহল আৰু ৰবি বেহলৰ পেহীয়েক।^৪ ৰাজেন্দ্ৰ আৰু শুক্লাৰ এজন পুত্ৰ আৰু দুগৰাকী কন্যা আছিল। তেওঁৰ পুত্ৰ কুমাৰ গৌৰৱ এজন প্ৰাক্তন অভিনেতা। তেওঁৰ কন্যা ডিম্পলে হলিউডৰ চলচ্চিত্ৰ নিৰ্মাতা ৰাজু পেটেলৰ সৈতে বিবাহপাশত আবদ্ধ হৈছিল। ভাৰতীয় চলচ্চিত্ৰ প্ৰযোজক অ’ পি ৰলহানৰ সৈতে তেওঁৰ ভগ্নী মনোৰমাৰ বিবাহ হৈছিল। তেওঁৰ সৰু ভাতৃ আছিল চলচ্চিত্ৰ পৰিচালক নৰেশ কুমাৰ।

কুমাৰে সুনীল দত্ত আৰু নাৰ্গিছৰ সৈতে মাদাৰ ইণ্ডিয়া (১৯৫৭) ছবিত অভিনয় কৰিছিল য'ত সুনীল দত্ত আৰু ৰাজেন্দ্ৰ কুমাৰে নাৰ্গিছৰ চৰিত্ৰৰ পুত্ৰৰ চৰিত্ৰত অভিনয় কৰিছিল। দত্তৰ সৈতে তেওঁৰ বিশেষ সম্পৰ্ক আছিল আৰু তেওঁৰ প্ৰচাৰত সক্ৰিয়ভাৱে অংশগ্ৰহণ কৰিছিল, যেতিয়াই দত্তই নিৰ্বাচনত প্ৰতিদ্বন্দ্বিতা কৰিছিল। ৰাজ কাপুৰৰ লগত ৰাজেন্দ্ৰ কুমাৰৰ ভাল বন্ধুত্ব আছিল। তেওঁলোকৰ বন্ধুত্ব ইমানেই ভাল আছিল যে তেওঁৰ পুত্ৰ কুমাৰ গৌৰৱৰ বাগ্দান হৈছিল ৰাজ কাপুৰৰ কন্যা ৰীমাৰ সৈতে। কিন্তু সন্তানৰ এংগেজমেণ্ট ভংগ হোৱাৰ পিছত তেওঁলোকৰ বন্ধুত্ব বিচ্ছিন্ন হৈ পৰে আৰু কুমাৰ গৌৰৱে সুনীল দত্ত আৰু নাৰ্গিছৰ কন্যা নম্ৰতাক বিয়া কৰায়। ^৫ বিভাজনৰ পূৰ্বে তেওঁ আৰু তেওঁৰ পৰিয়াল ছিয়ালকোটৰ ওচৰৰ গাঁও সাংখাত্ৰাত বাস কৰিছিল। যিহেতু তেওঁ মুছলমান চুবুৰিত ডাঙৰ-দীঘল হৈছিল তেওঁৰ শৈশৱৰ প্ৰিয় বন্ধু ইউছুফ বেইগৰ মৃত্যু ১৯৮৮ চনত, ৰাজেন্দ্ৰ কুমাৰে আনুষ্ঠানিকভাৱে পাকিস্তান ভ্ৰমণ কৰিছিল ১৯৮৮ চনত তেওঁ নিজৰ বন্ধু ইউছুফ বেগৰ কবৰলৈও গৈছিল। ইউছুফ বেগৰ পিতৃ ৰমজান বেইগ সংখাটৰা হাইস্কুলত অধ্যক্ষ আছিল, আনহাতে ১৯৮৮ চনত তেওঁ পাকিস্তান ভ্ৰমণ কৰিছিল তেওঁৰ সাক্ষাৎকাৰত ৰমজান বাইগ তেওঁৰ কথা উল্লেখ কৰিছিল শ্ৰেষ্ঠ শিক্ষক আৰু ইউছুফ বেইগ তেওঁৰ প্ৰিয় বন্ধু আছিল। ৰাজেন্দ্ৰ কুমাৰে উৰ্দু ভাষা পঢ়িব আৰু লিখিব পাৰিছিল।

মৃত্যু

কুমাৰে কেন্সাৰৰ সৈতে যুঁজি থকাৰ সময়ত কোনো ঔষধ খাবলৈ অস্বীকাৰ কৰিছিল, ১৯৯৯ চনৰ ১২ জুলাইত ৭১ বছৰ বয়সত পুত্ৰৰ ৪৩বছৰীয়া জন্মদিনৰ মাত্ৰ এদিন পাছত আৰু ৭২বছৰীয়া জন্মদিনৰ মাত্ৰ ৮ দিন আগতে হাৰ্ট এটেকত আক্ৰান্ত হৈ মৃত্যু হয়।^৬

তেতিয়াৰ প্ৰধানমন্ত্ৰী অটল বিহাৰী বাজপায়ীয়ে তেওঁৰ মৃত্যুত শোক প্ৰকাশ কৰাৰ লগতে গভীৰ শোক প্ৰকাশ কৰে। মন্ত্ৰী প্ৰমোদ মহাজনে কয় যে "তেওঁৰ মৃত্যুৰ ফলত চিনেমাৰ জগতখন অধিক দৰিদ্ৰ হৈ পৰিছে।" আই এণ্ড বিৰ ৰাজ্যিক মন্ত্ৰী মুখতাৰ আব্বাছ নাকভিয়ে কয় যে চিনেমা দৰ্শকৰ আৱেগক দোলা দি থকা প্ৰবীণ অভিনেতাগৰাকীৰ মৃত্যু উদ্যোগটোৰ বাবে এক বৃহৎ ক্ষতি।