বিনয় পাঠক

বিনয় পাঠক (Vinay Pathak; জন্ম: ২৭ জুলাই ১৯৬৮) এজন ভাৰতীয় থিয়েটাৰ আৰু চলচ্চিত্ৰ অভিনেতা। তেওঁ খোছলা কা ঘোছলা, ভেজা ফ্ৰাই, আইলেণ্ড চিটি আৰু জনী গদ্দাৰকে ধৰি বহু ছবিত অভিনয় কৰিছে। ইয়াৰ লগতে তেওঁ জিছম, ৰব নে বনা দি জৌড়ি আৰু মাই নেম ইজ খান আদি ছবিত সহ অভিনয় কৰিছে।^১

প্ৰাৰম্ভিক জীৱন

১৯৬৮ চনৰ ২৭ জুলাইত ভাৰতৰ বিহাৰৰ ভোজপুৰ জিলাত পাঠকে জন্মগ্ৰহণ কৰিছিল। তেওঁৰ প্ৰাৰম্ভিক শৈশৱকাল ধানবাদত কটায় কাৰণ তেওঁৰ পিতৃয়ে তাত আৰক্ষী বিভাগত চাকৰি কৰিছিল। ১৯৮২ চনলৈকে তেওঁ ৰাঁচীৰ বিকাশ বিদ্যালয়ত পঢ়িছিল। ই এখন বৰ্ডিং স্কুল। এলাহাবাদ বিশ্ববিদ্যালয়ৰপৰা স্নাতক ডিগ্ৰী লাভ কৰাৰ পাছত তেওঁ উচ্চ শিক্ষাৰ বাবে আমেৰিকালৈ গুচি যায়। ষ্ট’নি ব্ৰুক বিশ্ববিদ্যালয়ৰ বিএফএ শ্ৰেণীত অধ্যয়নৰত সময়ছোৱাত ফাৰ্লি ৰিচমণ্ড পাঠকৰ মুখ্য শিক্ষকসকলৰ এগৰাকী আছিল, যি তেওঁক ১৯৯৫ চনত ভাৰত, হিন্দী থিয়েটাৰ আৰু চলচ্চিত্ৰলৈ ঘূৰি আহিবলৈ উপদেশ দিছিল।

কৰ্মজীৱন

নিউয়ৰ্কৰ ষ্টেট ইউনিভাৰ্চিটিত ষ্ট’নি ব্ৰুকত বিনয় পাঠকে একাধিক চৰিত্ৰত অভিনয় কৰিছিল। তাৰ ভিতৰত আছিল ফাৰ্লি ৰিচমণ্ডৰ পৰিচালনাত মঞ্চস্থ আৰু বিনয় পাঠক, ভিনচেণ্ট ডেলি, গেৰী কছগ্ৰ’ভ, এলিছন ষ্টিল, জন ৰক, জেকলিন মেকাৰিঅ', চাইমন আৰু ডিমিট্ৰি দ্বাৰা অভিনীত চাইলেন্স দ্য ক’ৰ্ট ইজ ইন চেচন। ১৯৯৯ চনত তেওঁ টেলিভিছন ধাৰাবাহিক হিপ হিপ হুৰেত বিনয়ৰ চৰিত্ৰত অভিনয় কৰিছিল।ৰ্পাঠকে দচৱিড়ানিয়া ছবি নিৰ্মাণ কৰিছিল, য’ত এজন সাধাৰণ মানুহে মৃত্যুৰ আগতে বিদায় লোৱাৰ কাহিনী বৰ্ণনা কৰা হৈছিল।^২

তেওঁৰ ভাল বন্ধু ৰণবীৰ শ্ব’ৰেৰ সৈতে ‘OYE’ নামৰ শ্ব’টোত ঘোষক হিচাপে কাম কৰিছিল। তেওঁলোকে একেলগে 'ৰণবীৰ বিনয় ঔৰ কৌন?'^৩ টক শ্ব’ আয়োজন কৰাৰ লগতে 'হাউছ এৰেষ্ট','দুনিয়া গৌল হ্যে' আৰু 'ক্ৰিকেট ক্ৰেজি' হষ্ট কৰিছিল। বন্ধু ৰণবীৰ, সুৰেশ মেনন আৰু গৌৰৱ গেৰাৰ সৈতে দলবদ্ধ হৈ পাঠকে গেগ ভিত্তিক অনুষ্ঠান ‘দ্য গ্ৰেট ইণ্ডিয়ান কমেডী শ্ব’’ত কাম কৰিছিল।

পাঠকে কানাডাৰ শিখ সম্প্ৰদায়ক লৈ টিভিৰ বাবে নিৰ্মিত চিনেমা মাৰ্ডাৰ আনভেইলড (২০০৫)ত পৰিদৰ্শক গুৰপাল বাদাছৰ নামৰ এটি সৰু চৰিত্ৰত অভিনয় কৰিছিল। পাঠকে জনী গদ্দাৰ, আজা নাচলে, খোয়া খোয়া চান্দ আৰু ৰব নে বনা দি জৌড়ি চিনেমাত অভিনয় কৰিছিল।

প্ৰীতিশ নন্দী কমিউনিকেশ্যনৰদ্বাৰা প্ৰযোজিত তেওঁৰ ছবি ৰাত গয়ী বাত গয়ী ২০০৯ চনৰ ডিচেম্বৰ মাহত ভাৰতত মুক্তি পায়।

পাঠকে অন্তৰ্দ্বন্দ্ব ছবিতো অভিনয় কৰিছিল।

ব্যক্তিগত জীৱন

বিনয় পাঠকৰ পত্নী হৈছে সোণিকা ছাহায়।^৪এই দম্পতী দুগৰাকী কন্যা ক্ৰমে বসুধা আৰু শাৰিণী।

চলচ্চিত্ৰপঞ্জী

দূৰদৰ্শন

চিনেমা

বাহ্যিক সংযোগ

• ইণ্টাৰনেট চলচ্চিত্ৰ ডাটাবেছ (ইণ্টাৰনেট মুভি ডাটাবেছ) ত বিনয় পাঠক।