সিমৰত কৌৰ

সিমৰত কৌৰ ৰন্ধাৱা (Simrat Kaur Randhawa; জন্ম: ১৬ জুলাই ১৯৯৭) এগৰাকী ভাৰতীয় অভিনেত্ৰী। তেওঁ তেলুগু আৰু হিন্দী চলচ্চিত্ৰত অভিনয় কৰাৰ বাবে পৰিচিত।^১ ২০১৭ চনত, তেওঁ প্ৰেমথো মী কাৰ্তিক নামৰ তেলুগু ভাষাৰ ছবি এখনত অভিনয়েৰে ছবিজগতত প্ৰৱেশ কৰে।^২

প্ৰাৰম্ভিক জীৱন

১৯৯৭ চনৰ ১৬ জুলাই তাৰিখে, মুম্বাইত পঞ্জাবী শিখ পৰিয়ালত সিমৰতৰ জন্ম হৈছিল। তেওঁ কম্পিউটাৰ বিজ্ঞানত অনাৰ্ছসহ বি.এছচি পাছ কৰে।^৩

কৰ্মজীৱন

২০১৭ চনত, পৰিচালক ঋষিৰ তেলুগু ৰোমাণ্টিক নাট্য ছবি প্ৰেমথো মী কাৰ্তিকত অভিনেতা কাৰ্তিকেয়ৰ বিপৰীতে অভিনয়েৰে তেওঁ অভিনয় জগতত আত্মপ্ৰকাশ কৰে।^৪ ২০১৮ চনত, তেওঁ পৰিচয়ম আৰু ছোনী নামৰ ছবি দুখনত অভিনয় কৰিছিল।^৪ পিছলৈ তেওঁডাৰ্টি হৰি নামৰ তেলুগু ভাষাৰ ৰোমাণ্টিক থ্ৰিলাৰধৰ্মী ছবি এখনত অভিনেতা শ্ৰৱণ ৰেড্ডীৰ বিপৰীতে নায়িকাৰ ভূমিকাত অভিনয় কৰে। এই ছবিখন আমেৰিকীয় ছবি মেচ পইণ্টৰ ভাৰতীয় অভিযোজন আছিল।^৫

তেওঁ সংগীত শিল্পী হিম্মত সন্ধুৰ বুৰ্জ খলিফা আৰু লাৰা লাপ্পা আদি পঞ্জাবী মিউজিক ভিডিঅ’তো অভিনয় কৰিছিল। ২০২২ চনত, তেওঁ জি জি সিঙৰ পঞ্জাবী ভিডিঅ’ গীত লোফাৰতো অভিনয় কৰে। ^৬ ২০২১ চনত, তেওঁ "তেৰে বিন জিন্দেগী" শীৰ্ষক কণ্ঠশিল্পী মিকা সিঙৰ ৰোমাণ্টিক গীত এটিত অভিনয় কৰিছিল।^৭ ২০২২ চনত, নাগাৰ্জুন অভিনীত ছবি বাংগাৰৰাজুত এটি কেমিঅʼ চৰিত্ৰত অভিনয় কৰিছিল। ২০২৩ চনত ১১ আগষ্টত মুক্তি পোৱা হিন্দী ছবিগদৰ ২-ত অভিনেতা উৎকৰ্ষ শৰ্মাৰ পত্নী আৰু ছানী দেউলৰ বোৱাৰীৰ চৰিত্ৰত কৌৰে অভিনয় কৰে।^৮

চলচ্চিত্ৰপুঞ্জী